ବ୍ରହ୍ମପୁର: ଗୁଣି ଗାରେଡ଼ି ସନ୍ଦେହରେ ଗୋଷ୍ଠୀ ସଂଘର୍ଷରୁ ଗଡ଼ିଲା ତିନି ମୁଣ୍ଡ। ଗଞ୍ଜାମ ଜିଲ୍ଲା ଧରାକୋଟ ବ୍ଲକ ବଡ଼ଗଡ଼ ଥାନା ବାହାରପୁର ପଞ୍ଚାୟତ ଖାରି ପଲ୍ଲୀ ଗ୍ରାମରେ ଘଟିଛି ଟ୍ରିପଲ୍ ମର୍ଡର l ଗୁଣି ଗାରେଡ଼ି ସନ୍ଦେହରେ ବାପା ପୁଅଙ୍କୁ ହତ୍ୟା କରାଯାଇଛି l ମୃତ ବାପା ପୁଅ ହେଲେ ଖଦାଳ ବେହେରା, ରତ୍ନାକର ବେହେରା l ଅପର ପକ୍ଷରେ ବାପ ପୁଅର ପାଲଟା ଆକ୍ରମଣରେ ଚାରି ଜଣ ଗ୍ରାମବାସୀ ଗୁରୁତର ହୋଇଥିବା ବେଳେ ଧକକୋଟ ମେଡିକରେ ଜଣଙ୍କୁ ଡାକ୍ତର ମୃତ ଘୋଷଣା କରିଛନ୍ତି l ମୃତ ଗ୍ରାମବାସୀ ଜଣଙ୍କ ହେଲେ ରମେଶ ବେହେରାl
ସୂଚନା ଅନୁଯାୟୀ, ତିନି ବର୍ଷ ପୂର୍ବରୁ ଗ୍ରାମବାସୀ ମାନେ ବାପା ପୁଅକୁ ଗୁଣି ଗାରେଡ଼ି ସନ୍ଦେହରେ ଗ୍ରାମରୁ ବାସନ୍ଦ କରିଥିଲେ l ଏହି କାରଣକୁ ନେଇ ବାପ ପୁଅ ଓ ଗ୍ରାମବାସୀଙ୍କ ମଧ୍ୟରେ ତିକ୍ତତା ରହିଥିଲା l ଆଜି ଗ୍ରାମବାସୀ ଓ ବାପା ପୁଅ ମାନଙ୍କ ଭିତରେ ବଚସା ହୋଇଥିଲା l ଫଳରେ ଗ୍ରାମବାସୀ ମାନେ ବାପା ପୁଅକୁ ଆକ୍ରମଣ କରିଥିଲେ l ଅପର ପକ୍ଷରେ ଗ୍ରାମବାସୀଙ୍କୁ ପାଲଟା ଆକ୍ରମଣ କରିଥିଲେ ବାପା ପୁଅ l
ତେବେ ଗ୍ରାମବାସୀଙ୍କ ଆକ୍ରମଣରେ ବାପା ପୁଅଙ୍କ ମୃତ ହୋଇଥିବା ବେଳେ l ବାପା ପୁଅଙ୍କ ଆକ୍ରମଣରେ ମେଡିକାଲ୍ ରେ ଜଣଙ୍କ ମୃତ୍ୟୁ ହୋଇଥିବା ବେଳେ ତିନି ଗୁରୁତର ଧକରୋଟ ମେଡିକାଲରେ ଚିକିତ୍ସିତ ହଉଛନ୍ତି l ଅପର ପକ୍ଷରେ ଘଟଣାସ୍ଥଳରେ ଆସିକା ଏସଡିପିଓ ଙ୍କ ସମେତ ବଡଗଡ ଓ ଧରାକୋଟ ଥାନା ଅଧିକାରୀ ପହଞ୍ଚି ଘଟଣାର ତଦନ୍ତ କରୁଛନ୍ତି l
