ବଲାଙ୍ଗିର ୨୨।୮: ଘରେ ନଥିଲେ ପରିବାର ଲୋକ । ଏକୁଟିଆ ଥିଲେ ନାବାଳିକା । ଏହାସର ସୁଯୋଗ ନେଇ ଘରେ ପସିଲେ ଯୁବକ । ନାବାଳିକାଙ୍କ ତଣ୍ଟିକାଟି ହୋଇଗଲେ ଫେରାର । ବଲାଙ୍ଗିର ସଦର ଥାନା ଅଞ୍ଚଳରେ ଘଟିଛି ଏଭଳି ଅଭାବନୀୟ ଘଟଣା ।
ସୂଚନାଯୋଗ୍ୟ ଯେ, ବଲାଙ୍ଗିର ସଦର ଥାନା ଅଞ୍ଚଳରେ ନାବାଳିକାଙ୍କ ତଣ୍ଟି କାଟି ଫେରାର ହୋଇଗଲେ ଯୁବକ । ନାବାଳିକାଙ୍କ ବେକକୁ ଧାରୁଆ ଅସ୍ତ୍ର ସାହାଯ୍ୟରେ କଟାଯାଇଥିବା ଦେଖିବାକୁ ମିଳିଛି । ଏ ନେଇ ଖବର ପାଇ ତାଙ୍କୁ ପରିବାର ଲୋକ ବଲାଙ୍ଗିର ଭୀମଭୋଇ ମେଡିକାଲରେ ଭର୍ତ୍ତି କରିଥିଲେ । ତାଙ୍କ ବେକରେ ଗଭୀର ଆଘାତ ଲାଗିଛି । ନାବାଳିକାଙ୍କ ବେକରୁ ପ୍ରଚୁର ରକ୍ତସ୍ରାବ ହେଉଥିବା ପରିବାର ଲୋକ କହିଛନ୍ତି । ସେପଟେ ଝିଅର ଅବସ୍ଥା ଗୁରୁତର ଥିବାରୁ ତାଙ୍କୁ ବୁର୍ଲା ମେଡିକାଲକୁ ସ୍ଥାନାନ୍ତର କରାଯାଇଥିବା ଜଣାପଡିଛି ।
ଏନେଇ ପରିବାର ଲୋକ ଥାନାରେ ଅଭିଯୋଗ କରିଛନ୍ତି । ଯୁବକ ଜଣଙ୍କ କାହିଁକି ଏମିତି କଲେ, ଏହା ପଛରେ ପ୍ରେମ ସମ୍ପର୍କ ନା ଆଉ କିଛି କାରଣ ରହିଛି ତାକୁ ନେଇ ତଦନ୍ତ କରି ଯୁବକଙ୍କୁ ଗିରଫ କରିବା ପାଇଁ ଦାବି କରିଛନ୍ତି । ଯୁବକଙ୍କ ନା ଜଣାପଡିନଥିବା ବେଳେ ଯୁବକ ଜଣକ ନିକଟସ୍ଥ ଏକ ଗାଁର ବୋଲି ଜଣାପଡିଥିବା ପରିବାର ଲୋକ କହିଛନ୍ତି ।
You Can Read:
ରାତି ସାରା ବିଦ୍ୟାଳୟ ପରିସରରେ ରହିଗଲେ ଦ୍ବିତୀୟ ଶ୍ରେଣୀ ଛାତ୍ରୀ, ବାହାରପଟୁ ତାଲା ପକାଇ ପଳାଇଲେ ଶିକ୍ଷକ
