ମୁମ୍ଵାଇ ୨୪।୦୩; ସଲମାନ ଖାନଙ୍କ ଫିଲ୍ମ ଟାଇଗର୍-୩ ତାଙ୍କ କ୍ୟାରିଅରର ସବୁଠାରୁ ବଡ଼ ଓପନିଂ ଫିଲ୍ମ ସାବ୍ୟସ୍ତ ହୋଇଥିଲା । ଏହି ଆକ୍ସନ୍ ସ୍ପାଏ ଥ୍ରୀଲର୍ ଫିଲ୍ମଟି ୨୦୨୩ରେ ପ୍ରଥମ ଦିନରେ ହିଁ ୪୩ କୋଟିର ବ୍ୟବସାୟ କରିଥିଲା । ଏବେ ଇଦ୍ରେ ରିଲିଜ୍ ହେବାକୁ ଯାଉଛି ସିକନ୍ଦର । ଏହି ଫିଲ୍ମ ମଧ୍ୟ ଭଲ ବ୍ୟବସାୟ କରିପାରେ ବୋଲି ଫିଲ୍ମ କ୍ରିଟିକ୍ସମାନେ ମଧ୍ୟ ଆକଳନ କରୁଛନ୍ତି।
ମାର୍ଚ୍ଚ ୩୦ରେ ମୁକ୍ତିଲାଭ କରିବ ଫିଲ୍ମ ସିକନ୍ଦର। ରିଲିଜ ଦିନ ଇଦ୍, ଗୁଡ଼ି ପାଡ଼ୱା ପଡ଼ୁଛି । ଏଭଳି ପରିସ୍ଥିତିରେ, ଅଧିକାଂଶ ବିଶ୍ଳେଷକ ଏବଂ ପ୍ରଶଂସକ ଆଶା କରୁଛନ୍ତି ଯେ ‘ସିକନ୍ଦର‘ ପ୍ରଥମ ଦିନରେ ୫୦ କୋଟି ଟଙ୍କା ରୋଜଗାର କରିବ। ଯାହା ସଲମାନଙ୍କ କ୍ୟାରିୟରର ସବୁଠାରୁ ବଡ଼ ଓପନିଂ ଫିଲ୍ମ ଭାବରେ ରେକର୍ଡ ହେବ । ପ୍ରଥମ ଦିନରେ ହିଁ ସିକନ୍ଦର ଚଳିତ ବର୍ଷର ଶ୍ରେଷ୍ଠ ୩ଟି ବଲିଉଡ୍ ଫିଲ୍ମ ମଧ୍ୟରୁ ଗୋଟିଏ ହୋଇଯାଇପାରେ।
ସିକନ୍ଦର ଫିଲ୍ମଟି କେତେ ସଫଳ ହେବ, ହିଟ୍ ହେବ କି ଫ୍ଲପ୍, ଏସବୁ ଫିଲ୍ମ ରିଲିଜ୍ ହେବା ପରେ ହିଁ ଜଣାପଡିବ । କିନ୍ତୁ ଏହା ନିଶ୍ଚିତ ଯେ ଫିଲ୍ମଟି ନିଶ୍ଚିତ ଭାବରେ ୫୦ କୋଟିରୁ ଅଧିକ ଆୟରେ ଓପେନିଂ କରିବ । କହିବାକୁ ଗଲେ ସିକନ୍ଦର ୨୦୨୫ର ଶ୍ରେଷ୍ଠ ୩ଟି ସର୍ବାଧିକ ଆୟକାରୀ ବଲିଉଡ୍ ଫିଲ୍ମରେ ସାମିଲ ହୋଇପାରେ।
