କୁପୱାରାରେ 'ଅପରେସନ୍ ପିମ୍ପଲ୍', ଅନୁପ୍ରବେଶ ବେଳେ ସେନା ଗୁଳିରେ ଟଳିଲେ ଦୁଇ ଆତଙ୍କବାଦୀ

କାଶ୍ମୀର ୦୮/୧୧: ଜମ୍ମୁ ଓ କାଶ୍ମୀରର କୁପୱାରା ଅପରେସନ୍ ପିମ୍ପଲ୍ କୁ ସଫଳତା । କୁପୱାରାରେ ଆତଙ୍କବାଦୀଙ୍କ ଅନୁପ୍ରବେଶ ଉଦ୍ୟମ ପଣ୍ଡ । ସେନା ଗୁଳିରେ ଟଳିଲେ ୨ ଆତଙ୍କବାଦୀ । ଜମ୍ମୁ କାଶ୍ମୀରରେ ସୁରକ୍ଷାକର୍ମୀଙ୍କ ଗୁଳିରେ ୨ ଆତଙ୍କବାଦୀ ନିପାତ ହୋଇଥିବା ସୂଚନା । ଏନ୍‌କାଉଣ୍ଟର ପରେ ସେନା ପକ୍ଷରୁ ସର୍ଚ୍ଚ ଅପରେସନ ଜାରି ରଖାଯାଇଛି । 

ସୂଚନା ଥାଉକି, ଜିଲ୍ଲାର କେରନ ସେକ୍ଟରରେ ସେନା ଏକ ଅନୁପ୍ରବେଶ ଉଦ୍ୟମକୁ ପଣ୍ଡ କରିଛି । ଯେଉଁଥିରେ ଦୁଇ ଜଣ ଆତଙ୍କବାଦୀଙ୍କୁ ମୃତ୍ୟୁ ହୋଇଛି । ସେନା ଏହି ଅଭିଯାନକୁ "ଅପରେସନ୍ ପିମ୍ପଲ୍" ନାମ ଦେଇଛି । ସୁରକ୍ଷା ବାହିନୀ ଏହି ଅଞ୍ଚଳକୁ ଘେରାବନ୍ଦୀ କରି ଅନ୍ୟ କୌଣସି ଆତଙ୍କବାଦୀଙ୍କ ଉପସ୍ଥିତି ନିଶ୍ଚିତ କରିବା ପାଇଁ ଏକ ସର୍ଚ୍ଚ ଅପରେସନ୍ ଆରମ୍ଭ କରିଛି। ସୀମା ପାରରୁ ଅନୁପ୍ରବେଶ ଉଦ୍ୟମ ପରେ ଏହି ଅପରେସନ୍ ଆରମ୍ଭ ହୋଇଥିଲା।