କୋଲକାତା: ଷଷ୍ଠ ପର୍ଯ୍ୟାୟ ମତଦାନ ପୂର୍ବରୁ ପଶ୍ଚିମବଙ୍ଗରେ ହିଂସା । ମେଦନାପୁର ଜିଲ୍ଲା ନନ୍ଦିଗ୍ରାମରେ ରାଜନୈତିକ ହିଂସାକାଣ୍ଡ ଘଟିଛି । ଦୁଇ ଗୋଷ୍ଠୀ ମଧ୍ୟରେ ମାରପିଟ୍ ହୋଇଛି । ଏଥିରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ୭ଜଣ ଗୁରୁତର ଭାବେ ଆହତ ହୋଇଛନ୍ତି । ଘଟଣା ପରେ ସ୍ଥାନୀୟ ଅଞ୍ଚଳରେ ପୋଲିସ ଛାଉଣି ହୋଇଛନ୍ତି ।
ସୂଚନା ଅନୁଯାୟୀ, ଗୁରୁବାର ମେଦିନାପୁର ଜିଲ୍ଲାରେ ଏହି ହିଂସାକାଣ୍ଡ ଘଟିଛି । ନନ୍ଦିଗ୍ରାମରେ ବିଜେପିକର୍ମୀ ଗଣ୍ଡଗୋଳ କରିଛନ୍ତି ।ଟାୟାର ଜାଳି ରାସ୍ତାରୋକ୍ କରିଥିଲେ । ଫଳରେ ସ୍ଥାନୀୟ ଅଞ୍ଚଳରେ ବହୁ ସଂଖ୍ୟାରେ କେନ୍ଦ୍ରୀୟ ସୁରକ୍ଷାବଳ ମୁତୟନ ହୋଇଛନ୍ତି । ଏହି ଅଞ୍ଚଳରେ ବୁଧବାର ରାତିରେ ଶସକ ଦଳୀୟ ନେତା ଓ ବିଜେପି କର୍ମୀଙ୍କ ମଧ୍ୟରେ ଭୀଷଣ ଝଗଡ଼ା ହୋଇଥିଲା । ଏଥିରେ ଜଣେ ବିଜେପି ମହିଳାକର୍ମୀଙ୍କ ମୃତ୍ୟୁ ହୋଇଛି । ସେହିପରି ୭ଜଣ ଗୁରୁତର ଭାବେ ଆହତ ହୋଇଛନ୍ତି । ଏହି ଘଟଣାରେ ତୃଣମୂଳ କଂଗ୍ରେସ ଉପରେ ଦୋଷ ଲଦିଛି ବିଜେପି । ହିଂସାକାଣ୍ଡ ପରେ ଗୁରୁବାର ବିଜେପି କର୍ମୀ ଟାୟାର ଜାଳି ରାସ୍ତାରୋକ୍ କରିଥିଲେ ।
ସୂଚନା ଅନୁଯାୟୀ, ମେ’ ୨୫ ତାରିଖରେ ପୂର୍ବ ମେଦିନାପୁର ସହିତ ଜଙ୍ଗଲମହଲ ଜିଲ୍ଲାର ୬ ଲୋକସଭା ଆସନରେ ଭୋଟିଂ ହେଉଛି । ଗୁରୁବାର ନିର୍ବାଚନୀ ପ୍ରଚାରର ଅନ୍ତିମ ଦିନ । ଏହାପୂର୍ବରୁ ଅର୍ଥାତ୍ ବୁଧବାର ରାତିରେ ବିଜେପି ଓ ଟିଏମସି କର୍ମୀଙ୍କ ମଧ୍ୟରେ ଗୋଷ୍ଠୀ ସଂଘର୍ଷ ହୋଇଛି । ଜଣେ ମହିଳାଙ୍କ ମୃତ୍ୟୁ ପରେ ରାଜନୈତିକ ମାହୋଲ ଗରମ ହୋଇଛି ।