ସିନେମାରେ ଗୋଲ୍ଡେନ ଜୁବଲି: ଫିଲ୍ମ ଫେଷ୍ଟିଭାଲରେ ସମ୍ମାନିତ ହେଲେ ରଜନୀକାନ୍ତ

ମୁମ୍ବାଇ: ସିନେମାରେ ୫୦ ବର୍ଷ । ମେଗାଷ୍ଟାର ରଜନୀକାନ୍ତ ଦୀର୍ଘ ୫୦ ବର୍ଷ ଧରି ସିନେ ଜଗତରେ ରାଜ କରୁଛନ୍ତି । ୫୬ତମ ଅନ୍ତର୍ଜାତୀୟ ଫିଲ୍ମ ଫେଷ୍ଟିଭାଲ୍ରେ ରାଜନୀକାନ୍ତଙ୍କୁ ସମ୍ମାନିତ କରାଯାଇଛି । ଏହା ସହ ତାଙ୍କର ଫିଲ୍ମ ‘ଲାଲ୍ ସଲାମ’ର ସ୍କ୍ରିନିଂ ହୋଇଛି । ତାଙ୍କ ଝିଅ ଏବଂ ଫିଲ୍ମ ନିର୍ଦ୍ଦେଶକ ଏଶ୍ବର୍ଯ୍ୟା ଉପସ୍ଥିତ ଥିଲେ ।

ଅଭିନେତା ରଜନୀକାନ୍ତ ନୀଳ ହାଫ-ସାର୍ଟ ଏବଂ କଳା ପ୍ୟାଣ୍ଟ ପିନ୍ଧି ଉତ୍ସବରେ ପହଞ୍ଚିଥିଲେ। ଏକ ଭାଇରାଲ ଭିଡିଓରେ, ଅଭିନେତା ହସି ହସି ହାତ ଯୋଡି ଲୋକଙ୍କ ଅଭିବାଦନ ଗ୍ରହଣ କରୁଥିବାର ଦେଖାଯାଉଛି। ତାଙ୍କ ଝିଅ ଐଶ୍ୱର୍ଯ୍ୟା ମଧ୍ୟ ତାଙ୍କ ବାପାଙ୍କ ସହିତ ଚାଲିଥିଲେ। ଦର୍ଶକମାନେ ଦୁହିଁଙ୍କ ଗୋଟିଏ ଝଲକ ଦେଖିବାକୁ ଉତ୍ସାହିତ ଥିଲେ।

'ଲାଲ୍ ସଲାମ୍' ଫିଲ୍ମ ୨୦୨୪ ମସିହାରେ ମୁକ୍ତିଲାଭ କରିଥିଲା। ଏହା ଐଶ୍ୱର୍ଯ୍ୟାଙ୍କ ନିର୍ଦ୍ଦେଶିତ ଏବଂ ଲାଇକା ପ୍ରଡକ୍ସନ୍ସ ବ୍ୟାନରରେ ଅଲ୍ଲୀରାଜ ସୁବାସ୍କରଣଙ୍କ ଦ୍ୱାରା ନିର୍ମିତ ଏକ ତାମିଲ ଭାଷାର ସ୍ପୋର୍ଟ୍ସ ଆକ୍ସନ୍ ଡ୍ରାମା ଫିଲ୍ମ। ଏହି ଫିଲ୍ମରେ ବିଷ୍ଣୁ ବିଶାଲ ଏବଂ ବିକ୍ରାନ୍ତ ମୁଖ୍ୟ ଭୂମିକାରେ ଅଛନ୍ତି। ଏଥିରେ ଭିଗ୍ନେଶ, ସେନ୍ଥିଲ୍, ଜୀବିତା, କେଏସ୍ ରବିକୁମାର ଏବଂ ଥାମ୍ବି ରମୈୟା ମଧ୍ୟ ଅଭିନୟ କରିଛନ୍ତି। ମେଗାଷ୍ଟାର ରଜନୀକାନ୍ତଙ୍କର ମଧ୍ୟ ଏକ କ୍ୟାମିଓ ଆପିରିୟନ୍ସ ଅଛି।

ନିକଟରେ ରାଜନୀକାନ୍ତଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଭିନନ୍ଦନ ଜଣାଇଥିଲେ । ସିନେମାରେ ୫୦ ବର୍ଷ ଧରି ସକ୍ରିୟ ଥିବା ମେଗାଷ୍ଟାର ରଜନୀକାନ୍ତ ପିଏମ ମୋଦୀଙ୍କୁ ଧନ୍ୟବାଦ ଜଣାଇଥିଲେ । ରଜନୀକାନ୍ତିଙ୍କ ଷ୍ଟାଇଲ୍ ଯୁବପୀଢ଼ିଙ୍କୁ ବି ଖୁବ ଆକର୍ଷିତ କରେ । ଦୀର୍ଘ ବର୍ଷ ଧରି ତାଲିମ ଫିଲ୍ମରେ ନିଜର ଦବଦବା ରଖିଥିବା ରଜନୀକାନ୍ତଙ୍କୁ ଭାରତ ସମେତ ସାରା ବିଶ୍ବରୁ ଶୁଭେଚ୍ଛାରୁ ସୁଅ ଛଟିଛି ।