ନୂଆଦିଲ୍ଲୀ ୧୨/୦୪: ୨୦୨୫ ଆଇପିଏଲରେ ସିଏସ୍କେର ପରାଜୟ ଶୋ ଜାରି । ବିଜୟ ସହ ଅଭିଯାନ ଆରମ୍ଭ କରିଥିବା ଚେନ୍ନାଇ ସୁପର କିଙ୍ଗ୍ସର ଦଳ ଏହି ସିଜିନରେ ବହୁତ ପଛରେ ପଡ଼ିଯାଇଛି। ସେ ଗତ ୫ଟି ମ୍ୟାଚ୍ରେ ପରାଜୟର ସମ୍ମୁଖୀନ ହୋଇଛି । ୧୧ ଏପ୍ରିଲରେ କୋଲକାତା ନାଇଟ୍ ରାଇଡର୍ସ ବିପକ୍ଷରେ ଖେଳାଯାଇଥିବା ମ୍ୟାଚ୍ରେ ମଧ୍ୟ ବଡ଼ ପରାଜୟ ଭୋଗିଥିଲା ଚେନ୍ନାଇ । ମ୍ୟାଚ୍ରେ ପ୍ରଥମେ ବ୍ୟାଟିଂ କରି ସିଏସ୍କେ ଦଳ ୨୦ ଓଭରରେ ୯ ୱିକେଟ୍ ହରାଇ ମାତ୍ର ୧୦୩ ରନ୍ କରିପାରିଥିଲା। ଯାହାକୁ ଅତି ସହଜରେ ହାସଲ କରିନେଇଥିଲା KKR । ମାତ୍ର ୧୦.୧ ଓଭରରେ ଲକ୍ଷ୍ୟ ହାସଲ କରିଥିଲା । ଏହି ଲଜ୍ଜାଜନକ ପ୍ରଦର୍ଶନ ପରେ, ଜଣେ CSK ଖେଳାଳି ତାଙ୍କରି ଦଳର ପ୍ରଶଂସକଙ୍କ ଟାର୍ଗେଟରେ ଆସିଛନ୍ତି। ସେ ଖେଳାଳି ଆଉ କେହି ନୁହଁନ୍ତି ସେ ହେଉଛନ୍ତି ଆର.ଅଶ୍ୱିନ।
ଅଶ୍ୱିନଙ୍କ ବିରୋଧରେ ଗମ୍ଭୀର ଅଭିଯୋଗ:
ଚଳିତ ସିଜନରକେ CSKକୁ ଫେରିଛନ୍ତି ରବିଚନ୍ଦ୍ରନ ଅଶ୍ୱିନ । ନିଲାମରେ ସିଏସକେ ଦଳ ତାଙ୍କ ପାଇଁ ୯.୭୫ କୋଟି ଟଙ୍କା ଖର୍ଚ୍ଚ କରିଥିଲା । କିନ୍ତୁ ସେ ଏପର୍ଯ୍ୟନ୍ତ କୌଣସି ମ୍ୟାଚ୍ରେ କରାମତି ଦେଖାଇନାହାଁନ୍ତି । ସିଜିନରେ ସେ ପ୍ରାୟ ପ୍ରତ୍ୟେକ ମ୍ୟାଚ୍ରେ ଫ୍ଲପ୍ ରହିଛନ୍ତି । ଏହି ସମୟରେ, ସେ ତାଙ୍କ ନିଜ ଦଳର ପ୍ରଶଂସକଙ୍କ ଟାର୍ଗେଟରେ ଆସିଛନ୍ତି। ଅଶ୍ୱିନଙ୍କ ବିରୋଧରେ ଦଳର ଡ୍ରେସିଂ ରୁମର ଖବର ଲିକ୍ କରିବାର ଗୁରୁତର ଅଭିଯୋଗ ଆସିଛି । ପ୍ରଶଂସକମାନେ କହିଛନ୍ତି ଯେ ଅଶ୍ୱିନ ପୂର୍ବରୁ ତାଙ୍କ ବନ୍ଧୁମାନଙ୍କୁ ଟିମ୍ର ଆଲୋଚନା ଲିକ୍ କରୁଛନ୍ତି । ଯାହା ଦଳର ପ୍ରଦର୍ଶନକୁ ପ୍ରଭାବିତ କରୁଛି।
