ନୂଆଦିଲ୍ଲୀ: କଲିକତା ହାଇକୋର୍ଟ ଏକ ନିଷ୍ପତ୍ତିରେ ସ୍ପଷ୍ଟ କରିଛନ୍ତି ଯେ ମହିଳାଙ୍କୁ ସ୍ୱିଟି କିମ୍ୱା ବେବି ସମ୍ୱୋଧନ କରିବା ସବୁ ସମୟରେ ଭୁଲ ବୋଲି ଧାରଯିବ ନାହିଁ । କଲିକତା ହାଇକୋର୍ଟ କହିଛନ୍ତି ଯେ କିଛି ସାମାଜିକ କ୍ଷେତ୍ରରେ ମହିଳାଙ୍କ ପାଇଁ ଏହି ନାମ ପ୍ରଚଳିତ ଅଟେ ଏବଂ ଏହି ଶବ୍ଦର ଉପଯୋଗ ସବୁବେଳେ ଜଣଙ୍କ ସେକ୍ସୁଆଲ୍ ସେଣ୍ଟିମେଣ୍ଟକୁ ଉଜାଗର କରୁ ନାହିଁ । ବାର୍ ଆଣ୍ଡ ବେଞ୍ଚ୍ ରିପୋର୍ଟ ଅନୁସାରେ କଲିକତା ହାଇକୋର୍ଟ ଏହି ନିଷ୍ପତ୍ତିରେ ଏହା ମଧ୍ୟ ଚେତାବନୀ ଦେଇଛନ୍ତି ଯେ ଯଦି କାର୍ଯ୍ୟସ୍ଥଳରେ ମହିଳାଙ୍କ ଯୌନ ଉତ୍ପୀଡନ ନିରୋଧ ଅଧିନିୟମ (POSH ଅଧିନିୟମ)ର ପ୍ରାବଧାନର ଦୁରୁପଯୋଗ କରାଯାଏ ତେବେ ଏହା ମହିଳାଙ୍କ ପାଇଁ ଆହୁରି ଅଧିକ ବାଧା ସୃଷ୍ଟି କରିପାରେ । ନ୍ୟାୟମୂର୍ତ୍ତି ସବ୍ୟସାଚୀ ଭଟ୍ଟାଚାର୍ଯ୍ୟ ଯୌନ ଉତ୍ପୀଡନର ଅଭିଯୋଗ ଉପରେ ଏକ ମାମଲାର ଶୁଣାଣି କରି ଏହି ଟିପ୍ପଣୀ କରିଛନ୍ତି ।
ଏହି ମାମଲାରେ ଜଣେ ମହିଳା ଅଭିଯୋଗ କରିଛନ୍ତି ଯେ କାର୍ଯ୍ୟସ୍ଥଳରେ ତାଙ୍କର ବରିଷ୍ଠ ଅଧିକାରୀ ତାଙ୍କ ପାଇଁ ସ୍ୱିଟି ଏବଂ ବେବି ପରି ଶବ୍ଦ ବ୍ୟବହାର କରୁଛନ୍ତି । ତଟରକ୍ଷୀ ବାହିନୀରେ କାମ କରୁଥିବା ଜଣେ ମହିଳା କର୍ମଚାରୀ ଅଭିଯୋଗ ଆଣିଥିଲେ ଯେ ତାଙ୍କର ବରିଷ୍ଠ ବିଭିନ୍ନ ମାଧ୍ୟମରେ ତାଙ୍କୁ ଯୌନ ଉତ୍ପୀଡନ କରିଥିଲେ । ସେ ନିଜ ଯୁକ୍ତିରେ ଅବେଦନକାରୀ କହିଥିଲେ ଯେ ବରିଷ୍ଠ ଅଧିକାରୀଙ୍କ ବୟାନରେ ଏହିପରି ଶବ୍ଦର ପ୍ରୟୋଗ ଯୌନ ସଂକେତ ଥିଲା ।
ତେବେ, ବରିଷ୍ଠ ଅଧିକାରୀ କହିଛନ୍ତି ଯେ ସେ କେବେ ମଧ୍ୟ ଏହି ଶବ୍ଦଗୁଡ଼ିକୁ ଯୌନ ସଂକେତ ରୁପେ କରିନାହାନ୍ତି । ସେ ଏହା ମଧ୍ୟ କହିଛନ୍ତି ଯେ ଆବେଦନକାରୀ ଏହାକୁ ନେଇ ନିଜ ଚିନ୍ତା ବ୍ୟକ୍ତ କରିବା ପରେ ଏପରି ଶବ୍ଦର ପ୍ରୟୋଗକୁ ବନ୍ଦ କରି ଦେଇଥିଲେ । ନିଜ ରାୟରେ ହାଇକୋର୍ଟ ସ୍ୱୀକାର କରିଛନ୍ତି ଯେ ଆଭ୍ୟନ୍ତରୀଣ ଅଭିଯୋଗ କମିଟି (ଆଇସିସି) ଦ୍ୱାରା ଏପରି ଶବ୍ଦର ପ୍ରୟୋଗକୁ ଅନୁଚିତ କୁହାଯାଇଛି କିନ୍ତୁ ଏହା ମଧ୍ୟ କହିଛନ୍ତି ଯେ ଏହି ଶବ୍ଦଗୁଡ଼ିକୁ ସେକ୍ସୁଆଲ୍ ସେଣ୍ଟିମେଣ୍ଟ ସହ ଯୋଡିବାର ଆବଶ୍ୟକତା ନାହିଁ ।