ରାଜଧାନୀବାସୀଙ୍କୁ ମିଳିବ ନୂଆ ଉପହାର, ଖୁବଶୀଘ୍ର ବଣ୍ଟନ ହେବ ‘ଏକାମ୍ର ରେସିଡେନ୍ସି’ର ଫ୍ଲାଟ୍

ଭୁବନେଶ୍ୱର ୨୨।୧୧ : ରାଜଧାନୀବାସୀଙ୍କୁ ଖୁବଶୀଘ୍ର ମିଳିବ ନୂଆ ଉପହାର । ସୁବୁଦ୍ଧିପୁରର ୭.୩୬ ଏକରରେ ବିଡିଏ ତିଆରି କରିଛି ନଭଶ୍ଚୁମ୍ଭୀ ଟାୱାର । ଛାତ ଉପରେ ସ୍ୱିମିଂ ପୁଲ୍, ଫିଟନେସ୍ ସେଣ୍ଟର, ମଲ୍ ଓ ଅନ୍ୟ ବ୍ୟବସାୟିକ ସ୍ଥାନ, ବିସ୍ତୃତ ସବୁଜିମା ଭରା ଖୋଲା ସ୍ଥାନ ଭଳି ଖଞ୍ଜାଯାଇଛି ଅନେକ ସୁବିଧା । ୧୪ ମହଲାର ଏହି ସୁଦୃଶ୍ୟ ‘ଏକାମ୍ର ରେସିଡେନ୍ସି’କୁ ବିକ୍ରି ପାଇଁ କସରତ ଆରମ୍ଭ କରିଛି ବିଡିଏ। ବିକ୍ରି ପରେ ଜାନୁଆରୀ ସୁଦ୍ଧା ଏହାର ଫ୍ଲାଟ ଆବଣ୍ଟନ କରାଯିବ ବୋଲି ସୂଚନା ମିଳିଛି ।

ଶୁକ୍ରବାର ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷ (ବିଡିଏ) ର ୧୫୧ତମ କର୍ତ୍ତୃପକ୍ଷ ବୈଠକ ବସିଥିଲା । ବିଡିଏ ଅଧ୍ୟକ୍ଷ ତଥା ଗୃହ ଓ ନଗର ଉନ୍ନୟନ ମନ୍ତ୍ରୀ ଡା କୃଷ୍ଣ ଚନ୍ଦ୍ର ମହାପାତ୍ରଙ୍କ ଅଧ୍ୟକ୍ଷତାରେ ବସିଥିବା ଏହି ବୈଠକରେ ଏକାମ୍ର ରେସିଡେନ୍ସି ଆବାସ ପ୍ରକଳ୍ପ ଆବଣ୍ଟନ ନେଇ ଆଲୋଚନା ହୋଇଛି । ଉଚ୍ଚ ଆୟ ବର୍ଗକୁ ଆଖି ଆଗରେ ରଖି ସୁବୁଦ୍ଧିପୁରରେ ଏହି ଆବାସିକ ପ୍ରକଳ୍ପ ତିଆରି ହୋଇଛି । ଏଥିରେ ୩ଟି ଟାୱାର ରହିଛି । ବେସମେଣ୍ଟ ଓ ତଳ ମହଲାକୁ ଛାଡ଼ି ମୋଟ ୧୨ ମହଲା ବିଶିଷ୍ଟ ଟାୱାରରେ ୪୧୬ଟି ୨- ବିଏଚକେ ଓ ୨୮୮ଟି ୩-ବିଏଚକେ ଫ୍ଲାଟ୍ ରହିଛି । ଏବେସୁଦ୍ଧା ଫ୍ଲାଟର ମୂଲ୍ୟ ନିର୍ଦ୍ଧାରିତ ହୋଇନି। ଏହାର ମୂଲ୍ୟ ୫୦ଲକ୍ଷରୁ ନେଇ ୭୦ଲକ୍ଷ ଟଙ୍କା