ନୂଆ ପ୍ରେମ ଜାଣିଦେଲା ପୂର୍ବତନ ପ୍ରେମିକ... ରାସ୍ତାରୁ ସଫା କରିଦେଲା ପ୍ରେମିକା

ଭୁବନେଶ୍ୱର ୦୯।୦୨ : ଶିଶୁଭବନ ଓଭରବ୍ରିଜ୍ କାର୍ ଦୁର୍ଘଟଣାରେ ନୂଆ ଟ୍ବିଷ୍ଟ । ସାମ୍ନାକୁ ଆସିଲା ଚନ୍ଦ୍ରଶେଖରପୁର ଥାନା ଅଞ୍ଚଳର ମର୍ଡର ଲିଙ୍କ। କାଲି ହତ୍ୟାର ଶିକାର ଯୁବକ ପୂର୍ବରୁ ଦୁର୍ଘଟଣାଗ୍ରସ୍ତ କାର୍ ଚଲାଉଥିଲେ। ହତ୍ୟା ଖବର ପାଇ ଭୟଭୀତ କାର୍ ମାଲିକ ଅନ୍ୟ ଏକ ଡ୍ରାଇଭର ଠିକ କରି ଗାଡ଼ି ନେବା ପାଇଁ କହିଥିଲେ। ସେହି ଡ୍ରାଇଭର କାର ନେଇ ଯାଉଥିବା ବେଳେ ଶିଶୁଭବନ ଓଭରବ୍ରିଜରୁ କାର ଖସିପଡିଥିଲା ।

ଅନ୍ୟପଟେ ହତ୍ୟାକାଣ୍ଡ ଘଟଣାରେ ସାମ୍ନାକୁ ଆସିଛି ଚାଞ୍ଚଲ୍ୟକର ତଥ୍ୟ । ପ୍ରେମ ସମ୍ପର୍କ ବିଷୟରେ ଜାଣିଦେଲେ ବୋଲି ତଣ୍ଟି କାଟି ହତ୍ୟା କରଥିଲେ ପ୍ରେମିକା। ମୃତ ସତ୍ୟବ୍ରତ ପ୍ରଧାନ ଜଣେ ଟାକ୍ସି ଡ୍ରାଇଭର। ସତ୍ୟବ୍ରତ ଏବଂ ତାଙ୍କ ପ୍ରେମିକା ଲିଜା କାଣ୍ଡି ନୀଳାଦ୍ରି ବିହାରରେ ଏକ ଭଡ଼ା ଘରେ ଲିଭ ଇନ ରିଲେସନସିପରେ ରହୁଥିଲେ। ପ୍ରେମିକା ଲିଜା କାଣ୍ଡିର ପୂର୍ବ ପ୍ରେମ ସମ୍ପର୍କ ବିଷୟରେ ଜାଣି ଦେଇଥିଲେ ମୃତ ସତ୍ୟବ୍ରତ। ଏହାପରେ ଲିଜା ସହ ପାଟିତୁଣ୍ଡ ହୋଇଥିଲା। ପୂର୍ବତନ ପ୍ରେମିକ ଦିନେଶ କାଣ୍ଡିଙ୍କ ସହ ମିଶି ହତ୍ୟା ଷଡ଼ଯନ୍ତ୍ର ରଚିଥିଲା ଲିଜା। ରବିବାର ରାତିରେ ସତ୍ୟବ୍ରତଙ୍କୁ ଯୋଜନା ମୁତାବକ ଛୁରୀରେ ତଣ୍ଟିକାଟି ହତ୍ୟା କରିଥିଲେ। ସତ୍ୟବ୍ରତକୁ ହତ୍ୟା ହୋଇଯାଇଥିବା ଜାଣି ଟାକ୍ସି ଗାଡି ମାଲିକ ଅନ୍ୟ ଏକ ଡ୍ରାଇଭରକୁ କହି ସତ୍ୟବ୍ରତ ଚଲଉଥିବା ଗାଡି କୁ ବ୍ରହ୍ମ ଗିରି ନେଇ ଯାଉଥିଲେ। ସେହି ସମୟରେ ଶିଶୁଭଵନ ଛକରେ ଗାଡି ଓଭରବ୍ରିଜ ତଳକୁ ଖସି ପିଡିଥିଲା । ଓଭରବ୍ରିଜ୍ ବ୍ୟାରିକେଡ୍ କୁ ପିଟି ହୋଇ କେଦାରପଲ୍ଲୀ ବସ୍ତିକୁ କାର୍ ଖସିପଡିଥିଲା। ଦୁର୍ଘଟଣାରେ ଅଳ୍ପକେ କାର୍ ଡ୍ରାଇଭର ବର୍ତ୍ତିଯାଇଛନ୍ତି ।

ସେପଟେ ଯେଉଁ ଘର ଉପରେ କାର୍ ଟି ପଡିଛି ସେହି ଘରେ ରହୁଥିବା ୮ ଜଣ ଲୋକେ ମଧ୍ୟ ଅଳ୍ପକେ ବର୍ତ୍ତିଯାଇଛନ୍ତି। ଆଜି ସକାଳେ ଅଗ୍ନିଶମବାହିନୀ ଓ ପୋଲିସ ପକ୍ଷରୁ ଏକ କ୍ରେନ୍ ସାହାଯ୍ୟରେ କାରକୁ ଓଭରବ୍ରିଜ ଉପରକୁ ଉଠାଇ ନିଆଯାଇଛି। ସେପଟେ ହତ୍ଯାକାଣ୍ଡ ସ୍ଥଳରେ ପୋଲିସ ଓ ସାଇଣ୍ଟିଫିକ ଟିମ୍ ପହଞ୍ଚି ଛାନଭିନ୍ କରିଥିଲେ। ପ୍ରେମିକା ଲିଜା ଭୋଇ ଏବଂ ପୂର୍ବତନ ପ୍ରେମିକ ଦିନେଶ କାଣ୍ଡିଙ୍କୁ ଅଟକ ରଖି ଖୋଳ ତାଡ଼ କରୁଛି ଚନ୍ଦ୍ର ଶେଖରପୁର ଥାନା ପୋଲିସ।