ଜଣେ ପ୍ରଶଂସକ ସୋସିଆଲ ମିଡିଆରେ ଲେଖିଛନ୍ତି, 'ଥରେ ବିଚାର କରନ୍ତୁ । ଗତ ବର୍ଷ ଆଇପିଏଲ ଅଧିନାୟକଙ୍କ ଫଟୋସୁଟ୍ ପର୍ଯ୍ୟନ୍ତ, ଆମେ କେବେ ଜାଣି ନଥିଲୁ ଯେ ଋତୁରାଜ ଗାୟକୱାଡ ଅଧିନାୟକ ହେବାକୁ ଯାଉଛନ୍ତି ।' ଏବେ ଆନୁଷ୍ଠାନିକ ଘୋଷଣା ପୂର୍ବରୁ, ଆମେ ଜାଣିଲୁ ଯେ ଧୋନି ଫେରି ଆସୁଛନ୍ତି । ଯାହା ପରେ ପ୍ରଶଂସକମାନେ କମେଣ୍ଟ ବକ୍ସରେ ଆର.ଅଶ୍ୱିନଙ୍କ ନାମ ଲେଖିବା ଆରମ୍ଭ କଲେ।
ଅଶ୍ୱିନଙ୍କର ଏକ ୟୁଟ୍ୟୁବ୍ ଚ୍ୟାନେଲ୍ ମଧ୍ୟ ଅଛି । ଯାହା ଚର୍ଚ୍ଚାରେ ରହିଛି ବର୍ତ୍ତମାନ । ଆଜିକାଲି ଅଶ୍ୱିନ ତାଙ୍କ ୟୁଟ୍ୟୁବ୍ ଚ୍ୟାନେଲରେ ଆଇପିଏଲ ମ୍ୟାଚ୍ର ପ୍ରିଭ୍ୟୁ ଏବଂ ସମୀକ୍ଷା ଶୋ କରୁଛନ୍ତି। କିନ୍ତୁ ନିକଟରେ ତାଙ୍କ ୟୁଟ୍ୟୁବ୍ ଚ୍ୟାନେଲର ଆଡମିନ୍ ଏହି ଖବରକୁ ନିଶ୍ଚିତ କରିଛନ୍ତି ଯେ ଅଶ୍ୱିନଙ୍କ ୟୁଟ୍ୟୁବ୍ ଚ୍ୟାନେଲ ଚେନ୍ନାଇ ସୁପର କିଙ୍ଗ୍ସର ବାକି ମ୍ୟାଚ୍ କଭର କରିବ ନାହିଁ।
ପ୍ରକୃତରେ, ୫ ଏପ୍ରିଲରେ ଦିଲ୍ଲୀ କ୍ୟାପିଟାଲ୍ସ ଏବଂ ଚେନ୍ନାଇ ସୁପର କିଙ୍ଗ୍ସ ମଧ୍ୟରେ ଖେଳାଯାଇଥିବା ମ୍ୟାଚ୍ ପରେ ଏକ ବିବାଦ ସୃଷ୍ଟି ହୋଇଥିଲା । ମ୍ୟାଚ୍ ସମୀକ୍ଷାରେ, ଅଶ୍ୱିନଙ୍କ ୟୁଟ୍ୟୁବ୍ ଚ୍ୟାନେଲର ଜଣେ ଅତିଥି ପ୍ରସନ୍ନ ଆଗୋରାମ, CSKର ଦଳ ଚୟନ ଉପରେ ପ୍ରଶ୍ନ ଉଠାଇଥିଲେ । ଏହା ପରେ ଏକ ବିରାଟ ହଙ୍ଗାମା ହୋଇଥିଲା। ଯାହା ପରେ ସେ ଏହି ନିଷ୍ପତ୍ତି ନେଇଥିଲେ।
