ନୂଆଦିଲ୍ଲୀ: ରୁଷ- ୟୁକ୍ରେନ ଯୁଦ୍ଧ ପୁଣି ଥରେ ଭୟାବହ ପରିସ୍ଥିତିରେ। ରବିବାର ରୁଷ, ୟୁକ୍ରେନର ସୁମୀରେ ବାଲିଷ୍ଟିକ ମିସାଇଲ ମାଡ଼ କରିଛି। ଏଥିରେ ସୁମୀର ପ୍ରାୟ ୨୧ ଜଣଙ୍କ ମୃତ୍ୟୁ ହୋଇଥିବା କୁହାଯାଉଛି। ରୁଷ ମିସାଇଲ ସହରର ରାସ୍ତା, ସାଧାରର ଜୀବନ, ଆବସିକ ଅଞ୍ଚଳ, ଶିକ୍ଷାନୁଷ୍ଠାନ, ରାସ୍ତାରେ ଥିବା କାର୍କୁ ଟାର୍ଗେଟ କରାଯାଇଛି। ରବିବାର ସକାଳେ ହୋଇଥିବା ଏହି ଆକ୍ରମଣରେ ବ୍ୟାପକ କ୍ଷୟକ୍ଷତି ହୋଇଥିବା କୁହାଯାଉଛି।
ତେବେ ଏହି ଆକ୍ରମଣକୁ ରୁଷ-ୟୁକ୍ରେନ ଯୁଦ୍ଧର ନୂଆ ଅଧ୍ୟାୟ ବୋଲି କୁହାଯାଉଛି। ପ୍ରାଥମିକ ସୂଚନା ଅନୁସାରେ ମିଶାଇଲ ମାଡ଼ରେ ପ୍ରାୟ ୨୧ ନାଗରିକଙ୍କ ମୃତ୍ୟୁ ହୋଇଛି। ୧୨ରୁ ଅଧିକ ଲୋକ ଆହତ ହୋଇଛନ୍ତି। ଅଧିକାରୀଙ୍କ ସୂଚନା ଅନୁଯାୟୀ, ଉଦ୍ଧାର କାର୍ଯ୍ୟ ଜାରି ରହିଛି। ଆବଶ୍ୟକୀୟ ପଦକ୍ଷେପ ନିଆଯାଉଛି।
ଏହା ପୂର୍ବରୁ ଶନିବାର ମଧ୍ୟ ୟୁକ୍ରେନ୍ର ରାଜଧାନୀ କିଭ୍ରେ ଥିବା ଭାରତୀୟ ଔଷଧ କମ୍ପାନୀର ଏକ ଗୋଦାମ ଉପରେ ଋଷ ରକେଟ୍ ମାଡ଼ କରିଥିଲା। ଶନିବାର ଭାରତରେ ଥିବା ୟୁକ୍ରେନ୍ ଦୂତାବାସ ପକ୍ଷରୁ ଏହି ଦାବି କରାଯାଇଥିଲା। ଏନେଇ ଉଭୟ ଭାରତ ଓ ଋଷ ସରକାର ପକ୍ଷରୁ ଏପର୍ଯ୍ୟନ୍ତ କୌଣସି ପ୍ରତିକ୍ରିୟା ଆସି ନାହିଁ।
ୟୁକ୍ରେନରେ ଥିବା ୟୁକେର ରାଷ୍ଟ୍ରଦୂତ ମାର୍ଟିନ୍ ହାରିସ୍ ମଧ୍ୟ ଏଭଳି କିଛି ଦାବି କରିଛନ୍ତି। ରୁଷିଆ ଆକ୍ରମଣରେ କିଭ୍ରେ ଥିବା ଏକ "ପ୍ରମୁଖ ଔଷଧ ଗୋଦାମ" ନଷ୍ଟ ହୋଇଯାଇଛି ବୋଲି ସେ ପୋଷ୍ଟ କରିଛନ୍ତି। ତେବେ ଏହି ଆକ୍ରମଣ ମିସାଇଲ ନୁହେଁ ରୁଷିଆ ଡ୍ରୋନ୍ ଦ୍ୱାରା କରାଯାଇଥିଲା ବୋଲି କୁହାଯାଇଛି। ୟୁକ୍ରେନୀୟ ନାଗରିକଙ୍କ ବିରୁଦ୍ଧରେ ରୁଷର ଆତଙ୍କ ଅଭିଯାନ ଜାରି ରହିଛି ବୋଲି ହ୍ୟାରିସ ପୋଷ୍ଟ କରିଛନ୍ତି।
