ନୂଆଦିଲ୍ଲୀ ୦୬/୦୧: ବେଙ୍ଗାଲୁରୁ ପରେ ଗୁଜୁରାଟର ଅହମ୍ମଦାବାଦରେ ହ୍ୟୁମାନ୍ ମେଟାପ୍ନୁମୋଭାଇରସ୍ (HMPV)ର ଏକ ମାମଲା ଚିହ୍ନଟ ହୋଇଛି । ଅହମ୍ମଦାବାଦର ଚାନ୍ଦକେଡା ଅଞ୍ଚଳରେ ୨ ମାସର ଶିଶୁରେ ଏହି ଭାଇରସ ସଂକ୍ରମଣ ନଜର ଆସିଛି । ନବଜାତ ଶିଶୁ ଏବେ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି ।
ଶିଶୁର ଚିକିତ୍ସା ପାଇଁ ପରିବାର ରାଜସ୍ଥାନର ଡଙ୍ଗରପୁରରୁ ଅହମ୍ମଦାବାଦରେ ପହଞ୍ଚିଥିଲେ । ବର୍ତ୍ତମାନ ଶିଶୁର ଅବସ୍ଥା ସ୍ଥିର ରହିଛି । ଚାଇନାରେ ବ୍ୟାପିଥିବା HMPV ଭୂତାଣୁ ଏହାରି ଭିତରେ ଭାରତରେ ବ୍ୟାପିବା ଆରମ୍ଭ କରିଛି। ବର୍ତ୍ତମାନ ପର୍ଯ୍ୟନ୍ତ ଦେଶରେ ତିନୋଟି ମାମଲା ଚିହ୍ନଟ ହୋଇଛି । ଦୁଇଟି ମାମଲା କର୍ଣ୍ଣାଟକର ହୋଇଥିବାବେଳେ ଗୋଟିଏ ମାମଲା ଗୁଜରାଟର ଅହମ୍ମଦାବାଦରୁ ଆସିଛି।
you can also read...
ଗୋଟିଏ ରାଜ୍ୟରେ ଚିହ୍ନଟ ହେଲା ଘାତକ HMPVର ଦୁଇ କେସ୍, ସାରା ଦେଶରେ ଆଲର୍ଟ
କର୍ଣ୍ଣାଟକରେ ୮ ମାସ ଶିଶୁ, ୩ ମାସର ଶିଶୁ ସଂକ୍ରମିତ ହୋଇଛି । ହେଲେ ଏବେ ଅହମ୍ମଦାବାଦର ୨ ମାସର ଶିଶୁକୁ ଏହି ସଂକ୍ରମଣ ହୋଇଛି। ଚାଇନାରେ ବହୁ ସଂଖ୍ୟକ ଲୋକ ଏହି ଭୂତାଣୁରେ ସଂକ୍ରମିତ ହେଉଛନ୍ତି।
ଚାଇନାରେ ସଂକ୍ରମଣ ବୃଦ୍ଧି ହେବାର ଖବର ମଧ୍ୟରେ ଏହି ମାମଲା ସାମ୍ନାକୁ ଆସିଛି । ଯାହା ମାନବ ମେଟାପ୍ନୁମୋଭାଇରସ୍ (HMPV) ସହିତ ଜଡିତ । ଏହି ଭୂତାଣୁ ଶ୍ୱାସକ୍ରିୟାକୁ ପ୍ରଭାବିତ କରିଥାଏ, ଯାହା ପ୍ରଥମେ ୨୦୦୧ ରେ ଚିହ୍ନଟ ହୋଇଥିଲା । ବିଶେଷକରି ବୃଦ୍ଧ ଏବଂ ପିଲାମାନଙ୍କୁ HMPV ପ୍ରଭାବିତ କରେ ।
ବେଙ୍ଗାଲୁରୁରେ ଚିହ୍ନଟ ହୋଇଥିବା ଉଭୟ ମାମଲାରେ ନିମୋନିଆର ଏକ ପ୍ରକାର ବ୍ରୋଙ୍କୋପ୍ନୁମୋନିଆର ଚିକିତ୍ସା ଇତିହାସ ରହିଥିଲା । ତିନି ମାସର ଶିଶୁଟି ପୂର୍ବରୁ ଡିସଚାର୍ଜ ହୋଇସାରିଥିବାବେଳେ ୮ ମାସର ଶିଶୁକୁ ରବିବାର ଦିନ ଏହି ଭୂତାଣୁ ସଂକ୍ରମିତ ହୋଇଥିବା ଜଣାପଡିଛି । ଭାରତ ସରକାର ଭୟଭୀତ ନହେବାକୁ ନିବେଦନ କରିଛନ୍ତି ।