ନୂଆଦିଲ୍ଲୀ ୧୭/୦୪: ସାରା ଦେଶରେ ଧୂମ୍ଧାମ୍ରେ ପାଳନ ହେଉଛି ରାମ ନବମୀ । ସବୁଠି ଉତ୍ସାହର ମାହୋଲ । ଏଭଳି ପରିସ୍ଥିତିରେ ଅଯୋଧ୍ୟାରେ ପ୍ରଥମ ଥର ପାଇଁ ରାମଲାଲାଙ୍କ ସୂର୍ଯ୍ୟାଭିଷେକ କରାଯାଇଥିଲା । ରାମ ଭକ୍ତମାନେ ସାରା ଦେଶରେ ପାଳନ କରିଥିଲେ । ସାରା ବିଶ୍ୱ ଏହି ଏୈତିହାସିକ ମୁହୂର୍ତ୍ତର ସାକ୍ଷୀ ହୋଇଥିଲେ ।
ଏଭଳି ପରିସ୍ଥିତିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବା ବାଦ୍ ପଡିଥାନ୍ତେ କିପରି । ଏହି ଅପୂର୍ବ ମୁହୂର୍ତ୍ତର ସାକ୍ଷୀ ହୋଇଥିଲେ ପ୍ରଧାନମନ୍ତ୍ରୀ । ଯଦିଓ ମନ୍ଦିର ଯାଇପାରିନଥିଲେ କିନ୍ତୁ, ଭର୍ଚୁଆଲରେ ସାମିଲ ହୋଇଥିଲେ ମୋଦୀ । କାରଣ ନିର୍ବାଚନ ପ୍ରଚାର ପାଇଁ ଆସାମ ଗସ୍ତରେ ଅଛନ୍ତି ପ୍ରଧାନମନ୍ତ୍ରୀ ମୋଦୀ ।
ଏହି ଅବସରରେ ସେ ସାଧାରଣ ସଭା ପରେ ହେଲିକପ୍ଟରରେ ଯାତ୍ରା କରୁଥିବାବେଳେ ଅଯୋଧ୍ୟାରେ ରାମଲାଲାଙ୍କ ସୂର୍ଯ୍ୟ ଅଭିଷେକଙ୍କ ଅପୂର୍ବ ଦୃଶ୍ୟ ଦେଖିଥିଲେ । ପ୍ରଧାନମନ୍ତ୍ରୀ ମୋଦୀ ବର୍ତ୍ତମାନ ଆସାମର ନାଲବାରୀରେ ଅଛନ୍ତି। ସେ ସେଠାରେ ଏକ ସାଧାରଣ ସଭାକୁ ସମ୍ବୋଧିତ କରିଥିଲେ । କିନ୍ତୁ ସାଧାରଣ ସଭାକୁ ସମ୍ବୋଧିତ କରିବା ପରେ ସେ ନିଜେ ହେଲିକପ୍ଟରରେ ଅପୂର୍ବ ମୁହୂର୍ତ୍ତର ମୁକସାକ୍ଷୀ ହୋଇଥିଲେ ।
After my Nalbari rally, I watched the Surya Tilak on Ram Lalla. Like crores of Indians, this is a very emotional moment for me. The grand Ram Navami in Ayodhya is historic. May this Surya Tilak bring energy to our lives and may it inspire our nation to scale new heights of glory. pic.twitter.com/QqDpwOzsTP
— Narendra Modi (@narendramodi) April 17, 2024
ନିଜ X ହ୍ୟାଣ୍ଡେଲରେ ଲେଖିଛନ୍ତି ଅଯୋଧ୍ୟାରେ ରାମଲାଲାଙ୍କ ସୂର୍ଯ୍ୟ ତିଲକଙ୍କର ଅଦ୍ଭୁତ ତଥା ଅନନ୍ୟ ମୁହୂର୍ତ୍ତ ଦେଖିବାର ସୌଭାଗ୍ୟ ପାଇଲି । ସେ କହିଛନ୍ତି ଯେ ଶ୍ରୀ ରାମ ଜନ୍ମଭୂମିର ବହୁ ପ୍ରତୀକ୍ଷିତ ମୁହୂର୍ତ୍ତ ସମସ୍ତଙ୍କ ପାଇଁ ଅତ୍ୟନ୍ତ ଆନନ୍ଦଦାୟକ ମୁହୂର୍ତ୍ତ ଅଟେ । ଏହି ସୂର୍ଯ୍ୟ ତିଲକ ନିଜର ଐଶ୍ୱରୀୟ ଶକ୍ତି ସହିତ ଏହି ଉପାୟରେ ବିକଶିତ ଭାରତର ପ୍ରତ୍ୟେକ ସଂକଳ୍ପକୁ ଆଲୋକିତ କରିବ ।
