T 20 World Cup: ଟସ୍ ଜିତି ଇଂଲଣ୍ଡର ବୋଲିଂ ନିଷ୍ପତ୍ତି, ପ୍ରଥମେ ବ୍ୟାଟିଂ କରିବ ଭାରତ

ମୁମ୍ବାଇ: ଆଜି ୨୦୨୬ ଟି୨୦ ବିଶ୍ୱକପର ଦ୍ୱିତୀୟ ସେମିଫାଇନାଲ ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ଖେଳା ଯାଉଛି। ଏହି ମହାମୁକାବିଲାରେ ମୁହାଁମୁହିଁ ହେଉଛନ୍ତି ଭାରତ ଏବଂ ଇଂଲଣ୍ଡ । ମ୍ୟାଚ୍ ପାଇଁ ଟସ୍ ସନ୍ଧ୍ୟା ୬:୩୦ରେ ପଡ଼ିଛି। ଟସ୍ ଜିତି ଇଂଲଣ୍ଡ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛି। ପ୍ରଥମେ ବ୍ୟାଟିଂ କରିବ ଭାରତ। ଏହି ମ୍ୟାଚର ବିଜେତା ମାର୍ଚ୍ଚ ୮ରେ ଫାଇନାଲରେ ନ୍ୟୁଜିଲାଣ୍ଡକୁ ଭେଟିବ।  ଇଂଲଣ୍ଡର ଚୂଡ଼ାନ୍ତ ଏକାଦଶରେ ଇଂଲଣ୍ଡ ଗୋଟିଏ ପରିବର୍ତ୍ତନ ଘଟିଛି। ଭାରତ ସମାନ ଏକାଦଶ ସହ ମଇଦାନକୁ ଓହ୍ଲାଇବ

୨୦୨୨ ଟି୨୦ ବିଶ୍ୱକପ୍ ସେମିଫାଇନାଲରେ ଇଂଲଣ୍ଡ ଭାରତକୁ ପରାସ୍ତ କରିଥିଲା। ଦଳ ୧୦ ୱିକେଟରେ ବିଜୟୀ ହୋଇଥିଲା ଏବଂ ’ପରେ ଫାଇନାଲରେ ବିଜୟୀ ହୋଇ ଚାମ୍ପିଅନ ହୋଇଥିଲା। ଏବେ, ଟିମ୍ ଇଣ୍ଡିଆ ପାଖରେ ହିସାବ ବରାବର କରିବାର ସୁଯୋଗ ଅଛି। ତଥାପି, କାଗଜପତ୍ରରେ, ଇଂଲଣ୍ଡ ବହୁତ ଶକ୍ତିଶାଳୀ ଦେଖାଯାଉଛି, ତେଣୁ ଏକ ରୋମାଞ୍ଚକର ମ୍ୟାଚ୍ ହେବ ବୋଲି ଆଶା କରାଯାଉଛି।

ୱାଙ୍ଖେଡେ ଷ୍ଟାଡିୟମ ପିଚ୍ ରିପୋର୍ଟ

ମୁମ୍ବାଇର ୱାଙ୍ଖେଡେ ଷ୍ଟାଡିୟମର ପିଚ୍ ସାଧାରଣତଃ ବ୍ୟାଟରଙ୍କ ପାଇଁ ଅନୁକୂଳ ଥାଏ। କିନ୍ତୁ ଭାରତ ଏବଂ ଇଂଲଣ୍ଡ ମଧ୍ୟରେ ସେମିଫାଇନାଲ ମ୍ୟାଚ୍ ପାଇଁ ପିଚ୍ ଘାସରେ ଆଚ୍ଛାଦିତ ଦେଖାଯାଉଛି। ତଥାପି, ଟିମ୍ ଇଣ୍ଡିଆର ବୋଲିଂ କୋଚ୍ ମୋର୍ନେ ମୋର୍କେଲ ଏକ ହାଇ ସ୍କୋରିଂ ମୁକାବିଲା ହେବ ବୋଲି ଆଶା କରିଛନ୍ତି। ଅଭିଷେକ ଶର୍ମା ଗତ ବର୍ଷ ଏହି ମଇଦାନରେ ଇଂଲଣ୍ଡ ବିପକ୍ଷରେ ଏକ ଚମତ୍କାର ଶତକ ହାସଲ କରିଥିଲେ। ଭାରତ ସେମି ଫଅଇନାଲରେ ଟପ୍ ଆର୍ଡର ବ୍ୟାଟରଠାରୁ ବିସ୍ଫୋରକ ପ୍ରଦର୍ଶନ ଆଶା କରିବ।

ଭାରତର ଏକାଦଶ: ଅଭିଷେକ ଶର୍ମା, ସଞ୍ଜୁ ସାମସନ (ୱିକେଟକିପର), ଇଶାନ କିଶନ, ସୂର୍ଯ୍ୟକୁମାର ଯାଦବ (ଅଧିନାୟକ), ତିଲକ ବର୍ମା, ହାର୍ଦ୍ଦିକ ପାଣ୍ଡ୍ୟା, ଶିବମ୍ ଦୁବେ, ଅକ୍ଷର ପଟେଲ, ଯଶପ୍ରୀତ ବୁମରା, ଅର୍ଶଦୀପ ସିଂହ ଏବଂ ବରୁଣ ଚକ୍ରବର୍ତ୍ତୀ।​​​​​​​

ଇଂଲଣ୍ଡର ଏକାଦଶ: ଫିଲ୍ ସଲ୍ଟ, ଜୋସ୍ ବଟଲର୍ (ୱିକେଟକିପର), ହ୍ୟାରି ବ୍ରୁକ୍ (ଅଧିନାୟକ), ଜାକବ୍ ବେଥେଲ୍, ଟମ୍ ବାଣ୍ଟନ୍, ସାମ୍ କରନ, ୱିଲ୍ ଜ୍ୟାକ୍ସ, ଜେମି ଓଭରଟନ, ଲିଆମ ଡାସନ, ଜୋଫ୍ରା ଆର୍ଚର, ଆଦିଲ ରଶିଦ।