୭୧ ବର୍ଷ ବୟସରେ ସରକାରୀ ଚାକିରି ପାଇଲେ ଏହି ସୁପରଷ୍ଟାର, କହିଲେ ସତ ହୋଇଛି ମାଆଙ୍କ ସ୍ୱପ୍ନ...

ନୂଆଦିଲ୍ଲୀ ୦୨/୧୨: ସରକାରୀ ଚାକିରି । ସମସ୍ତଙ୍କର ସ୍ୱପ୍ନ । ବାପା ମାଆ ହୁଅନ୍ତୁ ବା ଅନ୍ୟ କେହି । ସରକାରୀ ଚାକିରି ପାଇବାର ସ୍ୱପ୍ନ ଦେଖନ୍ତି । ପୂର୍ବରୁ ଏହି ପରମ୍ପରା ବଜାୟ ରହିଛି । କାରଣ ସରକାରୀ ଚାକିରି ଦିଏ ଜୀବନ ବ୍ୟାପୀ ସୁରକ୍ଷା । ଅନେକ ବିଶ୍ୱାସ କରୁଥିଲେ କି ସରକାରୀ ଚାକିରିଆକୁ ବିବାହ କଲେ କୌଣସି ଅସୁବିଧା ହେବ ନାହିଁ ।

ତେବେ ପରିଣତ ବୟସରେ ଜଣେ ପାଇଛନ୍ତି ସରକାରୀ ଚାକିରି । ସେ ଆଉ କେହି ନୁହଁନ୍ତି ସେ ହେଉଛନ୍ତି ୭୧ ବର୍ଷୀୟ ଅଭିନେତା କମଲ ହାସନ । ଏହା ଆପଣଙ୍କୁ ଆଶ୍ଚର୍ଯ୍ୟ କରିପାରେ, କାରଣ ଭାରତରେ ଅବସର ବୟସ ୫୮ ରୁ ୬୫ ବର୍ଷ ମଧ୍ୟରେ । ତେଣୁ, ୭୧ ବର୍ଷ ବୟସରେ ଚାକିରି ପାଇବା ଆଶ୍ଚର୍ଯ୍ୟଜନକ ଖବର ମନେହୁଏ । କିନ୍ତୁ ଏହା ସତ୍ୟ। ଆସନ୍ତୁ ଜାଣିବା ପୁରା କାହାଣୀ ।  

ନିକଟରେ ଅଭିନେତା କମଲ ହାସନ ନିକଟରେ କେରଳରେ ହୋର୍ଟସ୍ କଳା ଓ ସାହିତ୍ୟ ମହୋତ୍ସବରେ ଯୋଗ ଦେଇଥିଲେ । ସେ ଅଭିନେତା ମଞ୍ଜୁ ୱାରିୟରଙ୍କ ସହ ଏକ ଅଧିବେଶନରେ ଅଂଶଗ୍ରହଣ କରିଥିଲେ । ଯେଉଁଠାରେ ସେ ସିନେମା ଓ ରାଜନୀତି ବିଷୟରେ ଆଲୋଚନା କରିଥିଲେ। ଯେତେବେଳେ ଆଙ୍କର ପଚାରିଥିଲେ ଯେ ସେ ସମ୍ପ୍ରତି ରାଜ୍ୟସଭା ସାଂସଦ ହେବା ବିଷୟରେ କିପରି ଅନୁଭବ କରୁଛନ୍ତି । କମଲ ଏକ ହାସ୍ୟରସପୂର୍ଣ୍ଣ ଉତ୍ତର ଦେଇଥିଲେ।

