ନୂଆଦିଲ୍ଲୀ: ଇଞ୍ଜିନିୟରିଂ କ୍ଷେତ୍ର ଜେଇଇ ମେନ୍ ପ୍ରବେଶିକା ପରୀକ୍ଷା ସବୁଠୁ କଠିନ ବୋଲି କୁହାଯାଏ । ପ୍ରତିବର୍ଷ ଦେଶବ୍ୟାପୀ ଲକ୍ଷାଧିକ ଛାତ୍ରଛାତ୍ରୀ ଏହି ପରୀକ୍ଷାରେ ବସିଥାନ୍ତି । ମାତ୍ର ଏହାର କଟ୍ଅଫ୍ ବହୁତ ଉଚ୍ଚା ଯାଇଥାଏ । ଫଳରେ କିଛି ପିଲାଙ୍କୁ ସଫଳତା ମିଳିଥାଏ ଏବଂ ଅନେକ ନିରାଶ ହୋଇଥାନ୍ତି । ଏହି ପରୀକ୍ଷା ଯେଉଁମାନେ କ୍ରାକ୍ କରନ୍ତି, ସେମାନ ଏହାକୁ ବଡ଼ ଉପଲବ୍ଧୀ ମାନିଥାନ୍ତି । କିନ୍ତୁ ଚଳିତ ବର୍ଷ ହୋଇଥିବା ଜେଇଇ ମେନ୍ ୨୦୨୫ ତ୍ରୁଟି ଛାତ୍ରଛାତ୍ରୀଙ୍କ ସ୍ବପ୍ନ ଭାଙ୍ଗିବା ସହିତ ଗମ୍ଭୀର ପ୍ରଶ୍ନବାଚୀ ସୃଷ୍ଟି କରିଛି ।
ପରୀକ୍ଷା ସ୍ତର କିମ୍ବା ପ୍ରଶ୍ନପତ୍ରର ଉତ୍ତର ସିଟ୍ ତ୍ରୁଟି କମ୍ବା ପରୀକ୍ଷା ପରିଚାଳନାକୁ ନେଇ ଛାତ୍ରଛାତ୍ରୀମାନେ ଜାତୀୟ ପରୀକ୍ଷା ଏଜେନ୍ସି ଉପରେ ବଡ଼ ଅଭିଯୋଗ ଆଣିଛନ୍ତି। ସେମାନଙ୍କ କହିବା ତଥା ଏପ୍ରିଲ୍ ୨୦୨୫ରେ ଆୟୋଜିତ ହୋଇଥିବା ଜେଇଇ ମେନ୍ ପେପରରେ ଅନେକ ତ୍ରୁଟି ଦେଖିବାକୁ ମିଳିଛି । ଦେଶ ସବୁଠୁ କଠିନ ପ୍ରବେଶିକା ପରୀକ୍ଷାରେ ଏତେ ତ୍ରୁଟି ସ୍ପଷ୍ଟ କରୁଛି ଯେ ଜାତୀୟ ପରୀକ୍ଷା ଏଜେନ୍ସି ବା ଏନଟିଏ ଏହାକୁ ନେଇ ଗମ୍ଭୀରତାର ସହ ନେଉନାହିଁ । ଫଳରେ ଅନେକ ଛାତ୍ରଛାତ୍ରୀଙ୍କ ଇଞ୍ଜିନିୟରିଂ ପଢ଼ିବା ଆଶା ମାଟିରେ ମିଳେଇ ଯାଉଛି ।
କୋଟାର ଛାତ୍ରଛାତ୍ରୀମାନେ ପରୀକ୍ଷାର ଉତ୍ତର ସିଟ୍ ଓ ପ୍ରଶ୍ନପତ୍ର ପ୍ରକାଶିତ ହେବା ପରେ ଅତି କମରେ ୯ଟି ବିବାଦୀୟ ପ୍ରଶ୍ନକୁ ଚିହ୍ନଟ କରିଛନ୍ତି। ଏହି ବିବାଦୀୟ ପ୍ରଶ୍ନ ଗୁଡ଼ିକ ଭୌତିକ, ରସାୟନ ବିଜ୍ଞାନ ଏବଂ ଗଣିତ ପ୍ରଶ୍ନପତ୍ରରେ ତ୍ରୁଟି ଆସିଛି ।ଦେଶର ପ୍ରମୁଖ କୋଚିଂ ସଂସ୍ଥାରେ ବିଶେଷଜ୍ଞମାନେ ଏହା ପ୍ରଶ୍ନ ଉଠାଇ ସମୀକ୍ଷା କରିବା ସହିତ ଛାତ୍ରଛାତ୍ରୀଙ୍କ ଅଭିଯୋଗକୁ ଠିକ୍ ବୋଲି କହିଛନ୍ତି ।....
