ନୂଆଦିଲ୍ଲୀ ୩୧/୦୧: ବ୍ରିକ୍ସ ଦେଶ ଉପରେ ଖପ୍ପା ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଏଥିପାଇଁ ସେ ଖୋଲାଖୋଲି ଦେଇଛନ୍ତି ଧମକ। ଓପନ ଫୋରମରେ କହିଛନ୍ତି ଡଲାରକୁ ଅଣଦେଖା କଲେ ଚଳିବ ନାହିଁ। ବ୍ରିକ୍ସ ଦେଶମାନେ ଆମେରିକୀୟ ଡଲାରକୁ ରିପ୍ଲେସ୍‌ କରିପାରିବେ ନାହିଁ। ଏଭଳି କଲେ ବ୍ରିକ୍ସ ଦେଶଙ୍କ ଉପରେ ଲାଗିବ ୧୦୦ ପ୍ରତିଶତ ଟାରିଫ୍। ସବୁଦିନ ପାଇଁ ବନ୍ଦ ହୋଇଯିବ ଆମେରିକାର ଦ୍ଵାର। 

ସୂଚନାଥାଉକି, କିଛି ଦିନ ତଳେ ଶୁଣିବାକୁ ମିଳିଥିଲା ବ୍ରିକ୍ସ ଦେଶଗୁଡ଼ିକ ନୂତନ କରେନ୍ସି ଆରମ୍ଭ କରିପାରନ୍ତି । ଏହାପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବ୍ରିକ୍ସ ଦେଶଗୁଡ଼ିକ ଉପରେ ଖପ୍ପା ହୋଇଥିଲେ । ଏବେ ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥ୍ ରେ ଟ୍ରମ୍ପ ଏକ ପୋଷ୍ଟ କରି ଖୋଲାଖୋଲି ଧମକ ଦେଇଛନ୍ତି । 

ଟ୍ରମ୍ପ କହିଛନ୍ତି ଯେ, ବ୍ରିକ୍ସ ଦେଶଗୁଡ଼ିକ ଆମେରିକୀୟ ଡଲାରର ପ୍ରାଧାନ୍ୟକୁ ଚ୍ୟାଲେଞ୍ଜ କରିବାକୁ ଚେଷ୍ଟା କରୁଛନ୍ତି । ଆମେ କେବଳ ଦର୍ଶକ ସାଜିଥିଲୁ, ହେଲେ ଆଗକୁ ଆଉ ଚଳିବ ନାହିଁ। ବ୍ରିକ୍ସ ଦେଶମାନେ ନୂଆ ମୁଦ୍ରା ତିଆରି କରନ୍ତୁ ନାହିଁ କିମ୍ଵା ଆମେରିକୀୟ ଡଲାରର ପ୍ରାଧାନ୍ୟକୁ ଚ୍ୟାଲେଞ୍ଜ କରିବା ପାଇଁ ଅନ୍ୟ କୌଣସି ମୁଦ୍ରାକୁ ସମର୍ଥନ କରନ୍ତୁ ନାହିଁ। ଯଦି ଏଭଳି କରାନଯାଏ, ତେବେ ବ୍ରିକ୍ସ ଦେଶଗୁଡ଼ିକ ଉପରେ ୧୦୦ ପ୍ରତିଶତ ଶୁଳ୍କ ଲାଗୁ କରାଯିବ। ନୂଆ କରେନ୍ସି ଆଣିବା ପଛରେ ଅନେକ କାରଣ ଅଛି । 

ସମ୍ପ୍ରତି ବୈଶ୍ଵିକ ଅର୍ଥନୈତିକ ଆହ୍ଵାନ ଏବଂ ଅମେରିକାର ଆକ୍ରମଣାତ୍ମକ ବୈଦେଶିକ ନୀତି ହେତୁ ବ୍ରିକ୍ସ ଦେଶଗୁଡ଼ିକ ଏକ ନୂତନ ମୁଦ୍ରା ଆଣିବାକୁ ଚାହୁଁଛନ୍ତି। ଆମେରିକୀୟ ଡଲାର ଏବଂ ୟୁରୋ ଉପରେ ବିଶ୍ଵ ନିର୍ଭରଶୀଳତା ହ୍ରାସ କରି ଅର୍ଥନୈତିକ ସ୍ଵାର୍ଥ ପାଇଁ ଏକ ନୂଆ ମୁଦ୍ରା ଲଞ୍ଚ କରିବାକୁ ଚାହୁଁଛନ୍ତି। ତେଣୁ ୨୦୨୨ରେ ୧୪ତମ ବ୍ରିକ୍ସ ସମିଟିରେ ପ୍ରଥମ ଥର ନୂଆ କରେନ୍ସି ଆଣିବାକୁ ଆଲୋଚନା ହୋଇଥିଲା। 

ଦଶନ୍ଧି ଧରି ଆମେରିକୀୟ ଡଲାର ବିଶ୍ଵରେ ଏକପାଖିଆ ପ୍ରାଧାନ୍ୟ ବିସ୍ତାର କରିଆସୁଛି। 

ତେବେ ନିକଟରେ ୟୁରୋ ଏବଂ ୟେନର ଲୋକପ୍ରିୟତା ବଢୁଥିବାରୁ ଡଲାରର ରିଜର୍ଭ ମୁଦ୍ରା ଅଂଶ ହ୍ରାସ ପାଇଛି। ତେବେ ଡଲାର ସର୍ବଭାରତୀୟ ସ୍ତରରେ ସର୍ବାଧିକ ବ୍ୟବହୃତ ମୁଦ୍ରା। ବିଶେଷଜ୍ଞଙ୍କ ଅନୁଯାୟୀ, ଯଦି କାରବାର ପାଇଁ ବ୍ରିକ୍ସ କରେନ୍ସିର ବ୍ୟବହାର ହୁଏ ତାହେଲେ ଡଲାରର ମୂଲ୍ୟ କମିବ। ଏହାଦ୍ଵାରା ଆମେରିକାର ଘରୋଇ ସ୍ତରରେ ମଧ୍ୟ ପ୍ରଭାବ ପଡ଼ିବ। 

alos read...

ନୋବେଲ ଶାନ୍ତି ପୁରସ୍କାର ପାଇଁ ଏଲୋନ ମସ୍କଙ୍କ ନାମାଙ୍କନ, ଜାଣନ୍ତୁ କାହିଁକି ୟୁରୋପୀୟ ସାଂସଦ କଲେ ମନୋନୀତ