ଛାଡପତ୍ର ନ ଦେଇ ସାମନ୍ଥାଙ୍କୁ ଦ୍ଵିତୀୟ ବିବାହ କରିଛନ୍ତି ରାଜ ନିଦିମୋରୁ ! ସାମ୍ନାକୁ ଆସିଲା ପୂର୍ବ ପତ୍ନୀଙ୍କ ଇନଷ୍ଟା ପୋଷ୍ଟ

ନୂଆଦିଲ୍ଲୀ ୦୩।୧୨; ଦକ୍ଷିଣ ଭାରତୀୟ ଅଭିନେତ୍ରୀ ସାମନ୍ଥା ରୁଥ୍ ପ୍ରଭୁ। ସିକ୍ରେଟଲି ବିବାହ କରିବା ପରେ ଚର୍ଚ୍ଚାରେ ଅଛନ୍ତି । ସାମନ୍ଥା ଏବଂ ରାଜଙ୍କ ବିବାହର ବିଶେଷ କଥା ହେଉଛି ଦୁହିଁଙ୍କର ଏହା ଦ୍ୱିତୀୟ ବିବାହ। ସାମନ୍ଥା ପୂର୍ବରୁ ନାଗା ଚୈତନ୍ୟଙ୍କୁ ବିବାହ କରିଥିଲେ । ରାଜ ନିଦିମୋରୁଙ୍କ ପୂର୍ବରୁ ଶ୍ୟାମଳୀ ଦେଙ୍କୁ ବିବାହ କରିଥିଲେ। ହେଲେ ଏବେ ପ୍ରଶ୍ନ ଉଠୁଛି ଶ୍ୟାମଳୀ ଏବଂ ରାଜ ସେମାନଙ୍କ ଛାଡପତ୍ରକୁ କନଫର୍ମ କରି ନାହାଁନ୍ତି । ଏହି କାରଣରୁ ସାମନ୍ଥା ଏବଂ ରାଜଙ୍କ ବିବାହ ଉପରେ ବିବାଦ ଆରମ୍ଭ ହୋଇଛି। ସେମାନଙ୍କ ବିବାହ ମଧ୍ୟରେ, ଶ୍ୟାମଳୀଙ୍କ ବନ୍ଧୁଙ୍କର ଏକ ପୋଷ୍ଟ ଭାଇରାଲ ହେଉଛି।

ସାମନ୍ଥା ଏବଂ ରାଜଙ୍କ ଦ୍ୱିତୀୟ ବିବାହରେ ନୂଆ ମୋଡ଼ ଆସିଛି। ଉଭୟଙ୍କ ବିବାହ ପରେ, ଚଳଚ୍ଚିତ୍ର ନିର୍ମାତାଙ୍କ ପୂର୍ବ ପତ୍ନୀ ଶ୍ୟାମଳୀଙ୍କ ଏକ ପୁରୁଣା ପୋଷ୍ଟ ଭାଇରାଲ ହେଉଛି। ସେ ଦାବି କରିଛନ୍ତି ଯେ ରାଜ ନିଦିମୋରୁ ତାଙ୍କ ପ୍ରଥମ ପତ୍ନୀଙ୍କ ଠାରୁ ଛାଡପତ୍ର ନେଇ ନାହାଁନ୍ତି, ବରଂ ଦୁହେଁ ଏପର୍ଯ୍ୟନ୍ତ ବିବାହିତ। ମାତ୍ର ପାଞ୍ଚ ଦିନ ପୂର୍ବରୁ, ଶ୍ୟାମଳୀ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି ଯେଉଁଥିରେ ଜଣେ ମହିଳାଙ୍କୁ ତାଙ୍କ କେଶରେ ସିନ୍ଦୁର ଏବଂ କପାଳରେ ଲାଲ ବିନ୍ଦି ପିନ୍ଧିଥିବା ଦେଖାଯାଇଛି। କିନ୍ତୁ ମହିଳାଙ୍କ ଆଖି ବନ୍ଦ ଅଛି। ପୋଷ୍ଟର କ୍ୟାପସନରେ ଉଲ୍ଲେଖ ଥିଲା ଯେ ସମ୍ପର୍କ, ସ୍ୱାମୀ ଏବଂ ସ୍ତ୍ରୀ, ପିଲା କିମ୍ବା ପଶୁ ହେଉ, ସମସ୍ତ ସେମାନଙ୍କ ପୂର୍ବ ଜୀବନର କର୍ମର ପରିଣାମ।

ଶ୍ୟାମଳୀଙ୍କ ବନ୍ଧୁ ପୋଷ୍ଟକୁ ରି-ପୋଷ୍ଟ କରିଛନ୍ତି

ଶ୍ୟାମଳୀ ଦେଙ୍କ ଏହି ପୋଷ୍ଟକୁ ତାଙ୍କ ବନ୍ଧୁ ଭାବନା ରି-ପୋଷ୍ଟ କରିଥିଲେ ସତ ହେଲେ କୌଣସି କ୍ୟାପସନ ଦେଇ ନଥିଲେ। ସେହି ଫଟୋରେ ଏପରି କିଛି ଲେଖିଥିଲେ ଯାହା ଏବେ ପ୍ରଶ୍ନ ଉଠିଛି । ଭାବନା ଲେଖିଛନ୍ତି, "ଯେଉଁମାନେ ମୋତେ ପଚାରୁଛନ୍ତି, 'ଶେଷ ଥର ପାଇଁ ମୁଁ ଚେକ୍‌ କରିଥିଲି, ସେ ବିବାହିତ ଥିଲେ, ଏବଂ ସେ ଏବେ ବି ଅଛନ୍ତି,'। କେବଳ ସେତିକି ନୁହେଁ, ଭାବନା ଏହି ପୋଷ୍ଟ ସେୟାର କରିବା ପରେ କମେଣ୍ଟ ସେକସନ୍‌କୁ ମଧ୍ୟ ବନ୍ଦ କରି ଦେଇଛନ୍ତି। ତାଙ୍କ ପୋଷ୍ଟ ସାମନ୍ଥା ଏବଂ ରାଜଙ୍କ ବିବାହ ବିଷୟରେ ଅନେକ ପ୍ରଶ୍ନ ଉଠାଇଛି। ରାଜଙ୍କୁ ମଧ୍ୟ ପ୍ରଶ୍ନ କରାଯାଉଛି ସେ ତାଙ୍କୁ କାହିଁକି ଛାଡପତ୍ର ଦେଇନାହାଁନ୍ତି।