ଭୁବନେଶ୍ୱର ୨୫/୦୮: ଶସ୍ତାରେ ହେଲିକପ୍ଟରରେ ବୁଲିବା ପାଇଁ ରାଜ୍ୟ ସରକାର ଆରମ୍ଭ କରିବାକୁ ଯାଇଛନ୍ତି ହେଲିଟ୍ୟାକ୍ସି ଯୋଜନା । ପରିବହନ ମନ୍ତ୍ରୀ ବିଭୁତି ଭୂଷଣ ଜେନା କହିଛନ୍ତି, ହେଲିଟାକ୍ସି ଯୋଗେ ସାଧାରଣ ଲୋକ କମ ଖର୍ଚ୍ଚରେ ହେଲିକପ୍ଟରରେ ଉଡ଼ିପାରିବେ । ଏନେଇ କେନ୍ଦ୍ରକୁ ପ୍ରସ୍ତାବ ଦିଆଯାଇଛି ।
ଭୁବନେଶ୍ୱରରୁ ଯାଇ ପୁରୀ, କୋଣାର୍କ, ଚିଲିକା, ତାରାତାରିଣୀ ଏବଂ ଗୋପାଳପୁର ଯାଇପାରିବେ ସାଧାରଣ ଲୋକ । ଏଥିପାଇଁ ପୁରୀରେ ଏୟାରପୋର୍ଟ ଲାଗି ରାଜ୍ୟ ସରକାର ଜମି ଯୋଗାଇଦେଇଛନ୍ତି । ପରିବେଶ ମଞ୍ଜୁରୀ ମଧ୍ୟ ମିଳିଛି । କେନ୍ଦ୍ର ମନ୍ତ୍ରୀଙ୍କ ଦୟା ହେଲେ ଖୁବଶୀଘ୍ର କାମ ଆରମ୍ଭ ହେବ ବୋଲି ପରିବହନ ମନ୍ତ୍ରୀ କହିଛନ୍ତି । ବାହୁଦାରେ ଗ୍ରୀନ ଏୟାରପୋର୍ଟ କରିବା ପାଇଁ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀଙ୍କୁ ରାଜ୍ୟ ପରିବହନ ମନ୍ତ୍ରୀ ବିଭୁତି ଭୂଷଣଙ୍କ ନିବେଦନ କରାଯାଇଛି ।
ଏଠାରେ ଏୟାରପୋର୍ଟ କରାଗଲେ ଆନ୍ଧ୍ର ଓଡିଶା ମଧ୍ୟରେ ଯୋଗାଯୋଗ ସୁଗମ ହେବ । ଆହୁରି ବି ଝାରସୁଗୁଡା, ରାଉରକେଲା ଏୟାରଲାଇନ ବନ୍ଦ ହେବା ନେଇ ମନ୍ତ୍ରୀ ବିଭୁତି ଜେନାଙ୍କ ଉଦବେଗ ପ୍ରକାଶ କରିଛନ୍ତି । ଖବର ନ ଦେଇ ବନ୍ଦ କରିବାରୁ ଆମେ ଅସୁବିଧାର ସମ୍ମୁଖୀନ ହେଲୁ । ଏହାକୁ ଶୀଘ୍ର ଚାଲୁ କରିବା ପାଇଁ କେନ୍ଦ୍ର ମନ୍ତ୍ରୀଙ୍କ ନିବେଦନ କରିଛନ୍ତି ।
