ରୋହିତଙ୍କ ହାତ ଧରି ଟାଣିଦେଲେ ଫ୍ୟାନ୍ସ, ରାଗିଗଲେ ହିଟମ୍ୟାନ୍, ତାପରେ...

ମୁମ୍ବାଇ, ୦୫/୦୧ : ହିଟମ୍ୟାନଙ୍କୁ ଦୁର୍ବ୍ୟବହାର । କାରରେ ଯାଉଥିବା ବେଳେ ହାତକୁ ଟାଣିଦେଲେ ଯୁବ ଫ୍ୟାନ୍ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଭିଡିଓ ଆସିବା ପରେ ନେଟିଜେନ୍ସ ଏହାକୁ ନେଇ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି ।

ରିପୋର୍ଟ ଅନୁସାରେ, ଭାରତୀୟ ଦଳର ବିସ୍ଫୋରକ ବ୍ୟାଟର ରୋହିତ ଶର୍ମାଙ୍କ ଏକ ଭିଡିଓ ଭାଇରାଲ ହେଉଛି । ଏଥିରେ ଦୁଇ ଜଣ ଯୁବ ଫ୍ୟାନ୍ସ ତାଙ୍କ ସହ ହାତ ମିଳାଇବାକୁ ଚେଷ୍ଟା କରୁଛନ୍ତି । ରୋହିତ ସେମାନଙ୍କୁ ହାତ ହଲାଇ ଅଭିବାଦନ ଜଣାଉଛନ୍ତି । କିନ୍ତୁ ଏହି ସମୟରେ ସେମାନେ ପ୍ରଥମେ ରୋହିତଙ୍କୁ ହ୍ୟାଣ୍ଡସେକ୍ କରୁଛନ୍ତି । ପରେ ହାତକୁ ଛାଡୁ ନାହାଁନ୍ତି । ଏପରିକି ସେ ହିଟମ୍ୟାନଙ୍କ ହାତକୁ ଟାଣି ଦେଉଥିବା ଭିଡିଓରେ ନଜର ଆସିଛି । ଯାହା ପରେ ରୋହିତ ଖୁସି ନଥିବା ଦେଖିବାକୁ ମିଳିଛି । ଏପରିକି ଏପରି ନକରିବାକୁ ରୋହିତ କହିବା ସହ କାର୍ ର କାଚକୁ ବନ୍ଦ କରିଦେଉଛନ୍ତି ।

ନିକଟରେ ବିଜୟ ହଜାରେ ଟ୍ରଫିରେ ହିଟମ୍ୟାନ୍ ନଜର ଆସିଥିଲେ । ମୁମ୍ବାଇ ପାଇଁ ଖେଳି ,ସେ ସିକିମ୍ ବିରୋଧରେ ୧୫୫ ରନର ପାଳି ଖେଳିଥିଲେ । କିନ୍ତୁ ଉତ୍ତରାଖଣ୍ଡ ବିରୋଧରେ ସେ ବିନା କୌଣସି ରନରେ ପ୍ୟାଭିଲିୟନ ଫେରିଥିଲେ ।

ଆଗାମୀ ଦିନରେ ସେ ନ୍ୟୁଜିଲାଣ୍ଡ ବିପକ୍ଷ ଦିନିକିଆରେ ନଜର ଆସିବେ । ଯାହା ଜାନୁଆରୀ ୧୧ରୁ ଖେଳାଯିବ । ଗତବର୍ଷ ଭଳି ଚଳିତବର୍ଷ ମଧ୍ୟ ରୋହିତ ନିଜର ଦମଦାର୍ ଫର୍ମ୍ ଜାରି ରଖିବେ ବୋଲି ଫ୍ୟାନ୍ସ ଆଶା କରୁଛନ୍ତି ।