ନୂଆଦିଲ୍ଲୀ ୨୫/୦୭: ଅଶ୍ଳୀଳ ବିଷୟବସ୍ତୁ ଉପରେ ବାଜିଲା ସରକାରୀ ଛାଟ । ବଡ ନିଷ୍ପତ୍ତି ନେଇଛନ୍ତି ଭାରତ ସରକାର । Ullu, ALTT, Desiflix, Big Shots ଓ ଅନ୍ୟାନ୍ୟ ଷ୍ଟ୍ରିମିଂ ଆପ୍ ଉପରେ ଲଗାଇଛନ୍ତି ପ୍ରତିବନ୍ଧକ । ସରକାର ଅଶ୍ଳୀଳ ଓ ପର୍ଣ୍ଣ ବିଷୟବସ୍ତୁ ବିରୋଧରେ ନିଜର ନୀତିକୁ ଯଥାର୍ଥ କରି ଏହି ନିଷ୍ପତ୍ତି ନେଇଛନ୍ତି । ଯେତେବେଳେ ଇଲେକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ (MeitY) ଏହି ଆପ୍ ବିରୋଧରେ ଅନେକ ନାଗରିକ ଓ ସଂଗଠନଠାରୁ ଅଭିଯୋଗ ପାଇଥିଲା।
କେନ୍ଦ୍ର ସରକାର ସଫ୍ଟ ପର୍ଣ୍ଣ ବିଷୟବସ୍ତୁ ଉପରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । Ullu App, ALTT, Desiflix ଓ Big Shots ଭଳି ଅନେକ ଆପ୍ ଉପରେ ପ୍ରତିବନ୍ଧକ ଲଗାଇଛନ୍ତି । ସରକାର ଏହି ସମ୍ପର୍କରେ ଏକ ବିଜ୍ଞପ୍ତି ଜାରି କରିଛନ୍ତି । ସରକାର ଏକ ବିଜ୍ଞପ୍ତି ଜାରି କରି ଇଣ୍ଟରନେଟ୍ ସେବା ପ୍ରଦାନକାରୀମାନଙ୍କୁ ଦେଶବ୍ୟାପୀ ଏପରି ସଫ୍ଟ ପର୍ଣ୍ଣ ବିଷୟବସ୍ତୁ ପ୍ରଦର୍ଶନ କରୁଥିବା 25ଟି ୱେବସାଇଟ୍ ତୁରନ୍ତ ଅବରୋଧ କରିବାକୁ ନିର୍ଦ୍ଦେଶ ଦେଇଛନ୍ତି।
ସରକାରୀ ସୂତ୍ର ଅନୁଯାୟୀ, ଏହି ପ୍ଲାଟଫର୍ମଗୁଡ଼ିକ ଆଇଟି ନିୟମ ଉଲ୍ଲଂଘନ କରୁଥିବା ଜଣାପଡିଥିଲା। ଏହି ପ୍ଲାଟଫର୍ମଗୁଡ଼ିକ ନିୟମ ଉଲ୍ଲଂଘନ କରି ଅଶ୍ଳୀଳ ଏବଂ ଆପତ୍ତିଜନକ ବିଷୟବସ୍ତୁ ପ୍ରସାରଣ କରୁଥିଲେ । ଯାହା ପରେ ଏହି ପଦକ୍ଷେପ ନିଆଯାଇଛି। ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ମନ୍ତ୍ରଣାଳୟକୁ ଅନେକ ଅଭିଯୋଗ ମିଳିଥିଲା ଯେ ଏହି ଆପ୍ଗୁଡ଼ିକ କାମୁକ ୱେବ୍ ସିରିଜ୍ ଆଡ଼ରେ ବୟସ୍କ ବିଷୟବସ୍ତୁ ଉପସ୍ଥାପନ କରୁଛନ୍ତି। ସେହି ଅଭିଯୋଗ ଆଧାରରେ ଏହି ନିଷ୍ପତ୍ତି ନିଆଯାଇଛି ।
