ନୂଆଦିଲ୍ଲୀ : ଏକ ଗୁରୁତ୍ତ୍ୱପୂର୍ଣ୍ଣ ଖବର ସାମ୍ନାକୁ ଆସିଛି। ଯାହାକୁ ଜାଣିଲେ ଆପଣ ଆଶ୍ଚର୍ଯ୍ୟ ହୋଇ ଯିବେ। ଆଉ ଦୈନିକ ଜୀବନରେ ବ୍ୟବହାର କରୁଥିବା ଖାଦ୍ୟ ପଦାର୍ଥକୁ ନେଇ ବିଶ୍ୱାସ ଅବିଶ୍ୱାସ ଭିତରେ ଛନ୍ଦି ହେବେ। କାହିଁକି ନା ଏକ ମାରାତ୍ମକ ଅକ୍ସିଟୋସିନ ନାମକ ଇଞ୍ଜେକ୍ସନର ବହୁଳ ବ୍ୟବହାର ହେଉଛି। ଗର୍ଭବତୀ ମହିଳା, ପ୍ରାଣୀଙ୍କ ଠାରେ କ୍ଷୀର ବୃଦ୍ଧି କରିବା ଓ ପନିପରିବା–ଫଳ ଗୁଡ଼ିକୁ ଶୀଘ୍ର ବୃଦ୍ଧି କରିବାରେ ବ୍ୟବହୃତ ହେଉଥିବା ମାରାତ୍ମକ ଅକ୍ସିଟୋସିନ୍ ଇଜେକ୍ସନର,ବହୁ ସାମଗ୍ରୀ ଜବତ ହୋଇଛି। ଖାଦ୍ୟ ଏବଂ ଔଷଧି ପ୍ରଶାସନ (ଏଫଏସଡିଏ) ଏସଟିଏଫ୍ ଓ ପୁଲିସ୍ ବିହାରରୁ ନେଇ ଲକ୍ଷ୍ନୌରେ ବିକ୍ରି କରାଯାଉ ଥିବା ବିପଜ୍ଜନକ ଇଞ୍ଜେକ୍ସନର ଗ୍ୟାଙ୍ଗ୍ର ପର୍ଦ୍ଦାଫାସ୍ କରିଛି। ଚାରି ଜଣ ଚୋରାଚାଲାଣକାରୀଙ୍କୁ ଗିରଫ କରାଯାଇଛି। ବର୍ତ୍ତମାନ ଏସଟିଏଫ୍ ବିହାରରୁ ଅବୈଧ ଇଞ୍ଜେକ୍ସନ ସପ୍ଲାଇ କରୁଥିବା ନେଟୱର୍କର ସୂଚନା ସଂଗ୍ରହ କରୁଛି। ତିନି ଜଣ ସନ୍ଦିଗ୍ଧ ଅକ୍ସିଟୋସିନ ଇଞ୍ଜେକ୍ସନ ଓ ର’ ମେଟେରିଆଲର ସାମ୍ପଲ ଯାଞ୍ଚ ପାଇଁ ସଂଗ୍ରହ କରାଯାଇଛି।
ପାରାସ୍ଥିତି ଗ୍ରାମ ମୁଜଫର ଖେଡାର ଏକ ଘରେ ଅବୈଧ ଅକ୍ସିଟୋସିନ ଇଞ୍ଜେକ୍ସନର ଅବୈଧ ବ୍ୟବସାୟର ସୂଚନା ମିଳିଛି। ଏଫଏସଡିଏ , ଏସଟିଏଫ୍ ସ୍ଥାନୀୟ ପୁଲିସ ସହ ଶନିବାର ଚଢାଉ କରି ଥିଲା। ଏଠାରେ ଅକ୍ସିଟୋସିନର ପ୍ୟାକିଂ କରାଯାଉ ଥିଲା । ଏଫଏସଡିଏରେ ସହାୟକ କମିଶନର ବ୍ରଜେଶ କୁମାର କହିଛନ୍ତି ଯେ, ପାଖାପାଖି ଏକ କୋଟି ଆଠ ଲକ୍ଷ ଟଙ୍କାର ବହୁ ପରିମାଣରେ ପ୍ରତିବନ୍ଧିତ ଅକ୍ସିଟୋସିନ ଇଞ୍ଜେକ୍ସନ ଜବତ କରାଯାଇଛି। ଅକ୍ସିଟୋସିନର ନିର୍ମାଣରେ ବ୍ୟବହୃତ ହେବାକୁ ଥିବା ସାମଗ୍ରୀ, କଞ୍ଚା ମାଲ୍ ଓ ପ୍ୟାକିଂ ମେଟେରିଆଲ ମଧ୍ୟ ଉଦ୍ଧାର କରାଯାଇଛି।
ବିହାରରୁ ଅକ୍ସିଟୋସିନ ଇଞ୍ଜେକ୍ସନ ଅନେକ ଲଗଜୁରୀ ଗାଡ଼ିରେ ଅଣାଯାଉ ଥିଲା। ଗିରଫ ଚୋରମାନେ ପୁଲିସକୁ କହିଛନ୍ତି ଯେ, ଅକ୍ସିଟୋସିନ ଇଞ୍ଜେକ୍ସନ ଥିବା ପାର୍ସଲରେ ମିନେରାଲ ୱାଟର ଲେଖା ଯାଉ ଥିଲା। ମିନେରାଲ ୱାଟରର ନାମରେ ହିଁ ବିହାରରୁ ମାରାତ୍ମକ ଅକ୍ସିଟୋସିନ ଇଞ୍ଜେକ୍ସନର ୟୁପିରେ ସପ୍ଲାଇ ହେଉଥିଲା। ଏହି ସବୁ ଇଜେକ୍ସନର ଅଧିକ କ୍ଷୀର ଓ ଅଧିକ ବୃଦ୍ଧି କରାଇବାକୁ ପରିବା-ଫଳ ପାଇଁ ବ୍ୟବହାର କରାଯାଉ ଥିଲା। ଏହିପରି ଲୋକଙ୍କ ସ୍ୱାସ୍ଥ୍ୟ ସହ ଖେଳା ଯାଉଥିଲା।
ମିଡ଼ିଆ ରିପୋର୍ଟ ଅନୁସାରେ, ଅକ୍ସିଟୋସିନ୍ ଇଞ୍ଜେକ୍ସନ ଉପରେ ସରକାର ୨୦୦୧ରୁ ଦୃଢ ପ୍ରତିବନ୍ଧକ ଲଗାଇ ଥିଲେ। ନିୟମାନୁସାରେ , ଏହାର ବିକ୍ରି କେବଳ ବ୍ଲିଷ୍ଟର ପ୍ୟାକ୍ରେ ହିଁ ହୋଇ ପାରିବ। ଏହା ସତ୍ତ୍ୱେ ନିୟମ ଗୁଡ଼ିକୁ ଉଲ୍ଲଂଘନ କରି ଏହି ଗ୍ୟାଙ୍ଗ୍ ଏହାକୁ ଖୋଲାଖୋଲି ଭାବେ ବୋତଲରେ ପ୍ୟାକ୍ କରି ଅବୈଧ ରୂପେ ବିକ୍ରି କରୁଥିଲେ। ଧରାପଡ଼ିଥିବା ଗ୍ୟାଙ୍ଗ୍ର ସଦସ୍ୟଙ୍କ ବିରୋଧରେ ଥାନାରେ କେସ୍ ରୁଜୁ କରାଯାଇଛି। ଧରା ପଡ଼ିଥିବା ସାମ୍ପଲ ଯାଞ୍ଚ ପାଇଁ ଲ୍ୟାବ୍କୁ ପଠାଯାଇଛି।
