ନଭେମ୍ବର ୩୦ ତାରିଖ, ରବିବାର ; ଜାଣନ୍ତୁ କେଉଁ ରାଶି ପାଇଁ କେମିତି ରହିବ ଆଜିର ଦିନ

ମେଷ- ଆପଣଙ୍କ ପାଇଁ ଦିନଟି ଅଶୁଭ ଫଳଦାୟୀ ହେବ। ଅର୍ଥନୈତିକ କ୍ଷେତ୍ରରେ ଅର୍ଥ ହାନିର ଆଶଙ୍କା ରହିଛି, ତେଣୁ ଖର୍ଚ୍ଚ ଉପରେ ନିୟନ୍ତ୍ରଣ ରଖନ୍ତୁ। କୌଣସି ବିଷୟକୁ ନେଇ କଳହ ଯୋଗ ବଢ଼ିପାରେ, ତେଣୁ ମଉନ ରହିବା ଉଚିତ୍। କର୍ମ କ୍ଷେତ୍ରରେ କୌଣସି ସ୍ଥିର କାର୍ଯ୍ୟରେ ଅଚାନକ ବାଧା ସୃଷ୍ଟି ହୋଇପାରେ |

ବୃଷ- ଦିନଟି ଆପଣଙ୍କ ପାଇଁ ଅତ୍ୟନ୍ତ ଶୁଭ ଏବଂ ମଙ୍ଗଳମୟ ରହିବ। ଦୁଶ୍ଚିନ୍ତାମୁକ୍ତି ମିଳିବାରୁ ଆପଣ ମାନସିକ ଶାନ୍ତି ଅନୁଭବ କରିବେ ଏବଂ ଉତ୍ସାହର ସହ କାର୍ଯ୍ୟ କରିବେ। ଆପଣଙ୍କର ସମସ୍ତ ଅଟକି ରହିଥିବା କାର୍ଯ୍ୟ ସିଦ୍ଧି ହେବ ଏବଂ ଅର୍ଥ ଲାଭର ଯୋଗ ରହିଛି। ପରିବାର ଓ ବନ୍ଧୁବର୍ଗଙ୍କ ସହଯୋଗ ମିଳିବ।

ମିଥୁନ- ଆପଣଙ୍କ ପାଇଁ ରବିବାର ଦିନଟି ସକାରାତ୍ମକ ପରିଣାମ ଆଣିଦେବ। କର୍ମ କ୍ଷେତ୍ରରେ ନୂଆ ସୁଯୋଗ ମିଳିବାର ସମ୍ଭାବନା ଅଛି, ଯାହା ଭବିଷ୍ୟତରେ ଲାଭଦାୟକ ହେବ। ବ୍ୟବସାୟରେ ଉନ୍ନତି ହେବ ଏବଂ ଲାଭ ମିଳିବ। କୌଣସି ଜରୁରୀ କାର୍ଯ୍ୟରେ ବନ୍ଧୁଙ୍କ ସହଯୋଗ ମିଳିବ। ମାନସିକ ସ୍ତରରେ ଶାନ୍ତି ରହିବ।

କର୍କଟ- ଦିନଟି ଆପଣଙ୍କର ଆର୍ଥିକ ଅଭିବୃଦ୍ଧି ପାଇଁ ଅତ୍ୟନ୍ତ ଶୁଭ ଅଟେ। ଧନ ଲାଭ ହେବାର ପ୍ରବଳ ଯୋଗ ରହିଛି ଏବଂ ନୂତନ ଆୟର ପଥ ଖୋଲିବ। ପୂର୍ବରୁ ଆରମ୍ଭ କରାଯାଇଥିବା କାର୍ଯ୍ୟରେ ସଫଳତା ମିଳିବ। ବ୍ୟବସାୟରେ କୌଣସି ଗୁରୁତ୍ୱପୂର୍ଣ୍ଣ ନୂଆ ଚୁକ୍ତି କରିବାର ସୁଯୋଗ ମିଳିପାରେ। ସମ୍ପର୍କରେ ମଧୁରତା ବଜାୟ ରହିବ।

ସିଂହ- ଆପଣଙ୍କ ପାଇଁ ଦିନଟି ଅଶୁଭ ଫଳଦାୟୀ ହେବ। କର୍ମ କ୍ଷେତ୍ରରେ ଅଧିକ କଠିନ ପରିଶ୍ରମ କରିବା ସତ୍ତ୍ୱେ କାର୍ଯ୍ୟରେ ବାଧା ଉପୁଜିବ। ଆପଣଙ୍କୁ ନିଜର କ୍ରୋଧ ନିୟନ୍ତ୍ରଣରେ ରଖିବାକୁ ପଡିବ, ନଚେତ୍ ସମସ୍ୟା ବଢ଼ିପାରେ। ଯେକୌଣସି ନିଷ୍ପତ୍ତି ନେବାରେ ସ୍ଥିର ରହିବାକୁ ଚେଷ୍ଟା କରନ୍ତୁ। ପରିବାର ସହ ସମୟ କାଟିବା ଦ୍ୱାରା ମାନସିକ ଶାନ୍ତି ମିଳିବ।

କନ୍ୟା- ଆପଣଙ୍କୁ ଭାଗ୍ୟର ସହଯୋଗ ମିଳିବାରୁ ସବୁ କାର୍ଯ୍ୟ ସୁରୁଖୁରୁରେ ସମ୍ପନ୍ନ ହେବ। ଧର୍ମ କାର୍ଯ୍ୟରେ ଲାଭ ମିଳିବ ଏବଂ ଆପଣ ଆଧ୍ୟାତ୍ମିକ ଦିଗରେ ଅଗ୍ରସର ହେବେ। ମନରେ ମାନସିକ ଶାନ୍ତି ରହିବ ଏବଂ ସମସ୍ତ ଚିନ୍ତା ଦୂର ହେବ। ଉଚ୍ଚ ଶିକ୍ଷା ପାଇଁ ଦିନଟି ଉତ୍ତମ ଅଟେ।

