ଭୁବନେଶ୍ବର ୧୩।୪: ବିଜେଡିର ସାଙ୍ଗଠନିକ ନିର୍ବାଚନ ନେଇ ପ୍ରତିକ୍ରିୟା ରଖିଛନ୍ତି ପୂର୍ବତନ ବିଜେଡି ବିଧାୟକ ଉମାକାନ୍ତ ସାମନ୍ତରାୟ । ସେ କହିଛନ୍ତି, ଆଗେଇ ଚାଲିଛି ବିଜେଡିର ସାଙ୍ଗଠନିକ ନିର୍ବାଚନ ପ୍ରକ୍ରିୟା । ଜିଲ୍ଲା ସଭାପତି ପଦ ପାଇଁ ନାମାଙ୍କନ ଭରିଛନ୍ତି ନେତା । ଶଙ୍ଖ ଭବନରେ ଏହି ନାମାଙ୍କନ ଦାଖଲ ପ୍ରକ୍ରିୟା ଆରମ୍ଭ ହୋଇଛି । ପୁରୀ ଜିଲ୍ଲା ବିଜେଡି ସଭାପତି ପାଇଁ ନାମାଙ୍କନ ଭରିବେ ପୂର୍ବତନ ବିଧାୟକ ଉମାକାନ୍ତ ସାମନ୍ତରାୟ । ଏଥିସହ ନବୀନ ପଟ୍ଟନାୟକଙ୍କୁ ପୁଣି ଥରେ ବିଜେଡି ରାଜ୍ୟ ସଭାପତି କରାଯିବ । ୩୩ ସାଙ୍ଗଠନିକ ଜିଲ୍ଲା ପାଇଁ ନାମାଙ୍କନ ଭରାଯିବ ବୋଲି ଉମାକାନ୍ତ ସାମନ୍ତରାୟ କହିଛନ୍ତି ।

ସେ ଆହୁରି ମଧ୍ୟ କହିଛନ୍ତି, ନିଜ ନିଜର ବକ୍ତବ୍ୟ ଦେଇ ଦଳ ଭିତରେ ସେମାନେ ଅଶାନ୍ତି ସୃଷ୍ଟି କରୁଛନ୍ତି । ଇଏ ମେଳିର କିଛି ଫରକ ପଡ଼ିବ ନାହିଁ । ଦଳରେ ସମସ୍ତେ ଶୃଙ୍ଖଳିତ ଭାବେ ରହିବେ । ଦଳ ଭିତରେ ଗୋଟିଏ ନେତା ସେ ହେଉଛନ୍ତି ଆମ ସଭାପତି ନବୀନ ପଟ୍ଟନାୟକ । ତେଣୁ କିଏ କାହାର କ’ଣ ବ୍ୟକ୍ତିଗତ ମତକୁ ନେଇ ଦଳ ଚାଲିପାରିବ ନାହିଁ ବୋଲି ଉମା ସାମନ୍ତରାୟ କହିଛନ୍ତି ।

You Can Read:

ସାଂସଦ ଅପରାଜିତା ଷଡ଼ଙ୍ଗୀଙ୍କ ପାଇଁ ଦଳ ବଡ, ସହର ବଡ ନୁହେଁ : ସୁଲୋଚନା ଦାସ