କଟକ ୯।୫: ଗିରଫ ହେଲେ ଟେଲି ଅଭିନେତା ହରିଶ ଖଣ୍ଡେଲଓ୍ବାଲ । ଛାଡ଼ପତ୍ର ଓ ଭରଣପୋଷଣ ମାମଲାରେ କୋର୍ଟଙ୍କ ବଳରେ ହରିଶଙ୍କୁ ଗିରଫ କଲା ବାଦାମବାଡ଼ି ଥାନା ପୋଲିସ । ହରିଶଙ୍କ ପ୍ରଥମ ସ୍ତ୍ରୀ ଛାଡ଼ପତ୍ର ଓ ଭରଣ ପୋଷଣ ନେଇ ୮ ବର୍ଷ ତଳେ ଏନେଇ କୋର୍ଟରେ ମାମଲା ଦାୟର କରିଥିଲେ । ଏହି ମାମଲାକୁ ବିଚାରକୁ ନେଇ କୋର୍ଟ ହରିଶ ଖଣ୍ଡେଲଓ୍ବାଲଙ୍କ ବିରୋଧରେ ଏନ୍ବିଡବ୍ଲୁ ବାଦାମବାଡ଼ି ଥାନାକୁ ଜାରି କରିଥିଲେ । କୋର୍ଟଙ୍କ ଏନ୍ବିଡବ୍ଲୁକୁ ନେଇ ପୋଲିସ ଅଭିନେତା ହରିଶକୁ ଗିରଫ କରି କୋର୍ଟ ଚାଲାଣ କରିଥିଲା । ହରିଶ କୋର୍ଟରେ ଭରଣ ପୋଷଣ ପାଇଁ ବାକିଥିବା ୧୭ ଲକ୍ଷ ଟଙ୍କା ଓ ପ୍ରତି ମାସରେ ୩୧ହଜାର ଟଙ୍କା ଦେବା ପାଇଁ ଚୁକ୍ତି କରିବା ପରେ କୋର୍ଟ ଜାମିନ ପ୍ରଦାନ କରିଛନ୍ତି ।
ହରିଶ ବର୍ତ୍ତମାନ ଟେଲି ଅଭିନେତ୍ରୀ ଜ୍ୟୋର୍ତିମୟୀଙ୍କୁ ବିବାହ କରି ୩ ବର୍ଷ ହେଲା ଏକାଠି ରହୁଥିବା ଏବେ ପୁଣି କୋର୍ଟଙ୍କୁ ଅବଗତ କରିଥିଲେ ପ୍ରଥମ ପତ୍ନୀ ଶୁଭଶ୍ରୀ ଏହାକୁ ବିଚାରକୁ ନେଇ କୋର୍ଟ ଏନ୍ବିଡବ୍ଲୁ ଜାରି କରିବା ସହ ତୁରନ୍ତ ଗିରଫ କରିବା ପାଇଁ ବାଦାମବାଡ଼ି ଥାନାକୁ ନିର୍ଦ୍ଦେଶ ଦେଇଥିଲେ କୋର୍ଟ ।
You Can Read:
ଏବେ କେବଳ ଅପରେସନ ସିନ୍ଦୂର ଆରମ୍ଭ ହୋଇଛି, ଆଗକୁ ମେହେନ୍ଦି ବାକି ଅଛି : ଭର୍ତ୍ତୃହରି ମହତାବ
