ପୁରୀ ୩।୫: ଦୀଘା ଜଗନ୍ନାଥ ମନ୍ଦିର ବିବାଦ ପ୍ରସଙ୍ଗରେ ଶ୍ରୀମନ୍ଦିର କାର୍ଯ୍ୟାଳୟରେ ମୁଖ୍ୟ ପ୍ରଶାସକଙ୍କ ଗୁରୁତ୍ବପୂର୍ଣ୍ଣ ବୈଠକ ପରେ ଦେବୀ ସୁଭଦ୍ରାଙ୍କ ବାଡଗ୍ରାହୀ ରାମଚନ୍ଦ୍ର ଦାସ ମହାପାତ୍ର ପ୍ରତିକ୍ରିୟା ରଖିଛନ୍ତି । ଭାରତରେ ଚାରିଧାମ ଛଡ଼ା ଅନ୍ୟ କୌଣସି ଧାମ ନାହିଁ । ସେଥିମଧ୍ୟରୁ ଶ୍ରୀକ୍ଷେତ୍ର ଧାମ ବା ଜଗନ୍ନାଥ ଧାମ ଏକ ଧାମ । ଏଣୁ ଦୀଘାକୁ ଜଗନ୍ନାଥ ଧାମ ଘୋଷଣା ଠିକ୍ ନୁହେଁ । ସରକାର ତୁରନ୍ତ ଏହା ଉପରେ ରୋକ୍ ଲଗାଇବା ପାଇଁ ପଦକ୍ଷେପ ନିଅନ୍ତୁ । ଦୀଘାରେ ଜଗନ୍ନାଥ ମୂର୍ତ୍ତି ଦାରୁରେ ନିର୍ମାଣ ହୋଇଥିବା ପ୍ରସଙ୍ଗରେ ମଧ୍ୟ ପ୍ରତିକ୍ରିୟା ରଖିଛନ୍ତି ରାମଚନ୍ଦ୍ର ।
କୋଇଲି ବୈକୁଣ୍ଠରେ ଥିବା ଦାରୁ ଗୃହରୁ ଦାରୁ ନେବା ସମ୍ଭବ ନୁହେଁ । ଦଇତାପତି ନିଯୋଗର ସମ୍ପାଦକ ରାମକୃଷ୍ଣ ଦାସମହାପାତ୍ର ଯଦି ଏଠାରୁ ଦାରୁ ନେଇଥିବା କଥା କହୁଛନ୍ତି ତେବେ ତାଙ୍କୁ ପଚରାଉଚରା କରାଯାଉ । ଦୀଘାରେ ପଥର ମୂର୍ତ୍ତିରେ ସ୍ଥାପନା ହୋଇଥିବା ଚତୁର୍ଦ୍ଧାମୂର୍ତ୍ତିଙ୍କ ବିଗ୍ରହ ସମ୍ପୂର୍ଣ୍ଣ ଶାସ୍ତ୍ର ବିରୋଧି । ଦୀଘା ଜଗନ୍ନାଥ ମନ୍ଦିରରେ ପଥର ମୂର୍ତ୍ତି ସ୍ଥାପିତ କରାଯାଇଥିବାରୁ ଏହା ସମ୍ପୂର୍ଣ୍ଣ ଜଗନ୍ନାଥ ସଂସ୍କୃତିର ଉଲ୍ଲଙ୍ଘନ । ଏଣୁ ସେଠାକୁ କେହି ଯିବା ଉଚିତ୍ ନୁହେଁ ବୋଲି ମତ ରଖିଛନ୍ତି ଦେବୀ ସୁଭଦ୍ରାଙ୍କ ମୁଖ୍ୟ ବାଡ଼ଗ୍ରାହୀ ରାମଚନ୍ଦ୍ର ଦାସମହାପାତ୍ର ।
You Can Read:
ବ୍ରିଜ୍ କାମ ବେଳେ ଅଘଟଣ : କ୍ରେନ୍ ଛିଡ଼ି ଯିବାରୁ ୩ ଶ୍ରମିକଙ୍କ ମୃତ୍ୟୁ, ୨ ଗୁରୁତର
