ଦେବଗଡ ୩୦।୫: ଗୁରୁବାର ରାଞ୍ଚି-ବିଜୟୱାଡା ରାସ୍ତାର ବାଘବର ନିକଟରେ ସଡକ ଦୁର୍ଘଟଣା । ଦୁର୍ଘଟଣାରେ ପୁଅର ମୃତ୍ୟୁ ହୋଇଥିବା ବେଳେ ବାପା ଆହତ ହୋଇଛନ୍ତି । ମୃତକ ହେଲେ ନିକଟସ୍ଥ ଆମ୍ବଖୋଳ ଗ୍ରାମର ମୁକେଶ ପ୍ରଧାନ ବୋଲି ଜଣାପଡିଛି । 

ସୂଚନାଯୋଗ୍ୟ ଯେ, ମୃତକ ମୁକେଶ ତାଙ୍କ ବାପା ଭାଗ୍ୟରଥୀ ପ୍ରଧାନଙ୍କ ସହ କୌଣସି କାର୍ଯ୍ୟରେ ବାଇକ୍ ଯୋଗେ ବାଘବର ଗ୍ରାମକୁ ଆସି ଘରକୁ ଫେରିବା ସମୟରେ ଏଭଳି ଦୁର୍ଘଟଣା ଘଟିଛି । ଏକ ଟ୍ରକ୍ ଉଭୟଙ୍କୁ ଧକ୍କା ଦେଇଥିଲା । ଗୁରୁତର ଅବସ୍ଥାରେ ଉଭୟଙ୍କୁ ଛେଣ୍ଡିପଦା ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିବା ବେଳେ ରାସ୍ତାରେ ମୁକେଶଙ୍କ ମୃତ୍ୟୁ ଘଟିଥିଲା । ବାପା ଭାଗ୍ୟରଥୀଙ୍କୁ ଛେଣ୍ଡିପଦା ଡାକ୍ତରଖାନାରେ ଚିକିତ୍ସା କରାଯାଇଛି । ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତ୍ୟକ୍ତ ଲୋକ ରାସ୍ତାରୋକ କରିଥିବା ବେଳେ କୁଣ୍ଢେଇଗୋଳା ଥାନା ପୋଲିସ ପହଞ୍ଚି ବୁଝାସୁଝା କରୁଛନ୍ତି । ଲୋକମାନେ ଏହି ରାସ୍ତାରେ ଦିନ ବେଳେ ଭାରିଯାନ ଚଳାଚଳ ବନ୍ଦ କରାଯିବା ସହ ମୃତକଙ୍କ ପରିବାରକୁ କ୍ଷତିପୂରଣ ଯୋଗାଇ ଦେବା ପାଇଁ ଦାବି କରିଛନ୍ତି ।

You Can Read :

ମୌସୁମୀର ଆଗମନ ପର୍ଯ୍ୟନ୍ତ ରାଜ୍ୟରେ ଗ୍ରୀଷ୍ମ ପ୍ରବାହ ଜାରି ରହିବ : ସିଇସି