ୱାଂଶିଟନ : ଭାରତୀୟ ଓ ଅନ୍ୟ ବିଦେଶୀ ଛାତ୍ରଛାତ୍ରୀଙ୍କୁ ଆମେରିକା ଏକ ଦୃଢ ଚେତାବନୀ ଦେଇଛି, ଯେଉଁଥିରେ କୁହାଯାଇଛି, ଯଦି ସେ ନିଜର ଶ୍ରେଣୀ ଛାଡ଼ନ୍ତି ବା ବିନା ସୂଚନାରେ ନିଜର ଷ୍ଟଡି ପ୍ରୋଗ୍ରାମରୁ ହଟି ଯାନ୍ତି, ତ ତାଙ୍କର ଛାତ୍ର ଭିସା ରଦ୍ଦ କରାଯାଇ ପାରେ। ଏହି ଚେତାବନୀ ଆମେରିକୀରେ ଅବୈଧ ପ୍ରବାସୀଙ୍କ ବିରୋଧରେ ଚାଲୁଥିବା ଦୃଢ କାର୍ଯ୍ୟାନୁଷ୍ଠାନ ଓ ସାମୂହିକ ନିର୍ବାସନର ଚିନ୍ତା ଗୁଡ଼ିକ ମଧ୍ୟରେ ଆସିଛି। ଚେତାବନୀରେ କୁହାଯାଇଛି ଯେ, ଯଦି ଏହି ଛାତ୍ରଛାତ୍ରୀ ସୂଚନା ନଦେଇ ନିଜର କୋର୍ସରୁ ଅଲଗା ହୋଇ ଯାନ୍ତି , ତ ତାଙ୍କର ଷ୍ଟୁଡେଣ୍ଟ ଭିସାକୁ ରଦ୍ଦ କରାଯାଇ ପାରେ।
ଭାରତରେ ଆମେରିକୀୟ ଦୂତାବାସ ଏକ ଅଫିସିଆଲି ବୟାନରେ କହିଛି ଯେ, ଯଦି ଆପଣ କୋର୍ସ ଛାଡ଼ନ୍ତି , କ୍ଲାସକୁ ନଯାଆନ୍ତି ବା ନିଜ ପାଠପଢାକୁ ନିଜର ୟୁନିଭର୍ସିଟିକୁ ସୂଚିତ ନ କରି ଛାଡ଼ି ଦିଅନ୍ତି ,ତ ଆପଣଙ୍କର ଷ୍ଟୁଡେଣ୍ଟ ଭିସା ରଦ୍ଦ ହୋଇ ପାରେ। ଏଥିରେ ଆପଣ ଭବିଷ୍ୟତରେ ଆମେରିକାର ଭିସା ପ୍ରାପ୍ତ କରି ପାରିବେ ନାହିଁ। ସର୍ବଦା ନିଜର ଭିସାର ସର୍ତ୍ତବଳୀର ପାଳନ କରନ୍ତୁ ଏବଂ ଯେକୌଣସି ସମସ୍ୟାରୁ ରକ୍ଷା ପାଇବା ପାଇଁ ଛାତ୍ର ସ୍ଥିତି ଜାରି ରଖନ୍ତୁ।
ଏହି ଚେତାବନୀ ଏମିତି ସମୟରେ ଆସିଛି ,ଯେବେ ଆମେରିକାରେ ବିଦେଶୀ ଛାତ୍ରଛାତ୍ରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯାଉଛି। ଅନେକ ଛାତ୍ରଛାତ୍ରୀଙ୍କ ଭିସା ହଠାତ୍ ଓ ପୂର୍ବ ସୂଚନା ବିନା ରଦ୍ଦ କରାଯାଉଛି। ଏଥିରେ କିଛି ମାମଲାରେ ପାଲେଷ୍ଟାଇନ୍ ସମର୍ଥକ ବିରୋଧ ପ୍ରଦର୍ଶନରେ ଭାଗ ନେବା , ଟ୍ରାଫିକ୍ ଉଲ୍ଲଂଘନ , ବା ଭିସା ସର୍ତ୍ତର ଉଲ୍ଲଂଘନ ଭଳି ବିଭିନ୍ନ କାରଣ ସାମ୍ନାକୁ ଆସିଛି। ଟ୍ରମ୍ପ ପ୍ରଶାସନ ବିଦେଶୀ ଛାତ୍ରଛାତ୍ରୀଙ୍କ ବିରୋଧରେ ନିଜର ନୀତି ଗୁଡ଼ିକୁ ଆହୁରି ଦୃଢ କରିଛି। ନିକଟରେ , ହାର୍ଭର୍ଡ ବିଶ୍ୱବିଦ୍ୟାଳୟକୁ ନୂଆ ଅନ୍ତରାଷ୍ଟ୍ରୀୟ ଛାତ୍ରଛାତ୍ରୀଙ୍କୁ ନାମ ଲେଖାଇବାର ଅନୁମତିରେ ବଞ୍ଚିତ କରିଦିଆ ଯାଇ ଥିଲା, ଯିଏକି ପାଖାପାଖି ୭୮୮ ଭାରତୀୟ ଛାତ୍ରଛାତ୍ରୀଙ୍କ ସହ ହଜାର ହଜାର ଛାତ୍ରଛାତ୍ରୀଙ୍କୁ ପ୍ରଭାବିତ କରିଛି।
ଚିନ୍ତାର କଥା ଏହା ଯେ, ଅନେକ ସମୟରେ ଛାତ୍ରଛାତ୍ରୀ କିମ୍ୱା ସେମାନଙ୍କ ବିଶ୍ୱବିଦ୍ୟାଳୟ ଜାଣି ନଥାନ୍ତି ଯେ, ଷ୍ଟୁଡେଣ୍ଟଙ୍କ ସୂଚନା SEVIS ସିଷ୍ଟମରୁ ହଟାଇ ଦିଆ ଯାଇଛି। SEVIS ଏକ ୱେବ୍-ଆଧାରିତ ପ୍ରଣାଳୀ, ଯାହାକୁ ଆମେରିକାର ହୋମଲ୍ୟାଣ୍ଡ ସିକ୍ୟୁରିଟି ବିଭାଗ ଅନ୍ତରାଷ୍ଟ୍ରୀୟ ଷ୍ଟୁଡେଣ୍ଟଙ୍କ ଉପରେ ନଜର ରଖିବା ପାଇଁ ସଞ୍ଚାଳିତ କରିଥାଏ। ଏହି ଚେତାବନୀ ଭାରତୀୟ ଛାତ୍ରଛାତ୍ରୀଙ୍କ ପାଇଁ ବିଶେଷ ଭାବେ ଗୁରୁତ୍ୱପୂର୍ଣ୍ଣ, କାରଣ ଆମେରିକାରେ ୩ ଲକ୍ଷରୁ ଅଧିକ ଭାରତୀୟ ଛାତ୍ରଛାତ୍ରୀ ପାଠ ପଢୁଛନ୍ତି, ଯିଏ ସେଠାର ବିଶ୍ୱବିଦ୍ୟାଳୟ ଗୁଡ଼ିକରେ ଦ୍ୱିତୀୟ ସବୁଠୁ ବଡ଼ ଅନ୍ତରାଷ୍ଟ୍ରୀୟ ଛାତ୍ର ଗୋଷ୍ଠୀ।
ଏହି ମଧ୍ୟରେ, ଭାରତୀୟ ଓ ଅନ୍ୟ ଅନ୍ତରାଷ୍ଟ୍ରୀୟ ଛାତ୍ରଛାତ୍ରୀଙ୍କ ମଧ୍ୟରେ ଏହି କଥାକୁ ନେଇ ମଧ୍ୟ ଗଭୀର ଚିନ୍ତା ରହିଛି ଯେ, ଟ୍ରମ୍ପ ପ୍ରଶାସନ ‘ଅପସନାଲ ପ୍ରାକ୍ଟିକାଲ ଟ୍ରେନିଂ(ଓପିଟି) ’ କାର୍ଯ୍ୟକ୍ରମକୁ ସମାପ୍ତ କରିବା ପାଇଁ ଯୋଜନା କରୁଛନ୍ତି। ଏହି କାର୍ଯ୍ୟକ୍ରମ ଅନ୍ତରାଷ୍ଟ୍ରୀୟ ଛାତ୍ରଛାତ୍ରୀଙ୍କୁ ଆମେରିକାରେ ନିଜର ପାଠପଢା ପୂରା କରିବା ପରେ କାମ କରିବାକୁ ଅନୁମତି ଦେଇଥାଏ। ଆମେରକୀୟ ସାଂସଦମାନ ପୂର୍ବରୁ ହିଁ “ଉଚ୍ଚ କୁଶଳ ଆମେରିକୀୟଙ୍କ ପାଇଁ ନିରପେକ୍ଷତା ଅଧିନିୟମ ୨୦୨୫” ନାମକ ଏକ ବିଧେୟକ ଉପସ୍ଥାପିତ କରିଛନ୍ତି, ଯେଉଁଥିରେ ଓପିଟି କାର୍ଯ୍ୟକ୍ରମକୁ ସମାପ୍ତ କରିବାର ପ୍ରସ୍ତାବ ରହିଛି।
