ନୂଆଦିଲ୍ଲୀ: ତାଇଓ୍ୱାନରେ ମାଡ଼ ହେଲା ଶକ୍ତିଶାଳୀ ଘୂର୍ଣ୍ଣିଝଡ଼ ଡାନାସ। ୧୪୪ କିମି ବେଗରେ ବହିଲା ପବନ। ମୂଷଳଧାରାରେ ପ୍ରବଳ ବର୍ଷିଲା। ଆଇଲାଣ୍ଡର ଘନ ଜନବସତି ବିଶିଷ୍ଟ ପଶ୍ଚିମ ଉପକୂଳରେ ୨ ଜଣଙ୍କର ମୃତ୍ୟୁ ହୋଇଛି ଏବଂ ୩୦୦ରୁ ଅଧିକ ଲୋକ ଆହତ ହୋଇଥିଲେ। ଟାଇଫୁନ ସ୍ଥଳଭାଗ ଛୁଇଁବା ମାତ୍ରେ ତାର ଶକ୍ତି ହରାଇଥିଲା। ଡାନାସ୍ ଯୋଗୁଁ ୫,୮୦,୦୦୦ ରୁ ଅଧିକ ପରିବାର ବିଦ୍ୟୁତ୍ ବିଚ୍ଛିନ୍ନ ହୋଇଛି। ତାଇୱାନର ଦକ୍ଷିଣ ଏବଂ କେନ୍ଦ୍ରୀୟ ଅଂଶରେ ସ୍କୁଲ ଏବଂ ଅଫିସ୍ ବନ୍ଦ ରହିଛି।
ରବିବାର ବିଳମ୍ବିତ ରାତିରେ ପଶ୍ଚିମ ଉପକୂଳରେ ଟାଇଫୁନ୍ ସ୍ଥଳଭାଗ ଛୁଇଁଥିଲା। ସର୍ବାଧିକ ୧୪୪ କିଲୋମିଟର ବେଗରେ ପବନ ବହିଥିଲା। କେତେକ ସ୍ଥାନରେ ୬୦ ସେଣ୍ଟିମିଟରରୁ ଅଧିକ ବର୍ଷା କରିଥିଲା, ଯାହା ଫଳରେ ଭୂସ୍ଖଳନ ଏବଂ ବନ୍ୟା ସୃଷ୍ଟି ହୋଇଥିଲା।
ଜାତୀୟ ଅଗ୍ନିଶମ ସଂସ୍ଥା ଅନୁଯାୟୀ, ଦକ୍ଷିଣ-ପଶ୍ଚିମ ସହର ତାଇଓ୍ୱାନରେ ଦୁଇଜଣଙ୍କ ମୃତ୍ୟୁ ଘଟିଥିବା ରିପୋର୍ଟ କରାଯାଇଛି। ଜଣଙ୍କ ଉପରେ ଗଛରେ ପିଟି ହେବା ଫଳରେ ମୃତ୍ୟୁ ହୋଇଥିଲା। ସେହିପରି ଅନ୍ୟ ଜଣଙ୍କର ବିଦ୍ୟୁତ ଅଭାବରୁ ଭେଣ୍ଟିଲେଟର ଖରାପ ହୋଇଯିବାରୁ ମୃତ୍ୟୁ ହୋଇଥିଲା।
ଅତି କମରେ ୩୩୪ ଜଣ ଆହତ ହୋଇଛନ୍ତି। ଯେତେବେଳେ ୩,୪୦୦ ରୁ ଅଧିକ ଲୋକଙ୍କୁ ଦକ୍ଷିଣ ବନ୍ଦର ସହର କାଓସିଉଙ୍ଗ ଆଖପାଖର ପାର୍ବତ୍ୟାଞ୍ଚଳରୁ ସ୍ଥାନାନ୍ତର କରିବାକୁ ବାଧ୍ୟ କରାଯାଇଛି। ବିମାନ ଚଳାଚଳ ବାତିଲ ହେବା ଯୋଗୁଁ ତାଇୱାନର ବାହାର ଦ୍ୱୀପପୁଞ୍ଜ ପେଙ୍ଗୁ, ମାତ୍ସୁ ଏବଂ ଗ୍ରୀନରେ ହଜାର ହଜାର ପର୍ଯ୍ୟଟକ ଫସି ରହିଥିଲେ।
ଦକ୍ଷିଣ ଏବଂ ପୂର୍ବ ଚୀନର ଅଞ୍ଚଳଗୁଡ଼ିକରେ ଝଡ଼ ପୂର୍ବରୁ ପ୍ରାକ ପ୍ରସ୍ତୁତି କରାଯାଇଥିଲା। ଦକ୍ଷିଣ ଗ୍ୱାଙ୍ଗଡୋଙ୍ଗ ପ୍ରଦେଶର କର୍ତ୍ତୃପକ୍ଷ ଶହ ଶହ ଜାହାଜକୁ ବନ୍ଦର ଲଗାଇଥିଲେ ଏବଂ ଉପକୂଳବର୍ତ୍ତୀ ୨ ହଜାରରୁ ଅଧିକ ଲୋକଙ୍କୁ ସ୍ଥାନାନ୍ତର କରିଥିଲେ। ଡାନାସ୍ ପୂର୍ବରୁ ଫିଲିପାଇନ୍ସର ଉତ୍ତର ପର୍ବତମାଳାରେ ମୌସୁମୀ ବର୍ଷାକୁ ତୀବ୍ର କରିଥିଲା, ଯାହା ଫଳରେ ତଳିଆ ଗାଁଗୁଡିକ ବନ୍ୟା ଆସିଥିଲା।
ତାଇୱାନରେ ନିୟମିତ ଭାବରେ ଜୁଲାଇ ଏବଂ ଅକ୍ଟୋବର ମଧ୍ୟରେ ଘୂର୍ଣ୍ଣିଝଡ଼ ଦେଖାଯାଏ, କିନ୍ତୁ ପ୍ରଶାନ୍ତ ମହାସାଗର ଆଡ଼କୁ ମୁହଁ କରି ଏହାର ବିରଳ ଜନବସତି ପୂର୍ବ ଉପକୂଳରେ ଏହା ଅଧିକ ଦେଖାଯାଏ।
