ନୂଆଦିଲ୍ଲୀ: ଥାଲାପତି ବିଜୟଙ୍କ କ୍ୟାରିୟରର ସେକେଣ୍ଡ ଲାଷ୍ଟ୍ ଫିଲ୍ମ ଗ୍ରେଟେଷ୍ଟ ଅଫ୍ ଅଲ୍ ଟାଇମ (GOAT)କୁ ନେଇ ଖୁବ ଚର୍ଚ୍ଚା ହେଉଛି । ଏହା ଏକ ହାଇ ବଜେଟ୍ ଫିଲ୍ମ । ଏବି ଦୃଷ୍ଟିରୁ ଫିଲ୍ମର ଆୟ ଉପରେ ସମସ୍ତଙ୍କ ନଜର ରହିଛି । ଫିଲ୍ମ ଆସନ୍ତା ସେପ୍ଟେମ୍ୱର ୫ରେ ସିନେମାଘରେ ରିଲିଜ୍ ହେବ । କିନ୍ତୁ ଏହା ପୂର୍ବରୁ ହିଁ ଫିଲ୍ମ ବମ୍ପର ଆୟ କରିଛି ।

ରାଜନୀତିରେ ଏଣ୍ଟ୍ରି ପାଇଁ ପ୍ରସ୍ତୁତି ଚଲାଇଥିବା ସୁପରଷ୍ଟାର ବିଜୟ ନିଜର ଏହି ଫିଲ୍ମ ପାଇଁ ବେଶ ପରିଶ୍ରମ କରୁଛନ୍ତି । ଏବେ ତାଙ୍କୁ ପରିଶ୍ରମର ଫଳ ମିଳିବା ଆରମ୍ଭ ହୋଇଛି । ଏକ ରିପୋର୍ଟ ଅନୁସାରେ ଗ୍ରେଟେଷ୍ଟ ଅଫ୍ ଅଲ୍ ଟାଇମର ଓଟିଟି ରାଇଟ୍ସ ଅଧିକ ମହଙ୍ଗାରେ ବିକ୍ରି ହୋଇଛି । ଏହି ଫିଲ୍ମର ସାଟେଲାଇଟ୍ ରାଇଟ୍ସ ବିକ୍ରି କରି ମଧ୍ୟ ଏହାର ନିର୍ମାତା ମୋଟା ରୋଜଗାର କରିଛନ୍ତି ।

ସିନେଯୋଶର ରିପୋର୍ଟରେ କୁହାଯାଇଛି ଯେ ଫିଲ୍ମ ନିର୍ମାତା ନେଟଫ୍ଲିକ୍ସକୁ ଏହି ଫିଲ୍ମର ଓଟିଟି ରାଇଟ୍ସ ବିକ୍ରି କରିଛନ୍ତି । ଏଥିପାଇଁ ନେଟଫ୍ଲିକ୍ସ ସହ ୧୨୫ କୋଟି ଟଙ୍କାରେ ଡିଲ୍ ହୋଇଛି । ଏହା ବ୍ୟତୀତ ଜି ନେଟୱାର୍କ ଫିଲ୍ମର ସମସ୍ତ ଭାଷାର ସାଟେଲାଇଟ୍ ରାଇଟ୍ସ କିଣିଛି । ଏଥିପାଇଁ ଜି ପକ୍ଷରୁ ନିର୍ମାତାଙ୍କୁ ୯୦ କୋଟି ଟଙ୍କା ଦିଆଯାଇଛି । ଏହି ଦୁଇ ଡିଲରୁ ହିଁ ଫିଲ୍ମ ନିର୍ମାତା ୨୧୫ କୋଟି ଟଙ୍କା ଆୟ କରିଛନ୍ତି ।

କୁହାଯାଉଛି ଯେ ଏହି ରାଇଟ୍ସ ବିକ୍ରି କରି ଫିଲ୍ମ ନିର୍ମାତା ପ୍ରୋଫିଟ୍ ଜୋନକୁ ଆସିଛନ୍ତି । ଏହା ଏଥିପାଇଁ କାରଣ ବିଜୟ ଏହି ଫିଲ୍ମରେ ପ୍ରୋଫିଟ୍ ସେୟାରିଂରେ କାମ କରିଛନ୍ତି । ଫିଲ୍ମ ସିନେମା ଘରେ ରିଲିଜ୍ ହେବା ପରେ ଏହାର ଆୟ ଆଧାରରେ ବିଜୟଙ୍କ ଆୟ ହେବ । କେତେ କିଛି ରିପୋର୍ଟରେ ଏହା ମଧ୍ୟ କୁହାଯାଇଛି ଯେ ବିଜୟ ଏହି ଫିଲ୍ମ ପାଇଁ ୨୦୦ କୋଟି ଟଙ୍କା ଫି’ ରୂପେ ନେଇଛନ୍ତି ।