ସୋଆ ଯୁବ ସାହିତ୍ୟ ପୁରସ୍କାର ୨୦୨୫ରେ ସମ୍ମାନିତ ହେଲେ ଯୁବ ସାହିତ୍ୟିକ ସୂର୍ଯ୍ୟସ୍ନାତ ତ୍ରିପାଠୀ

ଭୁବନେଶ୍ବର ୩୦।୧୧: ସୋଆ ଯୁବ ସାହିତ୍ୟ ସମ୍ମାନ ୨୦୨୫ରେ ସମ୍ମାନିତ ହେଲେ ଯୁବ ସାହିତ୍ୟକାର ସୂର୍ଯ୍ୟସ୍ନାତ ତ୍ରିପାଠୀ । ପ୍ରଥମ ଥର ପାଇଁ ଯୁବ ସହିତ୍ୟକାରଙ୍କୁ ପ୍ରୋତ୍ସାହିତ କରିବା ପାଇଁ ଯୁବ ସାହିତ୍ୟ ସମ୍ମାନ ପ୍ରଦାନ କରିଛି ସୋଆ । ତୃତୀୟ ସୋଆ ସାହିତ୍ୟ ଉତ୍ସବର ଉଦଯାପନୀ ଉତ୍ସବରେ ସୂର୍ଯ୍ୟସ୍ନାତଙ୍କୁ ଏହି ସମ୍ମାନ ପ୍ରଦାନ କରିଛନ୍ତି ସୋଆ ଉପସଭାପତି ଶାଶ୍ବତୀ ଦାସ । ବୈଷୟିକ ଯୁଗରେ ବହି ପଢାକୁ ଯୁବପୀଢ଼ି ଭୁଲି ଯାଉଥିବା ବେଳେ ସାହିତ୍ୟ ଉତ୍ସବ ଯୁବପୀଢ଼ିଙ୍କ ମଧ୍ୟରେ ବହି ପଢ଼ିବାର ଆଗ୍ରହ ସୃଷ୍ଟି କରିବ । ସୂର୍ଯ୍ୟସ୍ନାତ ତ୍ରିପାଠୀଙ୍କ ପରି ଅନେକ ଯୁବ ସହିତ୍ୟକାର ବାହାରିବାର ଆବଶ୍ୟକତା ରହିଥିବା ସୋଆ ଉପସଭାପତି କହିଛନ୍ତି । ଅନ୍ୟପଟେ ଏହି ସମ୍ମାନ ପାଇ ଖୁସିବ୍ୟକ୍ତ କରିଛନ୍ତି ସୂର୍ଯ୍ୟସ୍ନାତ ତ୍ରିପାଠୀ ।

ଦୁଇ ଦିନ ଧରି ଚାଲୁଥିବା ସୋଆ ସାହିତ୍ୟ ଉତ୍ସବ ଉଦଯାପିତ ହୋଇଛି । ଦ୍ଵିତୀୟ ଦିନରେ ସାହିତ୍ୟ ଭାଷା, ଗଣମାଧ୍ୟମ ଓ ଆଦିବାସୀ ପରମ୍ପରାକୁ ନେଇ ଆଲୋଚନା ହୋଇଛି । ବାୟୋଗ୍ରାଫି ଅଟୋବାୟୋଗ୍ରାଫିକୁ ନେଇ ଆଲୋଚନା ହୋଇଥିବା ବେଳେ ଗଣମାଧ୍ୟମର ଖବରକୁ ନେଇ ମଧ୍ୟ ଏକ ଆଲୋଚନା ଅନୁଷ୍ଠିତ ହୋଇଛି । ଦ୍ଵିତୀୟ ଦିନ ସାହିତ୍ୟ ଉତ୍ସବରେ ୧୮ଟି ସେସନ ଆୟୋଜିତ ହୋଇଥିବା ସୋଆ ପ୍ରାଚୀନ ମୁଖ୍ୟ ଗାୟତ୍ରୀବାଳା ପଣ୍ଡା କହିଛନ୍ତି । ସୋଆ ପକ୍ଷରୁ ସାହିତ୍ୟକୁ ଗୁରୁତ୍ୱ ଦିଆଯାଇ ତୃତୀୟ ଥର ପାଇଁ ଏହି ଉତ୍ସବର ଆୟୋଜନ କରାଯାଇଥିବା ସୋଆ ଉପକୂଳପତି ପ୍ରଶାନ୍ତ କୁମାର ପାତ୍ର କହିଛନ୍ତି ।