ହାଇଦ୍ରାବାଦ: ହାଇଦ୍ରାବାଦରେ ଏସଆରଏଚ୍ ଧରାଶାୟୀ । ପଞ୍ଜାବ କିଙ୍ଗସ ସାମ୍ନାରେ ମାଟି କାମୁଡ଼ିଲେ ହାଇଦ୍ରାବାଦ ବୋଲର । ମ୍ୟାଚ୍ ଆରମ୍ଭରୁ ପ୍ୟାଟ୍ କମିନ୍ସ ବାହିନୀ ଉପରେ ପ୍ରହାର କରିଥିଲେ ପଞ୍ଜାବ କିଙ୍ଗସର ବ୍ୟାଟର । ପ୍ରଥମେ ପ୍ରିୟାଂଶୁ ଆର୍ୟା ଓ ପ୍ରଭଶିମରନ୍ ଦମଦାର୍ ଇନିଂସ ଖେଳି ପାଓ୍ବାର ପ୍ଲେରେ ମୂଳଦୂଆ ଦେଇଥିଲେ । ଏହାପରେ କ୍ୟାପଟେନ୍ ନକ୍ ଖେଳିଥିଲେ ଅଧିନାୟକ ଶ୍ରେୟସ୍ ଆୟାର । ସେ ମାତ୍ର ୩୬ଟି ବଲ୍ରେ ୮୨ରନ୍ର ବିସ୍ଫୋରକ ପାଳି, ସନ୍ ରାଇଜର୍ସ ହାଇଦ୍ରାବାଦକୁ ବ୍ୟାକଫୁଟକୁ ଠେଲି ଦେଇଥିଲେ । ଆଉ ଶେଷ ଓଭରରେ ମାର୍କସ ଷ୍ଟୋନିସ୍ ୨୭ ରନ୍ ଯୋଡ଼ି ୨୪୫ ରନ୍ର ବିଶାଳ ସ୍କୋର ଛିଡ଼ା କରିଛନ୍ତି । ଫଳରେ ଏସଆରଏଚ୍ ସାମ୍ନାରେ ୨୪୬ ରନ୍ ଲକ୍ଷ୍ୟ ରହିଛି ।
ଆଇପିଏଲର ୨୭ ତମ ମୁକାବିଲା ସନ୍ ରାଇଜର୍ସ ହାଇଦ୍ରାବାଦ ଓ ପଞ୍ଜାବ କିଙ୍ଗସ୍ ମଧ୍ୟରେ ଖେଳାଯାଉଛି । ହାଇଦ୍ରାବାଦର ରାଜୀବ ଗାନ୍ଧି ଇଣ୍ଟରନ୍ୟାଶନାଲ୍ ଷ୍ଟାଡିୟମରେ ଲଢ଼େଇ ଜାରି ରହିଛି । ପଞ୍ଜାବ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୬ ଓ୍ବିକେଟ୍ ହରାଇ ୨୪୫ ରନ୍ କରିଛି । ଆଇପିଏଲ୍ ୨୦୨୫ ଏହା ଦ୍ବିତୀୟ ସର୍ବାଧିକ ସ୍କୋର । ପଞ୍ଜାବ ପକ୍ଷରୁ ଶ୍ରେୟାସ ଆୟର ସର୍ବାଧିକ ୮୨ ରନ କରିଥିବା ବେଳେ ଏସଆରଏଚ ପକ୍ଷରୁ ହର୍ଷଲ ପଟେଲ୍ ୪ଟି ଓ୍ବିକେଟ୍ ନେଇଛନ୍ତି ।
