ସାଲେପୁର ୦୮।୦୩ : ମହାନଦୀରେ ବୁଡ଼ି ଯୁବକ ନିଖୋଜ । କଟକ ଜଗତପୁର ଥାନା ବରଗୋଡ଼ିଆ ନିକଟରେ ମହାନଦୀ ପାଣିରେ ଭାସି ଜଣେ ଯୁବକ ନିଖୋଜ ହୋଇଛନ୍ତି । ଯାହାଙ୍କୁ ଉଦ୍ଧାର ପାଇଁ ଖୋଜାଖୋଜି ଆରମ୍ଭ ହୋଇଛି ।
ଖବର ଅନୁଯାୟୀ, ବରଗୋଡ଼ିଆ ନିକଟ ମହାନଦୀରୁ ବେଆଇନ୍ ଭାବେ ବାଲି ଉଠାଣ ଚାଲିଥିଲା । ଯାହା ସଂପର୍କରେ ଖବର ପାଇ ମାଇନ୍ସ ଏବଂ ପୋଲିସ ଅଧିକାରୀ ଘଟଣାସ୍ଥଳରେ ପହଞ୍ଚି ଚଢାଉ କରିଥିଲେ। ଯେଉଁଥିରେ ଭୟଭୀତ ହୋଇ ଜଣେ ଯୁବକ ନଦୀକୁ ଡେଇଁ ପଡିଥିଲେ । ଯାହାପରେ ଯୁବକଙ୍କୁ ଉଦ୍ଧାର କରି ଆରମ୍ଭ ହୋଇଥିଲା ଖୋଜାଖୋଜି । ହେଲେ ବର୍ତ୍ତମାନ ଯାଏଁ ନିଖୋଜ ଯୁବକଙ୍କ ସଂପର୍କରେ କୌଣସି ସୂଚନା ମିଳିଲାନି ।
