ଅଣ୍ଡର-୧୯ ବିଶ୍ୱକପ ଫାଇନାଲରେ ଭାରତ, ଆଫଗାନିସ୍ତାନକୁ ୭ ୱିକେଟରେ କଲା ପରାସ୍ତ; ସର୍ବାଧିକ ରନ୍ ପିଛା କରି ରଚିଲେ ଇତିହାସ

ନୂଆଦିଲ୍ଲୀ: ଭାରତ ୧୯ ବର୍ଷରୁ କମ୍ ବିଶ୍ୱକପର ଫାଇନାଲରେ ପହଞ୍ଚିଛି । ବୁଧବାର ଦ୍ୱିତୀୟ ସେମିଫାଇନାଲରେ ଭାରତ ଆଫଗାନିସ୍ତାନକୁ ସାତ ୱିକେଟରେ ପରାସ୍ତ କରିଛି । ହରାରେ ସ୍ପୋର୍ଟ୍ସ କ୍ଲବରେ ୪୧.୧ ଓଭରରେ ୩୧୧ ରନର ଟାର୍ଗେଟକୁ ପିଛା କରି ଭାରତ ଇତିହାସ ସୃଷ୍ଟି କରିଛି । ଏହା ୧୯ ବର୍ଷରୁ କମ୍ ବିଶ୍ୱକପରେ କୌଣସି ଦଳ ଦ୍ୱାରା ପିଛା କରାଯାଇଥିବା ସର୍ବାଧିକ ଟାର୍ଗେଟ୍ । ଆଫଗାନିସ୍ତାନ ନିର୍ଦ୍ଧାରିତ ୫୦ ଓଭରରେ ୪ ୱିକେଟ୍ ହରାଇ ୩୧୦ ରନ୍ କରିଥିଲା ।

ଟାର୍ଗେଟ୍ ପିଛା କରି ବୈଭବ ସୂର୍ଯ୍ୟବଂଶୀ ଭାରତକୁ ଚମତ୍କାର ଆରମ୍ଭ ଦେଇଥିଲେ । ସେ ଆରୋଜ୍ ଜର୍ଜଙ୍କ ସହିତ ପ୍ରଥମ ୱିକେଟ ପାଇଁ ୯୦ ରନ ଯୋଡିଥିଲେ । ସୂର୍ଯ୍ୟବଂଶୀ ୩୩ ବଲରୁ ୯ ଚୌକା ଏବଂ ୪ ଛକା ସହାୟତାରେ ୬୮ ରନ କରିଥିଲେ । ଏହା ପରେ ଜର୍ଜ ଅଧିନାୟକ ଆୟୁଷ ମହାତ୍ରେ (୫୯ ବଲରୁ ୬୨ ରନ) ସହିତ ଦ୍ୱିତୀୟ ୱିକେଟ ପାଇଁ ୧୧୪ ରନର ପାର୍ଟନରସିପ୍ କରିଥିଲେ । ଉମରଜାଇ ୨୭ତମ ଓଭରରେ ଆୟୁଷଙ୍କୁ ଆଉଟ୍ କରିଥିଲେ । ଆରୋଜ୍ ଜର୍ଜ ୧୦୪ ବଲ୍‌ରେ ୧୧୫ ରନ୍ କରି ଇତିହାସ ରଚିଥିଲେ । ୪୦ତମ ଓଭରରେ ୱାହିଦୁଲ୍ଲାହ ଜାଦ୍ରାନଙ୍କ ଦ୍ୱାରା ଜର୍ଜ ଆଉଟ୍ ହୋଇଥିଲେ । ବିହାନ ମାଲହୋତ୍ରା ୪୭ ବଲ୍‌ରେ ୩୮ ରନ୍ କରି ଅପରାଜିତ ରହିଥିଲେ । ଏହି ବିଜୟ ସହ ଭାରତ ଦଶମ ଥର ପାଇଁ ଫାଇନାଲରେ ପ୍ରବେଶ କରିଛି । ଫେବ୍ରୁଆରୀ ୬ରେ ଟାଇଟଲ୍ ମ୍ୟାଚ୍‌ରେ ଇଂଲଣ୍ଡକୁ ଭେଟିବ । ଭାରତ ପାଞ୍ଚ ଥର ଟାଇଟଲ୍ ଜିତିଥିବା ଟୁର୍ଣ୍ଣାମେଣ୍ଟରେ ଏକ ସଫଳ ଦଳ ।

ଆଫଗାନିସ୍ତାନ ଟସ୍ ଜିତି ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା । ନିର୍ଦ୍ଧାରିତ ୫୦ ଓଭରରେ ୪ ୱିକେଟ୍ ହରାଇ ୩୧୦ ରନ୍ କରିଥିଲା । ୧୯ ବର୍ଷରୁ କମ୍ ବିଶ୍ୱକପ୍‌ରେ ଭାରତ ବିପକ୍ଷରେ ପ୍ରଥମ ଥର ପାଇଁ ୩୦୦ରୁ ଅଧିକ ରନ୍ ସଂଗ୍ରହ କରିଥିଲା । ଫୈସଲ ସିନୋଜାଦା ଏବଂ ଉଜୈରୁଲ୍ଲା ନିଆଜାଇ ଶତକ ହାସଲ କରିଥିଲେ । ନିଆଜାଇ ୯୩ ବଲ୍‌ରେ ୧୫ ଚୌକା ମାରି ୧୧୦ ରନ୍ କରିଥିଲେ । ଏହା ଟୁର୍ଣ୍ଣାମେଣ୍ଟର ତାଙ୍କର ଦ୍ୱିତୀୟ ଶତକ ଥିଲା । ଉଜାୟରଉଲ୍ଲା ୮୬ ବଲରୁ ୧୨ ଚୌକା ଏବଂ ଦୁଇଟି ଛକା ସହାୟତାରେ ଅପରାଜିତ ୧୦୧ ରନ୍ କରିଥିଲେ । ସେ ଶେଷ ଓଭରରେ ତାଙ୍କର ଶତକ ପୂରଣ କରିଥିଲେ । ଅବଦୁଲ ଅଜିଜ ୭ ରନ୍ କରି ଅପରାଜିତ ରହିଥିଲେ । ସେ ଶେଷ ଓଭରରେ ତାଙ୍କର ଶତକ ପୂରଣ କରିଥିଲେ । ଅବଦୁଲ ଅଜିଜ ୭ ରନ୍ କରି ଅପରାଜିତ ରହିଥିଲେ ।