ନୂଆଦିଲ୍ଲୀ ୧୩।୦୭: ଦେଶରେ ବୃଦ୍ଧି ପାଉଛି ଟମାଟୋ ଦର । ଯାହା ଲୋକଙ୍କ ପକେଟ ଉପରେ ପକାଇଛି ପ୍ରଭାବ । ଦିଲ୍ଲୀରେ ଟମାଟୋ ଦର ୧୨୫ ଏବଂ ଅନ୍ୟ ସହରରେ ୧୦୦ ଛୁଇଁଛି । କିନ୍ତୁ ଜାଣନ୍ତି କି ଦୁନିଆ ସବୁଠାରୁ ଦାମୀ ଟମାଟୋ ମଞ୍ଜି ବିଷୟରେ…ଜାଣି ଆଶ୍ଚର୍ଯ୍ୟ ହେବେ ଏହି ଟମାଟୋ ମଞ୍ଜିରେ କେହି ବି ଅଡି, ବିଏମଡବ୍ଲୁ ପରି ଲଗଜୁରୀ କାର୍ କିଣି ପାରିବେ ।
ବାସ୍ତବରେ ଏହି ଟମାଟୋ ମଞ୍ଜି ହାଜେରା ଜେନେଟିକ୍ସ ଦ୍ୱାରା ବିକ୍ରି କରାଯାଇଥାଏ । ଏହାର ୧ କିଲୋ ପିଛା ଦାମ୍ ୩ କୋଟି । ରିପୋର୍ଟ ଅନୁଯାୟୀ, ହାଜେରା ଏହାର ବିଶେଷ ଟମାଟୋ ମଞ୍ଜି ପାଇଁ ଜଣାଶୁଣା । ବର୍ତ୍ତମାନ ଏହାର ସ୍ୱତନ୍ତ୍ର ସମର ସନ୍ ଟମାଟୋ ମଞ୍ଜିକୁ ଅନେକ ଲୋକ କିଣୁଛନ୍ତି । ଯାହାର ଦାମ୍ରେ ଅନେକ କିଲୋ ସୁନା କିଣାଯାଇପାରିବ ।
ତେବେ ମଞ୍ଜିର ଖାସ୍ କଥା ହେଉଛି ଏହି ଟମାଟୋର ଗୋଟିଏ ବିହନରୁ ୨୦ କିଲୋଗ୍ରାମ ଟମାଟୋ ଫସଲ ଚାଷ ହୋଇଥାଏ । ଯେଉଁ କାରଣରୁ ଚାଷୀ ଭଲ ଲାଭ ପାଇଥାଏ । ଏବେ ମନକୁ ପ୍ରଶ୍ନ ଆସୁଥିବ କି ଯଦି ଏହି ଟମାଟକୁ ଚାଷ କରାଯାଉଛି ତେବେ ଏହାର ମଞ୍ଜି କାହିଁକି ସଞ୍ଚୟ ହେଉନି ? ବାସ୍ତବରେ ଏହି ଫସଲରୁ ଉତ୍ପାଦିତ ଟମାଟୋ ବିହନହୀନ ଅଟେ ।
ତେଣୁ ଯେତେବେଳେ ଚାଷୀ ଏହି ଟମାଟୋ ଚାଷ କରିବେ, ସେତେବେଳେ ସେମାନଙ୍କୁ ପ୍ରତ୍ୟେକ ଥର ନୂଆ ବିହନ କିଣିବାକୁ ପଡିବ । ବିଶେଷ କଥା ହେଉଛି ଏହି ଟମାଟୋର ଅଧିକ ମୂଲ୍ୟ ସତ୍ତ୍ବେ ମଧ୍ୟ ଲୋକମାନେ ଏହାକୁ କିଣୁଛନ୍ତି । ଏହି ଟମାଟୋ ସ୍ୱାଦରେ ବହୁତ ଭଲ । ତେଣୁ ଯଦି କେହି ଏହି ଟମାଟୋକୁ ଥରେ ଖାଆନ୍ତି, ତେବେ ସେ ବାରମ୍ବାର ଖାଇବାକୁ ଇଚ୍ଛା କରିଥାନ୍ତି ।