ପର୍ଯ୍ୟନ୍ତ ରହିପାରେ । ପ୍ରକଳ୍ପ ଭିତରେ କମ୍ୟୁନିଟି ହଲ, ୱାକିଂ ଟ୍ରାକ୍ ବା ପାଦଚଲା ରାସ୍ତା, ବାଣିଜ୍ୟିକ ଅଞ୍ଚଳ, ଶିଶୁଙ୍କ ପାଇଁ ଖେଳପଡ଼ିଆ, ଫିଟନେସ୍ ସେଣ୍ଟର, ସବୁଜ ଶକ୍ତିର ଉପଯୋଗ ପାଇଁ ସୌର ପ୍ୟାନେଲ ଜୋନ୍, ଲ୍ୟାଣ୍ଡସ୍କେପିଂ ଓ ପର୍ଯ୍ୟାପ୍ତ ଖୋଲା ସ୍ଥାନ ରଖାଯାଇଛି । ଏକାମ୍ର ରେସିଡେନ୍ସିକୁ ୧୦୦ ଫୁଟ୍ ଚଉଡ଼ାର ଆପ୍ରୋଚ୍ ରୋଡ୍ରେ ଯୋଡ଼ା ଯାଇଛି। ଅଧିକ ସଂଖ୍ୟାରେ ଗାଡ଼ି ପାର୍କିଂ ପାଇଁ ବେସମେଣ୍ଟରେ ସୁବିଧା ରହିଛି । ତେବେ ଏହି ଘରଗୁଡ଼ିକୁ କେଉଁ ପ୍ରକ୍ରିୟାରେ ଆବଣ୍ଟନ କରାଯିବ ତାହା ନିଷ୍ପତ୍ତି ହୋଇନି । ଏହାକୁ ବିଡ୍ ମାଧ୍ୟମରେ ବା ଲଟେରୀ ମାଧ୍ୟମରେ ବିକ୍ରି କରାଯିବ, ତାହା ଖୁବଶୀଘ୍ର ଚୂଡ଼ାନ୍ତ ହେବ । ଲଟେରୀ ମାଧ୍ୟମରେ ଏହାକୁ ଆବଣ୍ଟନ କରାଯିବ ବୋଲି ସୂଚନା ମିଳିଛି।

ପ୍ରକଳ୍ପରେ ଗୃହ ନିର୍ମାଣ କାମ ସରିଛି । ରାଜଧାନୀରେ ନିଜର ଘର ରଖିବାକୁ ଚାହୁଁଥିବା ଲୋକଙ୍କ ସ୍ୱପ୍ନ ପୂରା ହେବ ମନ୍ତ୍ରୀ କହିଛନ୍ତି । କର୍ତ୍ତୃପକ୍ଷ ବୈଠକରେ ବିଡିଏର ଅନ୍ୟ ଯୋଜନା ବିଷୟରେ ମଧ୍ୟ ଆଲୋଚନା ହୋଇଥିଲା । ନିଳାଦ୍ରୀ ବିହାରର ଶନି ମନ୍ଦିରରୁ ଶୈଳଶ୍ରୀ ବିହାରର ଡିଏଭି ସ୍କୁଲ ଯାଏ ସିଡିପି ଅନୁସାରେ ରାସ୍ତା ନିର୍ମାଣ, ଗୁରୁ କେଳୁଚରଣ ପାର୍କ ଛକରୁ ପଟିଆ ରେଳ ଷ୍ଟେସନ ଯାଏ ୪୫ ମିଟର ଚଉଡା ସିଡିପି ରାସ୍ତା, ନୂଆଗାଁକାଟେଣୀ ରାସ୍ତାକୁ ଟିପି-୮ ଦେଇ ଯାଉଥିବା ରାସ୍ତା ସହ ଯୋଡ଼ିବାକୁ ଆଲୋଚନା ହୋଇଛି ।

