ବିଦାୟ ବର୍ଷ ୨୦୨୫, ସ୍ୱାଗତମ୍ ୨୦୨୫: ଇଂରାଜୀ ନବବର୍ଷକୁ ଉଲ୍ଲାସର ସହ ସେଲିବ୍ରେସନ

ଭୁବନେଶ୍ୱର ୦୧/୦୧: ବିଦାୟ ନେଇଛି ବର୍ଷ ୨୦୨୫ । ପାଦ ଦେଇଛି ୨୦୨୬ । ସାରା ବିଶ୍ୱ ଏବେ ୨୦୨୬ ନୂତନ ବର୍ଷକୁ ଅତି ଉତ୍ସାହର ସହ ସ୍ୱାଗତ କରିଛି । ଭାରତରେ ମଧ୍ୟ ନୂଆ ବର୍ଷକୁ ନେଇ ପ୍ରବଳ ଉନ୍ମାଦନା ଦେଖିବାକୁ ମିଳିଛି । ପଲ୍ଲୀରୁ ଦିଲ୍ଲୀ ସବୁଠି ସେଲିବ୍ରେସନ । ଡିସେମ୍ବର ୩୧ ତାରିଖ ମଧ୍ୟରାତ୍ରିରେ ଘଣ୍ଟାର କଣ୍ଟା ୧୨ଟା ଛୁଇଁବା ମାତ୍ରେ ସାରା ଦେଶ ଆଲୋକମାଳା ଓ ଆତସବାଜିରେ ଝଲସି ଉଠିଥିଲା ।

ଦିଲ୍ଲୀ, ମୁମ୍ବାଇ ଭଳି ମେଟ୍ରୋ ସହର ଠାରୁ ଆରମ୍ଭ କରି ପର୍ଯ୍ୟଟନ ସ୍ଥଳୀ ଗୋଆ ଓ ଓଡ଼ିଶାର କୋଣ ଅନୁକୋଣରେ ଉତ୍ସବର ମାହୋଲ ଦେଖିବାକୁ ମିଳିଛି।ଦେଶର ରାଜଧାନୀ ଦିଲ୍ଲୀରେ ପ୍ରବଳ ଶୀତ ସତ୍ତ୍ୱେ ଲୋକଙ୍କ ଉତ୍ସାହରେ କୌଣସି କମି ନଥିଲା। କନ୍ନଟ ପ୍ଲେସ୍, ଇଣ୍ଡିଆ ଗେଟ୍ ଏବଂ ହାଉଜ୍ ଖାସ୍ ଭଳି ସ୍ଥାନରେ ହଜାର ହଜାର ଲୋକ ଏକାଠି ହୋଇ ନୂଆ ବର୍ଷକୁ ସ୍ୱାଗତ କରିଥିଲେ।