ଭୁବନେଶ୍ବର ୧୦।୭: ରାଜ୍ୟରେ ବନ୍ୟା ପରିସ୍ଥିତି ନାହିଁ । ସୁବର୍ଣ୍ଣରେଖାରେ ଗତ ଦୁଇ ଦିନରେ ଉପରମୁଣ୍ଡରେ ବର୍ଷା ଯୋଗୁଁ ଗୁରୁବାର ସନ୍ଧ୍ୟା ସୁଦ୍ଧା ରାଜଘାଟରେ ବିପଦ ସଂକେତ ଉପରକୁ ଯିବ । ସୁବର୍ଣ୍ଣରେଖା ଉପରମୁଣ୍ଡରେ ବର୍ଷା ହୋଇଥିବାରୁ ବନ୍ୟା ସମ୍ଭାବନା ଅଛି । ହୀରାକୁଦର ୧୬ ଗେଟ୍ରେ ପାଣି ଛଡା ଯାଉଛି । ଜଳ ଧାରଣ କ୍ଷମତାକୁ ଦେଖି ଗେଟ୍ ଖୋଲିବା କି ବନ୍ଦ ହେବ ନିଷ୍ପତ୍ତି ନିଆଯିବ ।
ବର୍ତ୍ତମାନ ମହାନଦୀ ଉପରମୁଣ୍ଡରେ ବର୍ଷା ନାହିଁ । ରେଙ୍ଗାଲିର ଦୁଇଟି ଗେଟ୍ରେ ଜଳ ନିଷ୍କାସନ ଚାଲିଛି । କଣାସରେ ବନ୍ୟା ନାହିଁ । ମୁଣ୍ଡଳୀର ପାଣି ଦୟା ନଦୀକୁ ଯାଉଛି । କିଛି ତଳିଆ ଅଞ୍ଚଳରେ ପାଣି ପଶିଛି । ହେଲେ ତାହା ବନ୍ୟା ନୁହେଁ । ମୁଣ୍ଡଳୀରୁ ବନ୍ୟା ପାଣି ଦୟା ନଦୀରେ ମିଶିଲେ ଜଳ ପ୍ରଦୂଷଣ କମିବ । ଗଙ୍ଗୁଆ ନାଳରୁ ପାଣି ମିଶିବାରୁ ହୁଏତ ଦୟା ନଦୀ ଦୂଷିତ ହେଉଥିବ ବୋଲି ଜଳସମ୍ପଦ ବିଭାଗ ସର୍ବୋଚ୍ଚ ଯନ୍ତ୍ରୀ ଚନ୍ଦ୍ରଶେଖର ପାଢ଼ୀ କହିଛନ୍ତି ।
You Can Read:
