ମିଛ କେସରେ ଫସାଇଥିଲା, ଏବେ ଜୀବନରୁ ମାରିଦେଲା ଅଭିଯୁକ୍ତ !

ଆସ୍କା ୦୨।୦୨ : ଜଙ୍ଗଲରୁ ଯୁବକଙ୍କ ଅଧାପୋଡ଼ା ମୃତଦେହ ମିଳିବ ଘଟଣା । ପୋଲିସ ଆଗରେ ଆତ୍ମସମର୍ପଣ କଲା ଅଭିଯୁକ୍ତ । ଯୁବକଙ୍କ ପ୍ରଥମେ ଛୁରୀରେ ହତ୍ୟା ପରେ ପଟ୍ରୋଲ ଢାଳି ପୋଡ଼ି ଦେଇଥିବା ପୋଲିସ ଆଗରେ ମାନିଛନ୍ତି । ପୋଲିସ ବର୍ତ୍ତମାନ ଘଟଣାର ତଦନ୍ତ ଆରମ୍ଭ କରିଛି ।

ଖବର ଅନୁଯାୟୀ, ଗଞ୍ଜାମ ଜିଲ୍ଲା ଶେରଗଡ଼ ଥାନା ବାଦଗଡ଼ ଗାଁର ଶ୍ରୀ ଜଗନ୍ନାଥ ବିଦ୍ୟାପୀଠ ନିକଟ ଶାଗୁଆନ ଜଙ୍ଗଲରୁ ଜଣେ ଯୁବକଙ୍କ ଅଧାପୋଡ଼ା ମୃତଦେହ ମିଳିଥିଲା । ଏହାପରେ ପୋଲିସ ମୃତଦେହ ଜବତ କରି ଆରମ୍ଭ କରିଥିଲା ତଦନ୍ତ । ହେଲେ ଏବେ ଘଟଣାରେ ଆସିଛି ଟ୍ୱିଷ୍ଟ । ହତ୍ୟା କରିଥିବା ଅଭିଯୁକ୍ତ ପୋଲିସ ନିକଟରେ ଆତ୍ମସମର୍ପଣ କରିଛି । ଅଭିଯୁକ୍ତ ଯୁବକ ଜଣକ ଆସିକା ନଳବଣ୍ଟା ଗାଁରେ ବଳରାମ ପାହାନ ହୋଇଥିବା ବେଳେ ମୃତ ଯୁବକ ଗୌରୀ ନାଥ ଓରଫ ସଞ୍ଜୟ ରାୟ ବୋଲି ଜଣାପଡିଛି । ଅଭିଯୁକ୍ତ ଜଣଙ୍କ ପ୍ରଥମେ ଯୁବକଙ୍କୁ ଛୁରୀରେ ହତ୍ୟା କରିଥିଲେ । ପରେ ପଟ୍ରୋଲ ଢାଳି ନିଆଁ ଲଗାଇଦେଇଥିଲା । ତେବେ ଏସବୁ ଭିତରେ ଆଉ ଏକ କଥା ଚର୍ଚ୍ଚା ହେଉଛି କିପୂର୍ବରୁ ଅଭିଯୁକ୍ତ ଜଣଙ୍କୁ କାମଦେବାକୁ କହି ଗଞ୍ଜେଇ ଚାଲାଣ କେସରେ ଫସେଇଦେଇ ଥିବା କାରଣକୁ ଯୁବକ ଜଣଙ୍କ ହତ୍ୟା କରିଥିବା କହିଛନ୍ତି ଅଭିଯୁକ୍ତ l