ଦୀପିକା କକ୍କରଙ୍କ କର୍କଟ ଯାତ୍ରା: କଢ଼ାଯାଇଛି ୧୧ ସେମିର ଲିଭର, ଦୁଇ ବର୍ଷ ପର୍ଯ୍ୟନ୍ତ ରହିବାକୁ ପଡିବ ସତର୍କ

ନୂଆଦିଲ୍ଲୀ ୦୭।୧୧; ଟେଲି ସିରିଏଲ "ସସୁରାଲ ସିମର କା"ର ଜଣାଶୁଣା ଅଭିନେତ୍ରୀ ଦୀପିକା କକ୍କର। ବର୍ତ୍ତମାନ କର୍କଟ ରୋଗରେ ସେ ପୀଡିତ ଅଛନ୍ତି। କିଛି ମାସ ପୂର୍ବେ ଦୀପିକାଙ୍କୁ ଷ୍ଟେଜ୍‌-୨ ଲିଭର କ୍ୟାନସର ଚିହ୍ନଟ ହୋଇଥିଲା। ତାଙ୍କର ଏକ ଟେନିସ୍ ବଲ୍ ଆକାରର ଟ୍ୟୁମର ହୋଇଥିଲା, ଯେଉଁଥିରେ କ୍ୟାନସର ସେଲ୍‌ ଥିବା ଜଣାପଡ଼ିଥିଲା। ପରେ ଅଭିନେତ୍ରୀଙ୍କର ଅସ୍ତ୍ରୋପଚାର କରାଯାଇଥିଲା। ସେ ଏବେ ଭାରତୀ ସିଂହ ଏବଂ ହର୍ଷ ଲିମ୍ବାଚିୟାଙ୍କ ପଡକାଷ୍ଟରେ ତାଙ୍କର ଲିଭର କ୍ୟାନସର ଯାତ୍ରା ବିଷୟରେ ଆଲୋଚନା କରିଛନ୍ତି। ସେ କହିଛନ୍ତି ଯେ ସେ ତାଙ୍କ ଗର୍ଭାବସ୍ଥାରେ ଯନ୍ତ୍ରଣା ଅନୁଭବ କରିଥିଲେ। ପ୍ରସବ ପରେ, ସେ ପରିସ୍ଥିତିର ଗମ୍ଭୀରତା ଜାଣିପାରିଲେ ଏବଂ ତାଙ୍କୁ କର୍କଟ ରୋଗ ହୋଇଛି।

ଦୀପିକା ବ୍ୟାଖ୍ୟା କରିଛନ୍ତି ଯେ ତାଙ୍କ ସ୍ୱାମୀ ସୋଏବ ଇବ୍ରାହିମଙ୍କ ବିନା ସେ କୌଣସି ପରୀକ୍ଷା କରାଇପାରିବେ ନାହିଁ। ସେ କହିଛନ୍ତି, "ଏହା ସମ୍ଭବ କାରଣ ସେ ମୋ ସହିତ ଠିଆ ହୋଇଛନ୍ତି।" ନଭେମ୍ବର ପ୍ରଥମ ସପ୍ତାହରେ ତାଙ୍କର ଏକ FAP ପରୀକ୍ଷା କରାଯିବାର ଯୋଜନା ରହିଛି। ଏହି ପରୀକ୍ଷା ଶରୀରରେ କର୍କଟ ଅଛି କି ନାହିଁ, ଏବଂ ଯଦି ଅଛି, ତେବେ ଏହା କେଉଁଠାରେ ବ୍ୟାପିଛି ତାହା ଜଣାପଡିବ। ସୋଏବ ଇବ୍ରାହିମ ତାଙ୍କର YouTube ଭ୍ଲଗରେ ଏହି ପରୀକ୍ଷା ବିଷୟରେ ଆଲୋଚନା କରି କହିଛନ୍ତି ଯେ ପରୀକ୍ଷା ଫଳାଫଳ ଅପେକ୍ଷା କରିବା ଭୟଙ୍କର।

ଦୀପିକା କହିଥିଲେ, ", କର୍କଟ କେବଳ ମୋ ଟ୍ୟୁମରରେ ଥିଲା। ଶେଷ ଥର ପାଇଁ ଆମେ ଯେତେବେଳେ GP କରିଥିଲୁ, ମୋ ଶରୀରରେ ଅନ୍ୟ କୌଣସି ସ୍ଥାନରେ କର୍କଟ ରୋଗ ନଥିଲା। ତେଣୁ, ମୋର ୨୨ ପ୍ରତିଶତ ଲିଭରର କଢ଼ାଯାଇଥିଲା। ଯାହା ୧୧ ସେଣ୍ଟିମିଟରର ଏକ ବଡ଼ ଖଣ୍ଡ ଥିଲା। ସେଥିପାଇଁ ଟ୍ୟୁମର କଢ଼ାଯାଇଥିଲା, ଏବଂ କର୍କଟ ଚାଲିଯାଇଥିଲା। ଆମେ ଟ୍ୟୁମର ମାର୍କର ପରୀକ୍ଷା କରୁଥିଲୁ, ଏବଂ ସେହି ପରୀକ୍ଷା ଗୁଡ଼ିକ ଭଲ ଆସୁଛି। କିନ୍ତୁ ମୁଁ ବର୍ତ୍ତମାନ ଓରାଲ ଟାର୍ଗେଟେଡ୍ ଥେରାପିରେ ଅଛି, ଯାହା କେମୋଥେରାପି ସହିତ ସମାନ। ବର୍ତ୍ତମାନ ମୁଁ ତାହା ନେଉଛି। ଏହା ଦୁଇ ବର୍ଷ ପର୍ଯ୍ୟନ୍ତ ଚାଲିବ। ଏହି ଦୁଇ ବର୍ଷ ମଧ୍ୟରେ କୌଣସି ପ୍ରକାରର କର୍କଟ ରୋଗ ଫେରି ନ ଆସିବା ତାହା ପାଇଁ ଆମକୁ କଡ଼ା ନଜର ରଖିବାକୁ ପଡିବ।