ନୂଆଦିଲ୍ଲୀ: ବଲିଉଡ୍ ଅଭିନେତ୍ରୀ ଶିଳ୍ପା ଶିରୋଦକର ଅନେକ ଫିଲ୍ମରେ କାମ କରିଛନ୍ତି। ତାଙ୍କୁ ସଲମାନ ଖାନଙ୍କ ରିଆଲିଟି ଶୋ 'ବିଗ୍ ବସ୍'ରେ ମଧ୍ୟ ଦେଖିବାକୁ ମିଳିଥିଲା। ଖୁବ୍ ଶୀଘ୍ର ସେ 'ଜଟାଧାରା' ଫିଲ୍ମରେ ନଜର ଆସିବେ। ଅଭିନେତ୍ରୀ ସାକ୍ଷାତକାରରେ ଏକ ଘଟଣା ବିଷୟରେ କହିଥିଲେ, ଯାହା ତାଙ୍କ ପରିବାରରେ ଆତଙ୍କ ସୃଷ୍ଟି କରିଥିଲା। ଏକ ଫିଲ୍ମ ସମୟରେ ଅଭିନେତ୍ରୀଙ୍କ ମୃତ୍ୟୁ ଖବର ପ୍ରସାରିତ ହୋଇଥିଲା। କିନ୍ତୁ ପରେ ଜଣାପଡିଥିଲା ଯେ ଏହା ନିର୍ମାତାଙ୍କ ଦ୍ୱାରା ଏକ ପ୍ରମୋସନାଲ୍ ଷ୍ଟଣ୍ଟ୍ ଥିଲା।
ଶିଳ୍ପା ଶିରୋଦକର ଯାହା କହିଛନ୍ତି ତାହା 'ରଘୁବୀର' ସହିତ ଜଡିତ। ୩୦ ବର୍ଷ ପୂର୍ବେ ରିଲିଜ୍ ହୋଇଥିବା ଫିଲ୍ମକୁ ନେଇ ଚାଞ୍ଚଲ୍ୟକର କଥା କହଛନ୍ତି ଶିଳ୍ପା। ଫିଲ୍ମ ନିର୍ମାତା ଶିଳ୍ପାଙ୍କ ସହିତ ଏପରି କିଛି କରିଥିଲେ ଯାହା ଦେଖି ଅଭିନେତ୍ରୀ ବହୁତ ରାଗି ଯାଇଥିଲେ। କିନ୍ତୁ ଫିଲ୍ମର ସଫଳତା ଯୋଗୁଁ ଅଭିନେତ୍ରୀ ଅଧିକ ଅସନ୍ତୋଷ ପ୍ରକାଶ କରି ନଥିଲେ।
ପିଙ୍କଭିଲାକୁ ଏକ ସାକ୍ଷାତକାରରେ ଶିଳ୍ପା କହିଥିଲେ ଯେ ଫିଲ୍ମର ସୁଟିଂ ସମୟରେ ମୋର ମୃତ୍ୟୁ ହୋଇଥିବା ଗୁଜବ ପ୍ରଚାରିତ ହୋଇଥିଲା। ଅଭିନେତ୍ରୀ କହିଥିଲେ, "ଯେତେବେଳେ ମୁଁ ମନାଲିରେ ସୁନିଲ ଶେଟ୍ଟୀଙ୍କ ସହିତ ସୁଟିଂ କରୁଥିଲି, ମୋ ବାପା ହୋଟେଲକୁ ଫୋନ୍ କରିବାକୁ ଚେଷ୍ଟା କରୁଥିଲେ, କାରଣ ସେତେବେଳେ ଆମ ପାଖରେ ମୋବାଇଲ୍ ଫୋନ୍ ନଥିଲା।" ସମ୍ବାଦପତ୍ରରେ ଶିରୋନାମା ଛାପିଥିଲା ଯେ ଶିଳ୍ପା ଶିରୋଦକରଙ୍କୁ ଗୁଳି କରି ହତ୍ୟା କରାଯାଇଛି।" ଏହି ଖବର ସୁଟିଂ ଦେଖୁଥିବା ସମସ୍ତ ଲୋକ ଜାଣିଥିଲେ।
ଶିଳ୍ପା ଆହୁରି କହିଥିଲେ ଯେ ଯେତେବେଳେ ସେ ତାଙ୍କ ରୁମକୁ ଗଲେ, ସେ ଦେଖିଲେ ଯେ ୨୦ ମିସ୍ଡ କଲ୍ ଥିଲା। ତାଙ୍କ ବାପାମା ସେହି ଖବରରେ ବହୁତ ବିରକ୍ତ ହୋଇଥିଲେ। ଏହା ପରେ, ନିର୍ମାତାମାନେ ଅଭିନେତ୍ରୀଙ୍କୁ ଜଣାଇଥିଲେ ଯେ ଏହା ଏକ ପ୍ରମୋସନାଲ୍ ଷ୍ଟଣ୍ଟ ଥିଲା। ଏହା ପରେ, ଅଭିନେତ୍ରୀ ଟିକେ ଆଶ୍ୱସ୍ତି ହୋଇଥିଲେ। କିନ୍ତୁ ଏହା ଟିକେ ଅଧିକ ଥିଲା ବୋଲି ଅଭିନେତ୍ରୀ କହିଥିଲେ।
୫୧ ବର୍ଷୀୟା ଶିଳ୍ପା ଖୁବ୍ ଶୀଘ୍ର 'ଜଟାଧାରା' ଫିଲ୍ମରେ ନଜର ଆସିବେ। ଏହା ମାଧ୍ୟମରେ ସେ ବହୁ ଦିନ ପରେ ରୂପେଲି ପରଦାରେ ନଜର ଆସିବେ। ରିପୋର୍ଟ ଅନୁସାରେ, ଏହି ଫିଲ୍ମ ଚଳିତ ବର୍ଷ ନବରାତ୍ରି ଅବସରରେ ମୁକ୍ତିଲାଭ କରିପାରେ।