ଏହା ନିଶ୍ଚିତ ଭାବରେ ସେହି କମଲ ହାସନଙ୍କ ପ୍ରଶଂସକମାନଙ୍କ ପାଇଁ ହସ ଆଣିବ ଯେଉଁମାନଙ୍କର ପିତାମାତା ତାଙ୍କୁ ସରକାରୀ ଚାକିରି କରିବାକୁ ଚାହୁଁଥିଲେ। କମଲ ହାସନ ଉତ୍ତର ଦେଇ କହିଥିଲେ ଯେ ଶେଷରେ ମୋତେ ସରକାରୀ ଚାକିରି ମିଳିଗଲା, ଯାହା ତାଙ୍କ ମାଆ ସ୍ୱପ୍ନ ଥିଲା । କମଲଙ୍କୁ ପଚରାଯାଇଥିଲା ଯେ ସେ ରାଜ୍ୟସଭା ସାଂସଦ ହେବା ପରେ ତାଙ୍କୁ କିପରି ଲାଗିଥିଲା। ସେ କହିଥିଲେ ଯେ ସେହି ସମୟରେ ତାଙ୍କୁ ତାଙ୍କ ପିତାମାତା, ଡି. ଶ୍ରୀନିବାସନ ଆୟଙ୍ଗର ଏବଂ ରାଜଲକ୍ଷ୍ମୀଙ୍କର ମନେ ପଡ଼ିଥିଲା।

ସେ କହିଥିଲେ, "ମୁଁ ଯାଇଥିଲି, ଓ ଯେତେବେଳେ ମୁଁ ସାଇନ୍ କରିଥିଲି, ପ୍ରଥମେ ମୋ ମନକୁ ଆସୁଥିବା ବ୍ୟକ୍ତିମାନେ ମୋ ବାପା ଏବଂ ମାଆ ଥିଲେ। ମୁଁ ସ୍କୁଲ ଡ୍ରପ୍ ଆଉଟ୍ ଥିଲି । ମୋ ମାଆ ସବୁବେଳେ ମୋତେ କହୁଥିଲେ ଯେ ଯଦି ମୁଁ ଅତି କମରେ SSLC ପରୀକ୍ଷା ପାସ୍ କରିଥାଆନ୍ତି, ତେବେ ମୁଁ ରେଳବାଇରେ ସରକାରୀ ଚାକିରି ପାଇଥାନ୍ତି। ତେବେ ଏମିତି କରିବା ପରେ ସାଉଥ୍‌ଷ୍ଟାର ନିଜେ ଖୁସି ବ୍ୟକ୍ତି କରିଛନ୍ତି । ସେ କହିଥିଲେ ଯେ ୭୧ ବର୍ଷ ବୟସରେ, ମାଆଙ୍କ ସ୍ୱପ୍ନ ପୂରଣ କରିଛି ।

ନିଜକୁ ଏତେ ଗର୍ବିତ ମନେ କରୁଛି ଯେ, ସଂଗେ ସଂଗେ ଏ ବିଷୟରେ ମୁଁ ମାଆଙ୍କୁ ଜଣାଇବାକୁ ଚାହିଁଥିଲି । କମଲ କହିଥିଲେ, "ମୁଁ ମୋ ମାଆଙ୍କୁ କିମ୍ବା କାହାକୁ ଫୋନ୍ କରି କହିବାକୁ ଚାହୁଁଥିଲି, ଯେ, ମୁଁ ସରକାରୀ ଚାକିରିରେ ପାଇଛି । ମୁଁ ବହୁତ ଗର୍ବୀତ ଅନୁଭବ କରୁଛି । ଅଭିନେତା ମଧ୍ୟ ଲୋକଙ୍କ ସେବା କରିବାରେ ନିଜର ଖୁସି ଜାହିର କରିଥିଲେ । ଯାହା ତାଙ୍କର ପିଲାଟି ଦିନରୁ ଇଚ୍ଛା ଥିଲା ।

କମଲ ଏହି କାର୍ଯ୍ୟକ୍ରମରେ ତାଙ୍କର ରାଜନୈତିକ ଚିନ୍ତାଧାରା ବିଷୟରେ ମଧ୍ୟ କହିଥିଲେ । ସେ ନିଜକୁ ଜଣେ କେନ୍ଦ୍ରବାଦୀ ବୋଲି ମାନିଥାନ୍ତି । ସେ ଦାବି କରିଥିଲେ ଯେ ତାଙ୍କ ପ୍ରଯୋଜନା ସଂସ୍ଥା, ରାଜ କମଲ ଫିଲ୍ମସ୍ ଇଣ୍ଟରନ୍ୟାସନାଲ୍, ସେ ଯେଉଁ ବିଷୟଗୁଡ଼ିକୁ ଆଦର୍ଶଗତ ଭାବରେ ବିଶ୍ୱାସ କରନ୍ତି ତାହାକୁ ସମର୍ଥନ କରେ।