ମୁମ୍ଵାଇ ୧୦।୦୪; କିଛି ଲୋକ ଏମିତି ହୋଇଥାନ୍ତି, ଯାହାକୁ କେହି ପସନ୍ଦ କରି ନଥାନ୍ତି । ତେଣୁ ସେମାନଙ୍କ ସହ କେହି ଅଧିକ ସମୟ ରହିବାକୁ ଚାହିଁ ନଥାନ୍ତି । କାରଣ ସେମାନଙ୍କ ବ୍ୟବହାର ଅନ୍ୟମାନଙ୍କୁ ସମସ୍ୟାରେ ପକାଇଥାଏ । ଏହି ଲୋକମାନେ ଖୁବ୍ ନକାରାତ୍ମକ ସ୍ୱଭାବର ହୋଇଥାନ୍ତି । ଚାଲନ୍ତୁ ଜାଣିବା ଏମିତି ଲୋକମାନଙ୍କ ବିଷୟରେ... ପ୍ରତ୍ୟେକ ବ୍ୟକ୍ତି ନିଜର ବ୍ୟକ୍ତିତ୍ୱ ଓ ବ୍ୟବହାର ଦ୍ୱାରା ଅନ୍ୟମାନଙ୍କ ପାଖରେ ପରିଚିତ ହୋଇଥାନ୍ତି । କିନ୍ତୁ କିଛି ଲୋକଙ୍କର ଅଭ୍ୟାସ ଏମିତି ହୋଇଥାଏ, ଯାହା ଅନ୍ୟମାନଙ୍କୁ ନାପସନ୍ଦ ହୋଇଥାଏ । ଏଭଳି ଲୋକଙ୍କ ସହ ମିଳାମିଶା କରିବା ଆଦୌ ସହଜ ହୋଇ ନଥାଏ । କାରଣ ଏମାନେ ନକାରାତ୍ମକ ପ୍ରଭାବକୁ ସଂପ୍ରସାରିତ କରିବା ସହ ଅନ୍ୟମାନଙ୍କୁ ଅସହଜ ମନେ କରିବାକୁ ବାଧ୍ୟ କରିଥାନ୍ତି । ଏମାନେ ହେଉଛନ୍ତି।
ଆକ୍ରମଣାତ୍ମକ ସ୍ୱଭାବର-କିଛି ଲୋକଙ୍କ ବ୍ୟବହାର ଖୁବ୍ ଆକ୍ରମଣାତ୍ମକ ବା ଧମକ ଦେଇ କଥାବାର୍ତ୍ତା କରିଥାନ୍ତି, ଯାହା ଲୋକଙ୍କୁ ସହଜ ଅନୁଭବ ହୋଇ ନଥାଏ । ଏମାନେ ରାଗରେ କଥାବାର୍ତ୍ତା କରିବା ସହ ପ୍ରତି କଥାରେ ଡରାଇବାକୁ ପ୍ରୟାସ କରିଥାନ୍ତି । ତେଣୁ ଏମାନଙ୍କ ସହ ସାଙ୍ଗ ହେବାକୁ ପ୍ରାୟ ଲୋକ ପସନ୍ଦ କରି ନଥାନ୍ତି । ତେଣୁ ଏମାନଙ୍କର ସାଙ୍ଗ କମ୍ ରହିଥାନ୍ତି ।
ବ୍ୟଙ୍ଗ କରୁଥିବା ଲୋକ- କିଛି ଲୋକ କଥା କଥାରେ ଅନ୍ୟକୁ ବ୍ୟଙ୍ଗ କରିବା ସହ ମଜାକ୍ ଉଡାଇଥାନ୍ତି । ଅନ୍ୟର ଭାବନାକୁ ଅଣଦେଖା କରି ମଜାକ୍ର ପାତ୍ର ହୋଇଥାନ୍ତି । ଏହି ଲୋକମାନେ ନିଜକୁ ହସାଇବା ପାଇଁ ଅନ୍ୟକୁ ଅପମାନ କରିବା ସହ ମଜାକ୍ ଉଡାଇଥାନ୍ତି । ଫଳରେ ଲୋକମାନେ ଆପେ ଆପେ ଦୂରେଇ ଯାଇଥାନ୍ତି ।
ଅନ୍ୟର ମଜାକ୍ ଉଡାଇଥାନ୍ତି- କିଛି ଲୋକ ଅନ୍ୟର ଦୁର୍ବଳତା ବାହାର କରି ମଜାକ୍ ଉଡାଇବାକୁ ଭଲ ପାଇଥାନ୍ତି । ତେଣିକି ଏହି ଦୁର୍ବଳତା ଶାରୀରିକ ଗଠନ, ଭୁଲ୍ କିମ୍ବା କଥାବାର୍ତ୍ତାକୁ ନେଇ ହୋଇପାରେ । ଅପମାନ କରିବା ପରେ ମଜାକ୍ କରୁଥିଲି ବୋଲି କହିଥାନ୍ତି । ଏହି ବ୍ୟବହାର ଯୋଗୁ ଏମାନଙ୍କର ବେଶୀ ସାଙ୍ଗ ରହି ନଥାନ୍ତି ।
ଗର୍ବୀ ବ୍ୟବହାର- ଗର୍ବୀ ବ୍ୟବହାର କରୁଥିବା ଲୋକକୁ ପ୍ରାୟ ଲୋକ ପସନ୍ଦ କରି ନଥାନ୍ତି । କାରଣ ଏମାନେ ସବୁବେଳେ ନିଜକୁ ଅନ୍ୟମାନଙ୍କଠାରୁ ଭଲ ବୋଲି ବିବେଚନା କରିଥାନ୍ତି । ଅନ୍ୟମାନଙ୍କଠାରୁ ନିଜକୁ ବଡ଼ ବୋଲି ଧରି ନେଇଥାନ୍ତି । ଅନ୍ୟର ଭାବନାକୁ ଏମାନେ ସମ୍ମାନ ଦେଇ ନଥାନ୍ତି । ତେଣୁ ଏମାନଙ୍କ ସହ ବେଶୀ ଦିନ ସାଙ୍ଗ ହେବା ସହଜ ହୁଏନା ।
ଅନ୍ୟକୁ ନ୍ୟୂନ ଦେଖାଇ ହେବା- କିଛି ଲୋକ ଅନ୍ୟକୁ ଅପମାନିତ କରିବା ବା ନ୍ୟୂନ ଦେଖାଇ ହେବାକୁ ପସନ୍ଦ କରିଥାନ୍ତି । ଅନ୍ୟର ସଫଳତାରେ ଜଳିବା କିମ୍ବା ଅନ୍ୟକୁ କମ୍ ଭାବିବାକୁ ସବୁବେଳେ ପ୍ରୟାସ ଜାରି ରଖିଥାନ୍ତି । ତେଣିକି ତାହା ପଢା ହେଉ ଅବା ଚାକିରି କିମ୍ବା ବ୍ୟକ୍ତିଗତ ଜୀବନର ଉପଲବ୍ଧି । ସେମାନଙ୍କର ଲକ୍ଷ୍ୟ ହେଲା ଅନ୍ୟକୁ ନ୍ୟୂନ ଦେଖାଇ ହୋଇ ସେ ଲୋକର ଆତ୍ମନିଶ୍ୱାସକୁ କମ୍ କରିବା ।