ତୁଳା- ଆପଣଙ୍କ ପାଇଁ ଦିନଟି ଶୁଭ ଫଳଦାୟୀ ରହିବ। ଆପଣଙ୍କୁ ମାନସିକ ଶାନ୍ତି ମିଳିବ ଏବଂ ପୂର୍ବରୁ ଥିବା ଚିନ୍ତା ଦୂର ହେବ। ଆପଣ କୌଣସି ବଡ଼ ବିପଦରୁ ରକ୍ଷା ପାଇବେ ଏବଂ ଦୁର୍ଘଟଣାରୁ ମୁକ୍ତି ମିଳିବାର ଯୋଗ ରହିଛି। ଉତ୍ତମ ସ୍ୱାସ୍ଥ୍ୟ ଅନୁଭବ କରିବେ।

ବିଛା- ଜୀବନସାଥୀଙ୍କ ସହ ସମ୍ପର୍କରେ ମଧୁରତା ବଢ଼ିବ ଏବଂ ଦାମ୍ପତ୍ୟ ସୁଖ ପ୍ରାପ୍ତ ହେବ। ବ୍ୟବସାୟରେ ଲାଭ ମିଳିବାର ଯୋଗ ରହିଛି ଏବଂ ବ୍ୟବସାୟିକ ଅଗ୍ରଗତି ହେବ। ଆପଣଙ୍କର ଚିନ୍ତାଧାରା ସ୍ଥିର ରହିବ ଏବଂ ନିର୍ଣ୍ଣୟ ନେବାରେ କୌଣସି ଅସୁବିଧା ହେବ ନାହିଁ। କର୍ମ କ୍ଷେତ୍ରରେ ବିକାଶ ହେବ।

ଧନୁ- ଦିନଟି ଧନୁ ରାଶି ପାଇଁ ଅଶୁଭ ଫଳଦାୟୀ ହେବ। ସ୍ୱାସ୍ଥ୍ୟଗତ ସମସ୍ୟା ଯୋଗୁଁ ଆପଣ ରୋଗାକ୍ରାନ୍ତ ହୋଇପାରନ୍ତି, ତେଣୁ ସତର୍କ ରୁହନ୍ତୁ। କୌଣସି ଅଜଣା ବ୍ୟକ୍ତିଙ୍କ ଠାରୁ ଶତ୍ରୁ ଭୟ କିମ୍ବା କ୍ଷତିର ଆଶଙ୍କା ରହିଛି। ଆପଣଙ୍କର ପରିଶ୍ରମ ଅନ୍ୟମାନଙ୍କ ଦ୍ୱାରା ପରିହାସର କାରଣ ହୋଇପାରେ। କର୍ମ କ୍ଷେତ୍ରରେ କୌଣସି ବାଧା ଉପୁଜିପାରେ।

ମକର- ଆପଣଙ୍କୁ ସନ୍ତାନ ସୁଖ ପ୍ରାପ୍ତ ହେବାର ଯୋଗ ରହିଛି। ଛାତ୍ରଛାତ୍ରୀମାନେ ଶିକ୍ଷା କ୍ଷେତ୍ରରେ ସଫଳତା ପାଇବେ ଏବଂ ବିଦ୍ୟା ଲାଭ ହେବ। ଆପଣ କୌଣସି ଗୁରୁତ୍ୱପୂର୍ଣ୍ଣ ନୂଆ ନିଷ୍ପତ୍ତି ନେବାରେ ସଫଳ ହେବେ। ଆର୍ଥିକ ଦିଗ ସାଧାରଣ ରହିବ।

କୁମ୍ଭ- ଆପଣଙ୍କ ପାଇଁ ଆଜି ଦିନଟି ଶୁଭ ଫଳଦାୟୀ ରହିବ। ଆପଣଙ୍କୁ ସୁଖ ପ୍ରାପ୍ତି ହେବାର ଯୋଗ ରହିଛି ଏବଂ ପାରିବାରିକ ଜୀବନ ଶାନ୍ତ ରହିବ। ସମ୍ପତ୍ତି କିମ୍ବା ଯାନବାହାନ କ୍ଷେତ୍ରରେ ଲାଭ ମିଳିବାର ସମ୍ଭାବନା ଅଛି। ଆପଣଙ୍କର କର୍ମ କ୍ଷେତ୍ରରେ ସଫଳତା ମିଳିବ।

ମୀନ- ଆପଣଙ୍କର ପରାକ୍ରମ ଓ ସାହସ ବୃଦ୍ଧି ପାଇବ ଏବଂ ଆପଣ ସମସ୍ତ କାର୍ଯ୍ୟକୁ ଉତ୍ସାହର ସହ ସମ୍ପାଦନ କରିବେ। ବନ୍ଧୁଙ୍କ ସହ ଭେଟ ହେବାର ଯୋଗ ରହିଛି। ଆର୍ଥିକ ସ୍ଥିତି ସ୍ଥିର ରହିବ ଏବଂ କୌଣସି ବଡ଼ କ୍ଷତି ହେବ ନାହିଁ। ଛୋଟ ଦୂରତା ଯାତ୍ରା ଲାଭଦାୟକ ହେବ।

ଜ୍ୟୋତିର୍ବିଦ ଶ୍ରୀ ସିଦ୍ଧାର୍ଥ ଶେଖର ନାୟକ

ଯୋଗାଯୋଗ - 8249826682