ରାଉରକେଲା ୨।୬: ରାଉରକେଲା-ଝାଡଖଣ୍ଡ ସୀମାନ୍ତରୁ ଅଢେଇ ଟନ୍ ବିସ୍ଫୋରକ ଜବତ ହୋଇଛି । ଝାଡ଼ଖଣ୍ଡ ଜରେଇକେଲା ଥାନା ତିରିଲିପୋଷ ଜଙ୍ଗଲରୁ ସର୍ଚ୍ଚ ଅପରେସନ ବେଳେ ସୁରକ୍ଷାକର୍ମୀ ବିସ୍ଫୋରକ ଜବତ କରିଛନ୍ତି । ମାଟି ତଳୁ ଏସବୁ ବିସ୍ଫୋରକ ଜବତ ହୋଇଛି । ସରଣ୍ଡା ଜଙ୍ଗଲରେ ଏବେବି ସର୍ଚ୍ଚ ଅପରେସନ ଜାରି ରହିଛି । ସର୍ଚ୍ଚ ଅପରେସନରେ କୋବ୍ରା ବାଟାଲିୟନ, DVF, IRB ଓ SOG ଯବାନ ସାମିଲ ଅଛନ୍ତି । ତେବେ ମାଓବାଦୀ ମାନେ ଏସବୁ ବିସ୍ଫୋରକ ମାଟି ତଳେ ଲୁଚାଇ ରଖିଥିବା କୁହାଯାଉଛି ।
ସୂଚନାଯୋଗ୍ୟ ଯେ, ସୁନ୍ଦରଗଡ କେ.ବଲାଙ୍ଗ ଥାନା ବାଙ୍କୋ ପଥର ଖଣି ଅଞ୍ଚଳରୁ ୪ ଟନ୍ ବିସ୍ଫୋରକ ଲୁଟ୍ ହୋଇଥିଲା । ଯାହାକୁ ମାଓବାଦୀ ମାନେ ନେଇଯାଇଥିବା କୁହାଯାଉଥିଲା । ଲୁଟ୍ ବିସ୍ଫୋରକର ପ୍ରାୟ ୭୦ ପ୍ରତିଶତ ଉଦ୍ଧାର କରାଯାଇଥିବା ସୂଚନା ମିଳିଥିଲା ।
You Can Read:
