ତମନ୍ନାଙ୍କ ପରେ ଫାତିମାଙ୍କ ପ୍ରେମରେ ଉବୁଟୁବୁ ବିଜୟ ବର୍ମା, ଦଙ୍ଗଲ ଗାର୍ଲଙ୍କ ସହ ସେୟାର କଲେ ରୋମାଣ୍ଟିକ ଫଟୋ

ନୂଆଦିଲ୍ଲୀ ୧୭।୧୧; ଗଲି ବୟ ଭଳି ଚମତ୍କାର ଫିଲ୍ମ ଦେଇ ଦର୍ଶକଙ୍କ ହୃଦୟ ଜିତିଥିବା ଅଭିନେତା ବିଜୟ ବର୍ମାଙ୍କୁ କିଏ ବା ନ ଜାଣେ? ବିଜୟ ତାଙ୍କ ବୃତ୍ତିଗତ ଜୀବନ ସହିତ ତାଙ୍କ ବ୍ୟକ୍ତିଗତ ଜୀବନ ପାଇଁ ମଧ୍ୟ ସବୁବେଳେ ଚର୍ଚ୍ଚାରେ ଥାଆନ୍ତି। ବର୍ତ୍ତମାନ ବିଜୟଙ୍କ ତାଙ୍କ ଲଭ ଲାଇଫ୍କୁ ନେଇ ପୁଣି ଥରେ ଚର୍ଚ୍ଚାରେ ଆସିଛନ୍ତି। କଳ୍ପନାଜଳ୍ପନା ଚାଲିଛି ଯେ ଅଭିନେତ୍ରୀ ତମନ୍ନା ଭାଟିଆଙ୍କ ସହ ବ୍ରେକଅପ୍ ପରେ ବିଜୟ ବର୍ମାଙ୍କ ଜୀବନରେ ଏକ ନୂଆ ପ୍ରେମ ଏଣ୍ଟ୍ରି କରିଛି। ବିଜୟଙ୍କୁ ଅଭିନେତ୍ରୀ ଫାତିମା ସନା ଶେଖଙ୍କ ସହ ଯୋଡାଯାଉଛି। ଯିଏ ତାଙ୍କ ସହିତ ଫିଲ୍ମ 'ଗୁସ୍ତାଖ ଇସ୍କ'ରେ ନଜର ଆସିବେ।

ସେଲିବ୍ରିଟିଙ୍କ କ୍ୟାରିଅର ବ୍ୟତୀତ, ସିନେପ୍ରେମୀମାନେ ସେମାନଙ୍କ ବ୍ୟକ୍ତିଗତ ଜୀବନ ବିଷୟରେ ଜାଣିବାକୁ ମଧ୍ୟ ଖୁବ୍ ଆଗ୍ରହୀ। ଖବର ଆସିଛି ଯେ 'ଗୁସ୍ତାଖ ଇସ୍କ' ଫିଲ୍ମ ସମୟରେ ବିଜୟ ବର୍ମା ଏବଂ ଫାତିମା ସନା ଶେଖଙ୍କ ମଧ୍ୟରେ ସମ୍ପର୍କ ଗଢ଼ି ଉଠିଛି। ଶନିବାର, ଫାତିମା ତାଙ୍କ ଅଫିସିଆଲ୍ ଇନଷ୍ଟାଗ୍ରାମ୍ ହ୍ୟାଣ୍ଡେଲରେ ବିଜୟଙ୍କ ସହିତ କିଛି ଫଟୋ ସେୟାର କରିଛନ୍ତି। ଯେଉଁଥିରେ ଦୁହେଁ କ୍ଲୋଜ ପୋଜ୍ ଦେଉଥିବାର ନଜର ଆସିଛନ୍ତି।

ଏହି ଫଟୋଗୁଡ଼ିକ ସାମ୍ନାକୁ ଆସିବା ପରେ ଚର୍ଚ୍ଚା ଆରମ୍ଭ ହୋଇଛି ଯେ ବିଜୟ ଏବଂ ଫାତିମା ରିଅଲ ଲାଇଫ୍ରେ ରିଲେଶନସିପ୍ରେ ଅଛନ୍ତି। ଅନେକ ୟୁଜର୍ସ ସେମାନଙ୍କ ସମ୍ପର୍କ ଉପରେ ମଧ୍ୟ ମତାମତ ଦେଉଛନ୍ତି। ପୂର୍ବରୁ ଏକ ସାକ୍ଷାତକାର ସମୟରେ, ଫାତିମା ବିଜୟ ବର୍ମାଙ୍କୁ ଡେଟ୍ କରିବାର ଖବରକୁ କେବଳ ଗୁଜବ ବୋଲି କହିଥିଲେ ।