ନୂଆଦିଲ୍ଲୀ: ଅଷ୍ଟ୍ରେଲିଆର ସିଡନୀରେ ଗଡ଼ିଲା ମୁଣ୍ଡ । ଛୁରୀ ଓ ବନ୍ଧୁକ ମୁନରେ ଆତଙ୍କ । ଅଜ୍ଞାତ ଆତତାୟୀର ଆକ୍ରମଣରେ ପ୍ରାଣ ହରାଇଲେ ୪ଜଣ । ସେହିପରି ଅନେକ ଲୋକ ଆହତ ହୋଇଛନ୍ତି । ପୋଲିସ ଓ ଉଦ୍ଧାକାରୀ ଦଳ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହିତ ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରିଛନ୍ତି ।
ଶନିବାର ଅଷ୍ଟ୍ରେଲିଆର ସିଡନୀ ସହରରେ ଏଭଳି କାଣ୍ଡ ଘଟିଛି । ଓ୍ବେଷ୍ଟଫିଲ୍ଡ ବଣ୍ଡି ଜଙ୍କସନରେ ସପିଂ ସେଣ୍ଟରରେ ଅଜ୍ଞାତ ଆତତାୟୀ ଏହି ଘଟଣା ଭିଆଇଛନ୍ତି । ଅଷ୍ଟ୍ରେଲିଆ ଓ୍ବେବସାଇଟ୍ ନ୍ୟୁଜ୍ ଡଟ୍ କମ୍ ରିପୋର୍ଟ ଏବଂ ପ୍ରତ୍ୟକ୍ଷଦର୍ଶିଙ୍କ କହିବା ଅନୁଯାୟୀ, ଜଣେ ବ୍ୟକ୍ତି ଅତର୍କିତ ଭାବେ ଏକ ଦୋକାନରେ ପଶି ଜଣେ ମହିଳା ଏବଂ ତାଙ୍କ ଛୋଟ ପିଲାଙ୍କୁ ଛୁରୀରେ ଆକ୍ରମଣ କରିଥିଲେ । ଏହାକ ସହିତ ଦୋକାନୀ ମଧ୍ୟ ବାରମ୍ବାର ଚାକୁ ମାରିଥିଲେ ।
ଏହି ହତ୍ୟା ଘଟଣା ପରେ ଓ୍ବେଷ୍ଟଫିଲ୍ଡ ବଣ୍ଡି ଜଙ୍କସନ ସପିଂ ସେଣ୍ଟର ବାହାରେ ଶତାଧିକ ଲୋକ ଠୁଳ ହୋଇଯାଇଥିଲେ । ନ୍ୟୁ ସାଉଥ୍ ଓ୍ବେଲସ୍ ପୋଲିସର ସୂଚନା ମୁତାବକ, ଶନିବାର ସଂଧ୍ୟା ୪ଟାରେ ବିପର୍ଯ୍ୟୟ ପ୍ରଶମନ କେନ୍ଦ୍ରକୁ ଖବର ଦିଆଯାଇଥିଲା । ପୋଲିସ ଏବଂ ଉଦ୍ଧାରକାରୀ ଦଳ ସଙ୍ଗେ ସଙ୍ଗେ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ତେବେ ଏହି ଘଟଣାରେ ପୋଲିସ ପ୍ରତ୍ୟକ୍ଷଦର୍ଶିଙ୍କୁ ପଚରାଚରା କରୁଛି ।