ସୁବୁଦ୍ଧିପୁରର ୭.୩୬ ଏକରରେ ବିଡିଏ ତିଆରି କରିଛି ନଭଶ୍ଚୁମ୍ଭୀ ଟାୱାର । ଛାତ ଉପରେ ସ୍ୱିମିଂ ପୁଲ୍, ଫିଟନେସ୍ ସେଣ୍ଟର, ମଲ୍ ଓ ଅନ୍ୟ ବ୍ୟବସାୟିକ ସ୍ଥାନ, ବିସ୍ତୃତ ସବୁଜିମା ଭରା ଖୋଲା ସ୍ଥାନ ଭଳି ଅନେକ ସୁବିଧା ଖଞ୍ଜାଯାଇଛି । ୧୪ ମହଲାର ଏହି ସୁଦୃଶ୍ୟ ‘ଏକାମ୍ର ରେସିଡେନ୍ସି’କୁ ବିକ୍ରି ପାଇଁ କସରତ ଆରମ୍ଭ କରିଛି ବିଡିଏ । ଜାନୁଆରୀ ସୁଦ୍ଧା ଏହାର ଫ୍ଲାଟ ଆବଣ୍ଟନ କରି ରାଜଧାନୀବାସୀଙ୍କୁ ଉପହାର ଦେବାକୁ ଯୋଜନା ହୋଇଛି । ଆଜି ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷ (ବିଡିଏ) ର ୧୫୧ତମ କର୍ତ୍ତୃପକ୍ଷ ବୈଠକ ବସିଥିଲା । ବିଡିଏ ଅଧ୍ୟକ୍ଷ ତଥା ଗୃହ ଓ ନଗର ଉନ୍ନୟନ ମନ୍ତ୍ରୀ ଡା କୃଷ୍ଣ ଚନ୍ଦ୍ର ମହାପାତ୍ରଙ୍କ ଅଧ୍ୟକ୍ଷତାରେ ବସିଥିବା ଏହି ବୈଠକରେ ଏକାମ୍ର ରେସିଡେନ୍ସି ଆବାସ ପ୍ରକଳ୍ପ ଆବଣ୍ଟନ ନେଇ ଆଲୋଚନା ହୋଇଛି । ଉଚ୍ଚ ଆୟ ବର୍ଗକୁ ଆଖି ଆଗରେ ରଖି ସୁବୁଦ୍ଧିପୁରରେ ଏହି ଆବାସିକ ପ୍ରକଳ୍ପ ତିଆରି ହୋଇଛି । ଏଥିରେ ୩ଟି ଟାୱାର ରହିଛି । ବେସମେଣ୍ଟ ଓ ତଳ ମହଲାକୁ ଛାଡ଼ି ମୋଟ ୧୨ ମହଲା ବିଶିଷ୍ଟ ଟାୱାରରେ ୪୧୬ଟି ୨- ବିଏଚ୍କେ ଓ ୨୮୮ଟି ୩-ବିଏଚ୍କେ ଫ୍ଲାଟ୍ ରହିଛି । ଏବେସୁଦ୍ଧା ଫ୍ଲାଟର ମୂଲ୍ୟ ନିର୍ଦ୍ଧାରିତ ହୋଇନି । ଏହାର ମୂଲ୍ୟ ୫୦ଲକ୍ଷରୁ ନେଇ ୭୦ଲକ୍ଷ ଟଙ୍କା ପର୍ଯ୍ୟନ୍ତ ରହିପାରେ । ପ୍ରକଳ୍ପ ଭିତରେ କମ୍ୟୁନିଟି ହଲ, ୱାକିଂ ଟ୍ରାକ୍ ବା ପାଦଚଲା ରାସ୍ତା, ବାଣିଜ୍ୟିକ ଅଞ୍ଚଳ, ଶିଶୁଙ୍କ ପାଇଁ ଖେଳପଡ଼ିଆ, ଫିଟନେସ୍ ସେଣ୍ଟର, ସବୁଜ ଶକ୍ତିର ଉପଯୋଗ ପାଇଁ ସୌର ପ୍ୟାନେଲ ଜୋନ୍, ଲ୍ୟାଣ୍ଡସ୍କେପିଂ ଓ ପର୍ଯ୍ୟାପ୍ତ ଖୋଲା ସ୍ଥାନ ରଖାଯାଇଛି । ଏକାମ୍ର ରେସିଡେନ୍ସିକୁ ୧୦୦ ଫୁଟ୍ ଚଉଡ଼ାର ଆପ୍ରୋଚ୍ ରୋଡ୍ରେ ଯୋଡ଼ା ଯାଇଛି । ଅଧିକ ସଂଖ୍ୟାରେ ଗାଡ଼ି ପାର୍କିଂ ପାଇଁ ବେସ୍ମେଣ୍ଟରେ ସୁବିଧା ରହିଛି । ତେବେ ଏହି ଘରଗୁଡ଼ିକୁ କେଉଁ ପ୍ରକ୍ରିୟାରେ ଆବଣ୍ଟନ କରାଯିବ ତାହା ନିଷ୍ପତ୍ତି ହୋଇନି । ଏହାକୁ ବିଡ୍ ମାଧ୍ୟମରେ ବା ଲଟେରୀ ମାଧ୍ୟମରେ ବିକ୍ରି କରାଯିବ, ତାହା ଖୁବ୍ଶୀଘ୍ର ଚୂଡ଼ାନ୍ତ ହେବ । ଲଟେରୀ ମାଧ୍ୟମରେ ଏହାକୁ ଆବଣ୍ଟନ କରାଯିବ ବୋଲି ସୂଚନା ମିଳିଛି । ତେବେ ପ୍ରକଳ୍ପରେ ଗୃହ ନିର୍ମାଣ କାମ ସରିଛି ।

ସେହିପରି କର୍ତ୍ତୃପକ୍ଷ ବୈଠକରେ ବିଡିଏର ଅନ୍ୟ ଯୋଜନା ବିଷୟରେ ମଧ୍ୟ ଆଲୋଚନା ହୋଇଥିଲା । ନିଳାଦ୍ରୀ ବିହାରର ଶନି ମନ୍ଦିରରୁ ଶୈଳଶ୍ରୀ ବିହାରର ଡିଏଭି ସ୍କୁଲ ଯାଏ ସିଡିପି ଅନୁସାରେ ରାସ୍ତା ନିର୍ମାଣ, ଗୁରୁ କେଳୁଚରଣ ପାର୍କ ଛକରୁ ପଟିଆ ରେଳ ଷ୍ଟେସନ ଯାଏ ୪୫ ମିଟର ଚଉଡା ସିଡିପି ରାସ୍ତା, ନୂଆଗାଁକାଟେଣୀ ରାସ୍ତାକୁ ଟିପି-୮ ଦେଇ ଯାଉଥିବା ରାସ୍ତା ସହ ଯୋଡ଼ିବାକୁ ଆଲୋଚନା ହୋଇଛି । ଏହି ବୈଠକରେ ବିଏମସି ମେୟର ସୁଲୋଚନା ଦାସ, ଜଟଣୀ ପୌର ପରିଷଦ ଅଧ୍ୟକ୍ଷ ଅନନ୍ତ ବେହେରା, ଖୋର୍ଦ୍ଧା ପୌର ପରିଷଦ ଅଧ୍ୟକ୍ଷ ଲକ୍ଷ୍ମୀ ମହାନ୍ତି, ନଗର ଉନ୍ନୟନ ବିଭାଗ ମନ୍ତ୍ରୀ ଓ ବିଭାଗର ପ୍ରମୁଖ ଶାସନ ସଚିବ ଉଷା ପାଢୀ, କେନ୍ଦ୍ରୀୟ ରାଜସ୍ୱ ଆୟୁକ୍ତ ଗୁହା ପୁନମ ତାପସ କୁମାର, ବିଡିଏ ଉପାଧ୍ୟକ୍ଷ ଚଞ୍ଚଳ ରାଣା, ବିଡିଏ ସଚିବ ମାନସ ରଞ୍ଜନ ପାଢୀଙ୍କ ସମେତ ବହୁ ଅଧିକାରୀ ଉପସ୍ଥିତ ଥିଲେ ।