ମୁମ୍ୱାଇ ୧୪/୦୨: ଭାରତୀୟ ଟିମ୍ର ପୂର୍ବତନ ଅଲ୍ରାଉଣ୍ଡର ଯୁବରାଜ ସିଂହ । କ୍ରିକେଟ ଜଗତରେ ସେ ସିକ୍ସର କିଙ୍ଗ ଭାବେ ଜଣାଶୁଣା । କ୍ରିକେଟରୁ ସନ୍ୟାସ ନେବା ପରେ ସେ ଏବେ ବ୍ୟବସାୟୀ ଭାବେ ମାର୍କେଟରେ ନିଜକୁ ପ୍ରସ୍ତୁତ କରୁଛନ୍ତି । ୟୁବିଙ୍କ ପାଖରେ ଏବେ ବଡ ବଡ ବ୍ୟବସାୟୀ କମ୍ପାନୀଙ୍କ ଭିଡ ଲାଗିଛି । ଯେଉଁଥିରୁ ସେ ଖୁବ୍ ପଇସା କମାଉଛନ୍ତି ।
ମିଡିଆ ରିପୋର୍ଟ ଅନୁସାରେ ଯୁବରାଜଙ୍କ ନେଟଓ୍ୱର୍ଥ ପାଖାପାଖି ୩୨୦ କୋଟି ଟଙ୍କା ଅଛି । ୟୁବିଙ୍କର ଅନେକ ଷ୍ଟାର୍ଟଅପ୍ ଆରମ୍ଭ କରିସାରିଲେଣି । ଯେଉଁଥିରୁ ଜବରଦସ୍ତ ଅର୍ଥ ଉପାର୍ଜୁଛନ୍ତି । ତାଙ୍କର ବ୍ୟକ୍ତିଗତ ପ୍ରପଟି ପାଖାପାଖି ୫୦ କୋଟିରୁ ଅଧିକ । ୟୁବରାଜ ସିଂହଙ୍କ ପାଖରେ ମୁମ୍ୱାଇରେ ଦୁଇଟି ଆଲିସାନ ଆପାର୍ଟମେଣ୍ଟ ଅଛି । ନିକଟରେ ଭାରତୀୟ କ୍ରିକେଟ ଟିମ୍ ପୂର୍ବ ଦିଗ୍ଗଜ ଅଲ୍ରାଉଣ୍ଡର ଯୁବରାଜ ସିଂହ ଅଲଟ୍ରା ପ୍ରିମିୟମ ସ୍ପିରିଟ୍ ବ୍ରାଣ୍ଡ ଫିନୋ ଟକିଲା ଲଞ୍ଚ କରିଛନ୍ତି । ମାନେ ଏଣିକି ସେ ମଦ ବ୍ୟବସାୟରେ ନିବେଶ କରିବେ ।
ଏମିତିକି ପୁଳା ପୁଳା ରୋଜଗାର କରିବେ । ଯଦିଓ ଯୁବରାଜ ଅନେକ ବ୍ୟବସାୟୀଙ୍କ ସହ ମିଶି ଆମେରିକା ମାର୍କେଟରେ ଲଞ୍ଚ କରିଛନ୍ତି । ୟୁବି ଖୁବ୍ ଶୀଘ୍ର ଏହାକୁ ଭାରତରେ ଲଞ୍ଚ କରିବେ । ଏଥିପାଇଁ ପ୍ରସ୍ତୁତି ବି ଶେଷ ପର୍ଯ୍ୟାୟରେ ଚାଲିଛି । ୟୁବି ଏହି ବ୍ରାଣ୍ଡକୁ ଆମେରିକାର ଶିକାଗୋରେ ଆୟୋଜିତ ଗୋଟିଏ ଇଭେଣ୍ଟରେ ଲଞ୍ଚ କରିଥିଲେ । ୨୦୨୫ ଏପ୍ରିଲ୍ ଭିତରେ ଏହି ବ୍ୟବସାୟକୁ ୟୁବି ଭାରତ ଆଣିବାର ବହୁତ ସମ୍ଭାବନା ରହିଛି ।
