ବଲାଙ୍ଗୀର ୨୯/୦୮: ଭଗବାନଙ୍କ ଭରସାରେ ଚାଲିଛି ରାଜ୍ୟରେ ସ୍ୱାସ୍ଥ୍ୟସେବା । ସ୍ଥିତି ଏମିତି ହୋଇଛି ଅନ୍ଧାରରେ ପଡିଛନ୍ତି ରୋଗୀ । ଏମିତିକି ଯିଏ ଚିକିତ୍ସା କରୁଛନ୍ତି ସେମାନେ ବାଧ୍ୟ ହୋଇ ମୋବାଇଲ ଲାଇଟ୍ର ସାହାରା ନେଉଛନ୍ତି । ବଲାଙ୍ଗୀର ଜିଲ୍ଲା ଦେଓଗାଁ ବ୍ଲକରେ ଥିବା ପିଏଚସି ସେଣ୍ଟରରେ ଦେଖିବାକୁ ମିଳିଛି ଏଭଳି କିଛି । ଯାହା ଏବେ ଭାଇରାଲ ହେବାରେ ଲାଗିଛି ।
ସୂଚନା ଥାଉକି, ପିଏଚସି ସେଣ୍ଟରରେ ନା ଅଛି ଇନଭେଟର ନା ଜେନେରେଟର ସୁବିଧା। ଯାହା ଫଳରେ ଲାଇନ ଚାଲିଗଲେ ହନ୍ତସନ୍ତ ରୋଗୀ । ସବୁଦିନ ଭଳି ହଠାତ ଲାଇଟ୍ ଚାଲିଯାଇଥିଲା । ଦୀର୍ଘ ସମୟ ଧରି ଏଭଳି ପରିସ୍ଥିତି ଦେଖିବାକୁ ମିଳିଥିଲା ପିଏଚସି ସେଣ୍ଟରରେ। ଫଳରେ ମୋବାଇଲ ଭରସାରେ ଚିକିତ୍ସାଧିନ ଥିବା ରୋଗୀଙ୍କୁ ଚିକିତ୍ସା କରାଯାଇଥିଲା ।
ତେବେ ଜଣେ ବିଷ ପିଇ ଏଠାକୁ ଚିକିତ୍ସା ପାଇଁ ଆସିଥିବା ବେଳେ ଆଉ ଜଣେ ରୋଗୀ ମଧ୍ୟ ଥିଲେ ହେଲେ ସେହି ସମୟରେ ହିଁ ଲାଇନ ନଥିଲା ଯାହାକୁ ନେଇ ଅସନ୍ତୋଷ ପ୍ରକାଶ କରିଥିଲେ ରୋଗୀ ଙ୍କ ସମ୍ପର୍କୀୟ।
