ନୂଆଦିଲ୍ଲୀ ୧୩।୦୪; ତମନ୍ନା ଭାଟିଆ ଫିଲ୍ମ ‘ରେଡ୍ -୨’ର ଆଇଟମ୍ ଗୀତ 'ନଶା'ରେ ନିଜର ଚମତ୍କାର ନୃତ୍ୟ ଏବଂ ଗ୍ଲାମରସ୍ ଲୁକ୍ ସହିତ ପୁଣିଥରେ ପ୍ରଶଂସକଙ୍କ ହୃଦୟ ଜିତିଛନ୍ତି। ଅଜୟ ଦେବଗନ ଏବଂ ରିତେଶ ଦେଶମୁଖଙ୍କ ଅଭିନୀତ ଏହି ଫିଲ୍ମର ଏହି ଡ୍ୟାନ୍ସ ନମ୍ବର ସୋସିଆଲ ମିଡିଆରେ ଭାଇରାଲ ହେଉଛି। ଏହା ପୂର୍ବରୁ ସେ 'ସ୍ତ୍ରୀ-୨'ର 'ଆଜ କି ରାତ' ଗୀତରେ ସମାନ ପ୍ରକାରର ହଇଚଇ ସୃଷ୍ଟି କରିଥିଲେ। ରିପୋର୍ଟ ଅନୁସାରେ, ତମନ୍ନା ଏହି ଗୀତ ପାଇଁ ଅଧିକ ଫି’ ନେଇଛନ୍ତି। ଏହି ଗୀତ ପାଇଁ ତମନ୍ନା କେତେ ଟଙ୍କା ନେଇଛନ୍ତି ଆସନ୍ତୁ ଜାଣିବା।
ବଲିଉଡରେ ଡ୍ୟାନ୍ସ ଆଇଟମ୍ରୁ ପାଇଲେ ପରିଚୟ
ତମନ୍ନା ଭାଟିଆ ଯାହାକୁ ସ୍ନେହରେ "ମିଲ୍କ ବ୍ୟୁଟି" କୁହାଯାଏ। ସେ ଦକ୍ଷିଣ ଚଳଚ୍ଚିତ୍ର ଶିଳ୍ପର ସବୁଠାରୁ ସଫଳ ଅଭିନେତ୍ରୀମାନଙ୍କ ମଧ୍ୟରୁ ଜଣେ। ସେ ତେଲୁଗୁ ଏବଂ ତାମିଲ ଚଳଚ୍ଚିତ୍ରରେ ଅନେକ ବ୍ଲକବଷ୍ଟର ହିଟ୍ ଚଳଚ୍ଚିତ୍ର ଦେଇଛନ୍ତି। ଦକ୍ଷିଣ ଚଳଚ୍ଚିତ୍ର ଶିଳ୍ପରେ ସଫଳତା ପରେ, ତମନ୍ନା ବଲିଉଡରେ ଏଣ୍ଟ୍ରି କରିଥିଲେ। ହେଲେ ହିନ୍ଦୀ ଚଳଚ୍ଚିତ୍ରରେ ତାଙ୍କର ଯାତ୍ରା ଆରମ୍ଭରେ ଧୀର ଥିଲା, କିନ୍ତୁ ସେ ସ୍ୱତନ୍ତ୍ର ଡ୍ୟାନ୍ସ ନମ୍ଵର ମାଧ୍ୟମରେ ଅପାର ଲୋକପ୍ରିୟତା ହାସଲ କରିଥିଲେ।
ଏବେ ତମନ୍ନା ଆଉ ଏକ ଦମଦାର ନୃତ୍ୟ ନମ୍ବର - 'ନଶା' ସହିତ ଫେରିଛନ୍ତି। ଯାହା ଆଗାମୀ ଫିଲ୍ମ 'ରେଡ୍ ୨'ର ଏକ ଅଂଶ। ଏହି ଫିଲ୍ମରେ ଅଜୟ ଦେବଗନ ଏବଂ ରିତେଶ ଦେଶମୁଖ ମୁଖ୍ୟ ଭୂମିକାରେ ଅଛନ୍ତି। ପୀୟୁଷ-ଶାଜିଆଙ୍କ ଦ୍ୱାରା କୋରିଓଗ୍ରାଫ କରାଯାଇଥିବା ଏହି ଗୀତରେ ତମନ୍ନାଙ୍କ ହଟ୍ ଅବତାର ଇଣ୍ଟରନେଟରେ ଭାଇରାଲ ହେଉଛି। ତେବେ ତମନ୍ନା 'ନଶା' ଗୀତ ପାଇଁ ୧ କୋଟି ଟଙ୍କା ନେଇଛନ୍ତି। ଯାହା ସେ ପୂର୍ବରୁ 'ଆଜ କି ରାତ' ପାଇଁ ନେଇଥିଲେ। ତାଙ୍କର ଲୋକପ୍ରିୟତା, ଆଶ୍ଚର୍ଯ୍ୟଜନକ ଏବଂ ଦମ୍ଦାର ଡ୍ୟାନ୍ସକୁ ମୁଭ୍ସ ଦେଖି, ନିର୍ମାତାମାନେ ଏହି ଚୁକ୍ତିକୁ ସମ୍ପୂର୍ଣ୍ଣ ଲାଭଦାୟକ ବୋଲି ପାଇଛନ୍ତି।
