କୋରାନରେ ହାତ ରଖି ପଦ ଓ ଗୋପନୀୟତାର ଶପଥ ନେଲେ ଜୋହରାନ ମମଦାନୀ, ନ୍ୟୁୟର୍କ ଇତିହାସରେ ପ୍ରଥମ

ନ୍ୟୁୟର୍କ ୧।୧: ଜୋହରାନ ମମଦାନୀ ଗୁରୁବାର ମଧ୍ୟରାତ୍ର ପରେ ନ୍ୟୁୟର୍କ ସହରର ମେୟର ହୋଇଛନ୍ତି। ସେ ମ୍ୟାନହଟ୍ଟନର ଏକ ବନ୍ଦ ପଡିଥିବା ଷ୍ଟେସନ ସବୱେରେ ପଦ ଓ ଗୋପନୀୟତାର ଶପଥ ପାଠ କରିଛନ୍ତି। ଡେମୋକ୍ରାଟିକ ମମଦାନୀ ଆମେରିକାର ସବୁଠୁ ବଡ଼ ସହର ପ୍ରଥମ ମୁସଲମାନ ମେୟର ରୂପେ ଶପଥ ଗ୍ରହଣ କରିଛନ୍ତି। ଶପଥ ପାଠ ସମୟରେ ସେ କୋରାନ ଉପରେ ହାତ ରଖିଥିଲେ। ଶପଥପାଠ ପରେ ସେ କହିଛନ୍ତି ଯେ ବାସ୍ତବିକ ଏହା ସାରା ଜୀବନର ସମ୍ମାନ ଓ ସୌଭାଗ୍ୟ ଅଟେ।

ମମଦାନୀଙ୍କ ଶପଥପାଠ ଉତ୍ସବ ତାଙ୍କ ରାଜନୈତିକ ସହଯୋଗୀ ତଥା ନ୍ୟୁୟର୍କ ଆଟର୍ଣ୍ଣି ଜେନେରାଲ ଲେଟ୍ଟିୟା ଜେମ୍ସଙ୍କ ଦ୍ୱାରା ଆୟୋଜନ କରାଯାଇଥିଲା। ଏହି ଆୟୋଜନ ପୂରୁଣା ସିଟି ହଲ ଷ୍ଟେସନରେ କରାଯାଇଥିଲା। ଏହା ପରେ ମମଦାନୀଙ୍କୁ ମଧ୍ୟାହ୍ନ ଗୋଟାଏ ବେଳେ ଏକ ସାର୍ବଜନିକ କାର୍ଯ୍ୟକ୍ରମରେ ମେୟରଙ୍କ ରାଜନୈତିକ ନାୟକଙ୍କ ମଧ୍ୟରେ ଅନ୍ୟତମ ଆମେରିକୀୟ ସିନେଟର ବର୍ଣ୍ଣି ସ୍ୟାଣ୍ଡର୍ସଙ୍କ ଦ୍ୱାରା ଭବ୍ୟ କାର୍ଯ୍ୟକ୍ରମରେ ପୁଣି ଶପଥପାଠ କରାଯିବ।

ଉଲ୍ଲେଖଯୋଗ୍ୟ ଯେ ମମଦାନୀ ଏବେ ଆମେରିକା ରାଜନୀତିରେ ସବୁଠୁ ଜଟିଳ କାମ ଆରମ୍ଭ କରିବାକୁ ଯାଉଛନ୍ତି। ମମଦାନୀ ସହରର ପ୍ରଥମ ମୁସଲମାନ ମେୟର ବ୍ୟତୀତ ଦକ୍ଷିଣ ଏସିୟା ମୂଳର ପ୍ରଥମ ଓ ଆଫ୍ରିକାରେ ଜନ୍ମିତ ପ୍ରଥମ ମେୟର ମଧ୍ୟ। ୩୪ ବର୍ଷ ବୟଷ୍କ ମମଦାନୀ ସହରର ସବୁଠୁ କମ ବୟସର ମେୟର । ଜୋହରନ ମମଦାନୀଙ୍କ ଜନ୍ମ ୟୁଗାଣ୍ଡା କମ୍ପାଲାରେ ହୋଇଛି। ସେ ଫିଲ୍ମ ନିର୍ମାତ୍ରୀ ମୀରା ନାୟର ଓ ଶିକ୍ଷାବିଦ୍ ତଥା ଲେଖକ ମଦମୁଦ ମମଦାନୀଙ୍କ ପୁଅ।

ମମଦାନୀ ୭ ବର୍ଷ ବୟସର ହୋଇଥିବା ବେଳେ ତାଙ୍କ ପରିବାର ନ୍ୟୁୟର୍କ ଚାଲି ଆସିଥିଲା। ୯/୧୧ ପରେ ମମଦାନୀ ନ୍ୟୁୟର୍କ ସହରରେ ବଡ ହୋଇଛନ୍ତି। ସେ ୨୦୧୮ ମସିହାରେ ଆମେରିକାର ନାଗରିକ ହୋଇଥିଲେ। ଉଲ୍ଲେଖଯୋଗ୍ୟ ଯେ ମମଦାନୀଙ୍କୁ ଏକ ଏପରି ସହର ଉତ୍ତରାଧିକାରରେ ମିଳିଛି ଯାହା କୋଭିଡ-୧୯ ମହାମାରୀରେ ଦୀର୍ଘ ବର୍ଷ ଧରି ଧିମା ରିକୋଭରି କରିବା ପରେ ଏବେ ଉନ୍ନତି କରୁଛି। ସହରର ଅପରାଧ ହାର ଏବେ ମହାମାରୀ ପୂର୍ବରୁ ସର୍ବନିମ୍ନ ସ୍ତରକୁ ପହଞ୍ଚିଯାଇଛି।