ଭୁବନେଶ୍ୱର ୦୯।୦୬ : ଭୁବନେଶ୍ୱରରୁ ପୁଣି ଦୁଇ ବାଇକ୍ ଲୁଟେରା ଗିରଫ । କ୍ୟାପିଟାଲ ଥାନା ପୋଲିସ ହାତରେ ଜବତ୍ ହୋଇଛି ୫ଟି ଚୋରା ବାଇକ୍ ଏବଂ ଦୁଇଟି ବାଇକର ଇଞ୍ଜିନ । ଦୁଇ ଲୁଟେରା ନକଲି ଚାବି ସହାୟତାରେ ଲୁଟ କରି ବିକ୍ରି କରିଦେଇଥିଲେ ।
ଖବର ଅନୁଯାୟୀ, ଏହି ଲୁଟେରାମାନେ ଭୁବନେଶ୍ୱରର ବିଭିନ୍ନ ସ୍ଥାନରୁ ପ୍ରଥମେ ନକଲି ଚାବି ଦ୍ଵାରା ଖୋଲି ନେଇଯାଆନ୍ତି । ବିଭିନ୍ନ ପୋଲିସ ଷ୍ଟେସନରେ ଏନେଇ ଅଭିଯୋଗ ହୋଇଥିଲା । ଯାହାପରେ ଆକ୍ସନକୁ ଆସିଥିଲା ପୋଲିସ । ଶେଷରେ କମିଶନରେଟ ପୋଲିସ କବ୍ଜାରେ ପଡିଛନ୍ତି ଦୁଇ ବାଇକ୍ ଲୁଟେରା । ସେମାନଙ୍କ ନିକଟରୁ ୫ଟି ଚୋରା ବାଇକ୍ ଏବଂ ବାଇକ୍ର ଦୁଇଟି ଇଞ୍ଜିନ୍ ଜବତ ହୋଇଛି । ତେବେ ଗିରଫ ପରେ ଦୁଇ ଲୁଟେରାଙ୍କ ପଚରାଉଚରା କରୁଛି ପୋଲିସ । ଏମାନଙ୍କ ସହ ଆଉ କିଏ କିଏ ସଂପୃକ୍ତ ଅଛନ୍ତି । ସେନେଇ ଖୋଳତାଡ଼ କରୁଛି ପୋଲିସ । ପୂର୍ବରୁ କ୍ୟାପିଟାଲ ଥାନା ପୋଲିସ ଦ୍ୱାରା ୨୪ଟି ବାଇକ୍ ଜବତ କରାଯାଇଛି ।
