ଜାତୀୟ ହସ୍ତଶିଳ୍ପ ପୁରସ୍କାର ପାଇଲେ ଯାଜପୁରର ପଥର ଶିଳ୍ପୀ

ଚଣ୍ଡିଖୋଲ ୧୩।୧୨: ଜାତୀୟ ହସ୍ତଶିଳ୍ପ ପୁରସ୍କାର ପାଇଲେ ଓଡ଼ିଶାର ପଥର ଶିଳ୍ପୀ । ଯାଜପୁର ଜିଲ୍ଲା ଧର୍ମଶାଳା ବ୍ଲକ ସୁଭଦ୍ରାପୁର ଗ୍ରାମର ପ୍ରସ୍ତର ଶିଳ୍ପୀ ବ୍ରହ୍ମାନନ୍ଦ ମହାରଣା ପାଇଲେ ଜାତୀୟ ହସ୍ତଶିଳ୍ପ ପୁରସ୍କାର । ସେ ୨୦୨୩ ମସିହା ପାଇଁ ଜାତୀୟ ହସ୍ତଶିଳ୍ପ ପୁରସ୍କାର ପାଇଛନ୍ତି । ସେ ମହାମହିମ ରାଷ୍ଟ୍ରପତିଙ୍କ ନିକଟରୁ ଜାତୀୟ ହସ୍ତଶିଳ୍ପ ପୁରସ୍କାର ପାଇଛନ୍ତି । ତାଙ୍କ ହାତ ତିଆରି ଯୋଗେଶ୍ଵର କୃଷ୍ଣଙ୍କ ମୂର୍ତ୍ତି ପାଇଁ ସେ ଜାତୀୟ ହସ୍ତଶିଳ୍ପ ପୁରସ୍କାର ପାଇଛନ୍ତି । ସେ ଦୀର୍ଘ ୧୫ ବର୍ଷ ଧରି ନିଜ ଅଞ୍ଚଳ ରେ ପଥର ଶିଳ୍ପକୁ ଆପଣେଇ ବହୁ ଲୋକଙ୍କୁ କର୍ମ ନିଯୁକ୍ତି ଯୋଗାଇ ଦେଇଛନ୍ତି । ତାଙ୍କର ଏହି ସଫଳତା ପାଇଁ ବିଭିନ୍ନ ମହଲରୁ ପ୍ରସଂସାର ସୁଅ ଛୁଟୁଛି ।